ရုပ်ရှင်၊ ဗီဒီယိုဈေးကွက်အနေအထားအရ ရိုက်ကူးရေးတွေရပ်နားခဲ့တဲ့ သရုပ်ဆောင်မိုးယံဇွန်ကတော့ အခုလက်ရှိမှာ ဘယ်ရုပ်ရှင် ထုတ်လုပ်ရေးနဲ့မှ စာချုပ်ချုပ်ဆိုမှုမရှိတော့တာကြောင့် အနုပညာအလုပ်တွေကို ဆက်လက်လုပ်ကိုင်ဆောင်ရွက်လာတာဖြစ်ပြီး ကမ်းလှမ်းလာမယ့်ကာရိုက်တာတွေအတွက် ကြိုတင်ပြင်ဆင်မှုတွေလုပ်ဖြစ်နေတဲ့အကြောင်းကို Duwun Media ကနေပြောပြခဲ့ပါတယ်။

play

 

'' ကျွန်တော်အလုပ်ပြန်လုပ်တာပေါ့နော်။ ဟိုအရင်တုန်းက ကျွန်တော်သရုပ်ဆောင်တစ်ယောက် စဖြစ်လာတဲ့အချိန်တုန်းက ကုမ္မဏီတစ်ခုထဲနဲ့ အလုပ်လုပ်ခဲ့တယ်။ အဲ့ဒီနောက် ခေတ်အနေအထားအရ၊ ဈေးကွက်အနေအထားအရ ရိုက်ကူးရေးလေးတွေ ခဏရပ်သွားတဲ့အချိန်မှာ တခြားလည်ပတ်နေတဲ့ ကုမ္မဏီတွေကို ကျွန်တော်မပြောင်းခဲ့မိလိုက်ဘူး။ လာခေါ်တဲ့အချိန်မှာလည်း ကျွန်တော် ငြင်းခဲ့မိလိုက်တယ်။ ကျွန်တော့် ကုမ္မဏီနဲ့ ကျွန်တော် ရှေ့ဆက်ပြီးတော့ ဘာတွေဆက်လုပ်ရမလဲဆိုတာ စောင့်မျှော်ရင်းနဲ့ အချိန်ကြာသွားတာပါ၊ အခုတော့ပရိသတ်တွေနဲ့ အဆက်အသွယ်မပြတ်အောင် ရိုက်ကူးရေးတွေလုပ်နေရတဲ့အတွက် ပရိသတ် အရှေ့ရောက်လာတဲ့ အချိန်ကြရင် ဝေဖန်ပေးကြပါ၊ ဖုန်းဆက်တာမျိုး၊ ဖေ့စ်ဘွတ်က တဆင့် အကြံပေးကြပါ'' လို့ သူကဆိုပါတယ်။

play

 

အနုပညာအလုပ်တွေကို ပြန်လည်ဆောင်ရွက်လာတဲ့ မိုးယံဇွန်ကတော့ အခုလက်ရှိမှာ ကာရိုက်တာရွေးချယ်လို့ မရသေးတဲ့အပေါ် သူ့ရဲ့ စိတ်ခံစားချက်ကိုလည်း အခုလိုပြောပြခဲ့ပါတယ်။

 

'' လက်ရှိအနေအထားအရ ကျွန်တော့်အမြင်ပြောရမယ်ဆိုရင် ကျွန်တော်တို့က ရွေးချယ်လို့မရသေးပါဘူး။ ရွေးချယ်ချင်ရင်တော့ ကိုယ်တိုင် ပရိုဂျူဆာလုပ်၊ ကိုယ်တိုင် ဒါရိုက်တာလုပ်၊ ကိုယ်တိုင်ပုံဖော်မှပဲ ကိုယ်လုပ်ချင်ရာလုပ် ကိုယ်ရွေးချယ်ချင်ရာရွေးချယ်မှပဲ ရမယ့် အနေအထားပေါ့နော်။ ကိုယ့်ဆီရောက်လာမယ့်အခွင့်အရေးကိုပဲ ကိုယ်ယူနေရတာပေါ့နော်။ အခွင့်အရေးရောက်လာတဲ့ အချိန် မှာ ဒီအခွင့်အရေးက လုပ်နိုင်မလား၊ မလုပ်နိုင်ရင်တော့ လက်လွှတ်လိုက် ပေါ့။ လုပ်နိုင်ဖို့အတွက် ကိုယ်က အခွင့်အရေး မရောက်လာ ခင် မှာ ပြင်ဆင်ထားရမှာပေါ့နော်။ အများကြီးပြင်ဆင်ထားမှ ဘာအခွင့်အရေးပဲလာလာကိုယ်လုပ်နိုင်မှာပေါ့နော်။ အဲ့ဒီလို အနေအထား ကြီးဖြစ်နေတဲ့ ခေတ်မှာတော့ ကျွန်တော်တို့က ရတဲ့အခွင့်အရေးကိုပဲ အမိအရဆုပ်ကိုင်ပြီးတော့လုပ်ရမှာပေါ့'' လို့ ဆိုပါတယ်။

play

 

မိုးယံဇွန်ကတော့ ငယ်ပါသေးတယ်ရုပ်ရှင်ဇာတ်ကားကြီး ရိုက်ကူးနေတာဖြစ်ပြီး သရုပ်ဆောင်ရတနာဗိုရဲ့ အစ်ကိုအဖြစ် ပါဝင် သရုပ်ဆောင် နေတာဖြစ်ပြီး နောက်ထပ်လည်းMNTV ရုပ်သံလိုင်းက ရိုက်ကူးမယ့် ရုပ်သံဇာတ်လမ်းတွဲ အပြင် ရုပ်ရှင်ဇာတ်ကားကြီး လည်း ဆက်ရိုက်သွားဖို့ရှိတယ်လို့ သိရပါတယ်။မိုးယံဇွန်ကတော့ ရုပ်သံဇာတ်လမ်းတွဲတွေရော၊ ရုပ်ရှင်ဇာတ်ကားကြီးတွေကိုပါ အများအားဖြင့်လက်ခံရိုက်ကူးနေရတာကို တွေ့ရပါတယ်။

Photo: မိုးယံဇွန်ဖေ့စ်ဘွတ်

See More

Postby

 

ဤအကြောင်းအရာကို သင်ဘယ်လိုထင်ပါသလဲ။
Video