AD
AD
AD

မုန်းစွဲရုပ်ရှင်ဇာတ်ကားထဲမှာ လူမိုက်ဆန်ဆန် ကာရိုက်တာနဲ့ မြင်တွေ့ရမယ့် သရုပ်ဆောင်မင်းသွေးကတော့ သူ့ရဲ့ ကာရိုက်တာနဲ့ပတ်သက်တဲ့ ရင်ထဲက ခံစားချက်တွေကို Duwun Media ကနေ အခုလိုပြောပြခဲ့ပါတယ်။

play

 

'' ဒီမှာတော့ ကျွန်တော့်အတွက် နည်းနည်းဒုက္ခရောက်တာက အရင်တုန်းကဆိုရင် ဗိုလ်ချုပ်အကြောင်းပြန်ရိုက်မယ်ဆိုရင် ဗိုလ်ချုပ်က ဘယ်လိုစကားပြောတယ်၊ ဘယ်လိုအဝတ်အစားဝတ်တယ်၊ လေယူလေသိမ်းဘယ်လိုရှိတယ်၊ သူက ဘာကြိုက်တတ်တယ်၊ မိန်းမကို ဘယ်လိုခေါ်သလဲက အစ အကုန်လုံး Detail သိရတယ်ပေါ့နော်။ ဒီမှာကျတော့ လူမော် ဆိုတော့ သူက အပြင်မှာ ဘယ်လိုနေလဲ၊ လမ်းလျှောက်ရင်ဘယ်လို လျှောက်လဲဆိုတာ မသိရဘူး။ ဆရာတော်ကြီးကလည်း ဒကာ၊ ဒါယိကာမတွေဆီကတဆင့် ပြန်ရေးရ တာဆိုတော့ ဒီလူကို မြင်ဖူးမှာ မဟုတ်ဘူး။ ၁၉၅၈ ဆိုတော့ ပိန်ပိန်ပါးပါးလေးတွေ ဆံပင်ကေ တိုတိုလေးတွေနဲ့ပေါ့ အတတ်နိုင်ဆုံး တော့ ပြန်ရှာထားတယ် ဒါရိုက်တာနဲ့ တိုင်ပင်ပြီးတော့ လုပ်ရတာပေါ့'' လို့ သူကဆိုပါတယ်။

play

 

ပါဝင်သရုပ်ဆောင်ရမယ့် ကာရိုက်တာကို ဖတ်လိုက်ရချိန်မှာ  မျက်ခွက်တွေ ပိတ်ရိုက်ချင်လောက်အောင်ဖြစ်ခဲ့ရတဲ့ မင်းသွေးရဲ့ ခံစားချက်ကိုလည်း Duwun ပရိသတ်အတွက် တင်ဆက်ပေးလိုက်ပါတယ်။

 

'' ကျွန်တော့် ဇာတ်စရောက်တယ်၊ ဆရာအရှင်ဆန္ဒဓိကရဲ့ ဖြစ်ရပ်မှန်ပေါ့နော်။ စာဖတ်ကြည့်လိုက်တယ် စာဖတ်ပရိသတ်တစ်ယောက် အနေနဲ့ပေါ့ ကျွန်တော့်ရဲ့ ကာရိုက်တာကိုလည်း သိထားတယ်။ ကျွန်တော်ဖတ်တဲ့အချိန်မှာ ခံစားချက်က ကျွန်တော်သရုပ်ဆောင် ရမယ့် ဇာတ်ကောင်ကို မျက်ခွက်တွေပဲ ပိတ်ရိုက်ချင်တာပေါ့ ။ အရမ်းမုန်းတယ် တချို့လုပ်ရပ်တွေမှာ ဒီကောင် အရမ်းရိုင်းတယ်။ တော်တော်ရိုင်းတာ သူက အဲ့ဒီလို ရိုင်းလို့လည်း အစွဲတရားတွေဖြစ်လာခဲ့တာပေါ့။ ကျွန်တော့် ဇာတ်ကောင်နေရာကို ကျွန်တော် ထပ်ဖတ်ကြည့်တဲ့ အချိန်မှာလည်း သူ့နေရာကနေ ပြန်တွေးတော့လည်း မှန်တယ်။ အဲ့ဒါကြောင့်လည်း အကျိုးဆက်တွေ ဖြစ်လာတာပေါ့'' လို့ သူကဆိုပါတယ်။

play

 

သရုပ်ဆောင်မင်းသွေးကတော့ မုန်းစွဲရုပ်ရှင်ဇာတ်ကားကြီးထဲမှာ လူမော် ဆိုတဲ့လူတစ်ယောက်ရဲ့ ကာရိုက်တာနေရာက ပါဝင်သရုပ်ဆောင်သွားမှာဖြစ်ပြီး ဒီရုပ်ရှင်ဇာတ်ကားကြီးကိုတော့ ဂန့်ဂေါမြို့မှာ သွားရောက်ရိုက်ကူးမယ်လို့ သိရပါတယ်။

photo: Duwun

See More

Postby

 

ဤအကြောင်းအရာကို သင်ဘယ်လိုထင်ပါသလဲ။
AD
AD