Cele YatKwat: ရင်သွေးလေးရှိနေပြီဆိုတဲ့ စိုးပြည့်ပြည့်စံ

ရင်သွေးလေးရပေမယ့် သားအိမ်မှာရေအိတ်တည်နေတယ်။

အဆိုတော် စိုးပြည့်ပြည့်စံကတော့ အခုလက်ရှိမှာ ရင်သွေးလေးလွယ်ထားရပြီလို့သိရပါတယ်။ ရင်သွေးလေး လွယ်ထားရပေမယ့်လည်း သားအိမ်မှာ ရေအိတ်တည်နေတာဖြစ်တဲ့အတွက် ခွဲစိတ်မှုတွေအရင်မလုပ်ပဲ ကလေးယူပြီးမှ ကုသမယ်လို့ Duwun Media ကိုပြောပြခဲ့ပါတယ်။

play

 

'' လွန်ခဲ့တဲ့ ၃ နှစ်လောက်တုန်းကလည်းဖြစ်ပြီးပြီ။ ခွဲလိုက်ရတယ် ရိုက်ကွင်းမှာဖြစ်တာပေါ့။ နောက်တစ်ခါလည်း အဲဒီလို လက္ခဏာတွေဖြစ်လာ တာ က ခါးတွေအရမ်းကိုက်တယ်။ ထုံတယ်ဆိုတော့ အထူးကုနဲ့ပြလိုက်တဲ့အချိန်မှာ ရေအိတ်ပြန်ဖြစ်နေတယ်ဆိုတော့ ဆေးသောက်ရတယ်။ အဲ့ဒီမှာ ရေအိတ်ပေါက်သွားတယ် ပြီးတော့ ပြန်ဖြစ်တယ်။ အမှန်အတိုင်းပြောရရင် မခွဲချင်ဘူး။ဆရာဝန်နဲ့တိုင်ပင်ပြီးတော့  ကလေးမြန်မြန်ယူ ပြီးတော့မှ ကလေးနဲ့အတူတူ ရေအိတ်ရော၊ အသားစတွေရောထုတ်မယ်ပေါ့နော်။ အခုဆိုရင် ကလေးလည်းရပြီ ရေအိတ်နဲ့ဆိုတော့ လ က အသေအချာတွက်လို့မရဘူး။ ဓာတ်မှန်ကတော့ ရိုက်နေရတယ်'' လို့ သူကဆိုပါတယ်။

play

 

ရင်သွေးလေးကတော့ အခုလက်ရှိမှာ ကိုယ်ဝန်လကလည်းနုသေးတဲ့အတွက် ဆေးတွေကို အရင်က ထက်ပိုသောက်လာရတယ်လို့ ဆိုပါတယ်။

 

''ရေအိတ်ရောကလည်းရှိ၊ ကလေးက လကလည်းနုနေသေးတော့ သတ်မှတ်လို့ မရသေးဘူး ဆရာဝန်နဲ့ ဆေးကုနေရတာတော့ ၇ လလောက် ရှိပြီ။ ဆေးတွေကိုလည်း အရင်ကထက် ပိုသောက်လာရတယ်။ အစ်မတို့ကြိုးစား ထားသလို၊ ဆရာဝန်လည်း ကြိုးစားထားသလို ကလေးက အကောင်အထည်ဖော်လာပြီ။ ရေအိတ်က ကလေးပေါ်လာတော့မှ ပေါက်သွားတာ ဆိုရင်တော့ အစ်မက ၂ ခါနာမှာဆိုတော့ ပေါက်သွားမှာစိုး လို့ ဘာမှမလုပ်ပဲ နားနေရတယ်'' လို့ စိုးပြည့်ပြည့်စံက Duwun Media ကိုဖြေဆိုခဲ့ ပါတယ်။

play

 

ကလေးကိုတော့ ခွဲမွေးဖို့ ဆုံးဖြတ်ထားတာတယ်လို့ ဆိုပါတယ်။ သရုပ်ဆောင် အဆိုတော် စိုးပြည့်ပြည့်စံနဲ့ ခင်ပွန်း ကိုအောင်သူပိုင်တို့ကတော့ အောက်တိုဘာလ ၉ ရက်နေ့က မင်္ဂလာပွဲကျင်းပခဲ့တာဖြစ်ပါတယ်။ စိုးပြည့်ပြည့်စံအနေနဲ့ အနုပညာအလုပ်နဲ့ပတ်သက်ပြီး မော်ဒယ်လ် တစ်ယောက် အဖြစ်ရော၊ အဆိုတော် တစ်ယောက်အဖြစ်နဲ့ပါ ပရိသတ်အားပေးမှုရရှိထားတဲ့ အနုပညာရှင်တစ်ယောက်ဖြစ်ပါတယ်။ စိုးပြည့်ပြည့်စံ ကတော့ တစ်ကိုယ်တော်အခွေ ၂ ခွေထွက်ရှိထားတာဖြစ်ပြီး နောက်ဆုံးအနေနဲ့ Single Lady ဆိုတဲ့ တစ်ကိုယ်တော်အခွေကို ဒီဇင်ဘာလ ၂၉ ရက်နေ့က ထွက်ရှိထားတယ်လို့ သိရပါတယ်။

Photo: စိုးပြည့်ပြည့်စံဖေ့စ်ဘွတ်

See More

Postby

 

ဤအကြောင်းအရာကို သင်ဘယ်လိုထင်ပါသလဲ။

နောက်ဆုံးရ သတင်းများ