7 Sense Film Production နဲ့ နှစ်နှစ်တာ စာချုပ်ချုပ်ဆိုခဲ့တဲ့ အဆိုတော်ရွှေထူးကတော့ စာချုပ်ချုပ်ပြီးတဲ့နောက်ပိုင်းမှာ 7 Sense Film Production နဲ့ ရုပ်ရှင်ဇာတ်ကားတွေရိုက်ကူးသွားမှာဖြစ်ပြီး အမေလုပ်စေချင်တဲ့ ဒီအလုပ်ကို ကျွန်တော်လုပ်တာပါလို့ Duwun Media ကနေဖြေဆိုခဲ့ပါတယ်။

play

 

'' ကျွန်တော်အစကတည်းကတော့ ပြောဖူးပါတယ်။ ရုပ်ရှင်ဘက်ကို ကူးတာမဟုတ်ဘူးပေါ့နော်။ ကိုဝေမင်းမောင်တို့ကလည်း ကျွန်တော့်ကို တောင်းဆိုလာတယ်။ ပြီးတော့ အထူးသဖြင့် ကျွန်တော့် အမေပေါ့နော် ကျွန်တော့်အမေ လုပ်စေချင်လို့ ဒီအလုပ်ကို လုပ်တာပါ။ ပြီးတော့ ကျွန်တော့် သူငယ်ချင်းတွေ၊ အသိုင်းအဝိုင်းတွေ အကုန်လုံးက ဘာပဲဖြစ်ဖြစ် လူဆိုတာ အသက်ကြီးလာတာလေ ကျွန်တော်အသက်အရွယ်လေး ရှိနေတုန်းအချိန်မှာ အနုပညာနဲ့ ပတ်သက်ပြီး ကျွန်တော် လောဘကြီးတာပါ ကျွန်တော်လုပ်နိုင်တာကို အကုန်လုပ်သွားချင်တာကြောင့် 7 Sense Film Production နဲ့ စာချုပ်ချုပ်ဖြစ်သွားတာပါ'' လို့ ရွှေထူးက ပြောပါတယ်။

play

 

7 Sense Film Production နဲ့ စာချုပ်ချုပ်ဆိုထားတဲ့ နှစ်နှစ်အတွင်းမှာ ရုပ်ရှင်ဇာတ်ကားကြီးတွေ ရိုက်ကူးသွားမယ်ဆိုတဲ့ အကြောင်း ကိုလည်း ပြောပြခဲ့ပါသေးတယ်။

 

'' ၂ နှစ်အတွင်းမှာ ကျွန်တော် ရုပ်ရှင်ကားကြီး ၈ ကားရိုက်မှာပါ။ ကျွန်တော်ကြိုက်တဲ့ ဇာတ်လမ်းကိုလည်း သူတို့က ရိုက်ပေးမယ်။ သူတို့ ကြိုက်တဲ့ ဇာတ်လမ်းကိုလည်း ကျွန်တော်ရိုက်မယ်။ ကိုဝေမင်းမောင်တို့နဲ့ အလုပ်လုပ်လို့ကောင်းတယ်။ ညှိယူလို့ရတယ် အမြဲတမ်းကျွန်တော့်ကို ပထမဦးစားပေး အနေနဲ့ စဉ်းစားပေးတဲ့အတွက် အခုလို လုပ်ဖြစ်သွားတာပါ။ ဒုတိယအခွေထွက်ပြီးတာနဲ့ ရုပ်ရှင်ဇာတ်ကားတွေ ဆက်ရိုက်သွားမှာပါ'' လို့ ဆိုပါတယ်။

play

 

ရွှေထူးအနေနဲ့ ရုပ်ရှင်ဇာတ်ကားတွေရိုက်မယ်ဆိုရင်လည်း အသဲခွဲခံရတာတို့၊ အသဲကွဲပြီးကျန်ခဲ့တာတို့၊ ဗီလိန်လုပ်ရတာကို ကြိုက်တယ်ပြီး မင်းသား မဖြစ်ချင်ဘူး လို့ Duwun Media ကနေပြောပြခဲ့ပါတယ်။

Photo: ရွှေထူးဖေ့စ်ဘွတ်, Duwun

See More

Postby

 

ဤအကြောင်းအရာကို သင်ဘယ်လိုထင်ပါသလဲ။
Video