Miss Now How Winner ဆုရရှိထားတဲ့ အလှမယ် ယွန်းဝင့်လွှာအောင်ကတော့ သရုပ်ဆောင်အပိုင်းကို အဓိက ဝါသနာပါတဲ့အတွက် သရုပ်ဆောင်အလုပ်လုပ်ဖို့ စိတ်ကူးရှိတယ်လို့ သိရပါတယ်။ သူ ဝါသနာပါတဲ့ သရုပ်ဆောင် အလုပ်အတွက် လေ့လာဖြစ်နေတဲ့ အကြောင်းကို လည်း Duwun Media ကနေပြောပြခဲ့ပါတယ်။

play

 

'' ပရိသတ်တွေကတော့ ယွန်းကို  အလှမယ်တစ်ယောက်အနေနဲ့ပဲ သိထားတာပေါ့နော် ယွန်းတကယ် အနုပညာလောကထဲကို ဝင်ပြီးတဲ့နောက် ဝါသနာပါသွားတာက သရုပ်ဆောင်အပိုင်းကိုတကယ်ဝါသနာပါသွားတာ။ အဲ့ဒီအတွက် သရုပ်ဆောင်အပိုင်းကိုဝင်ဖို့ စိတ်ကူးရှိပါတယ်။ ယွန်းက သရုပ်ဆောင်တာကို ဝါသနာပါတဲ့အတွက် ဘယ်လိုကာရိုက်တာမျိုးဖြစ်ဖြစ် ဆေးစက်ကျရာ အရုပ်ထင်သလို အားလုံးကိုကြိုးစားသရုပ်ဆောင် ပြသွားချင်ပါတယ်။ ပရိသတ်တွေ အားလုံးချစ်တဲ့၊ နှစ်သက်တဲ့၊ လိုချင်တဲ့ သရုပ်ဆောင်ကောင်းတစ်ယောက်ဖြစ်အောင် ယွန်း ကြိုးစားသွား ပါ့မယ်'' လို့ ဆိုပါတယ်။

play

 

သရုပ်ဆောင်သင်တန်း တက်ရောက်ခဲ့ဖူးတဲ့ သူ့အနေနဲ့ ကာရိုက်တာအပိုင်းနဲ့ပတ်သက်ပြီး ကြိုးစားဖြစ်ပုံတွေကိုလည်းပြောပြခဲ့ပါတယ်။

'' ယွန်း သရုပ်ဆောင်သင်တန်းတော့ တက်ခဲ့ဖူးတယ် MRTV-4 မှာပေါ့နော်။ စာချုပ်တော့မချုပ်ဖြစ်ပါဘူး။ ဆရာတွေသင်ပေးလိုက်တဲ့ ပညာရပ် တွေကိုတော့ ယွန်းရခဲ့တဲ့အတွက် အခက်အခဲတွေတော့ သိပ်မရှိလောက်တော့ဘူး ထင်ပါတယ်။ ဆရာတွေကလည်း သင်ပေးပြီးလို့ ဇာတ်ညွှန်း တစ်ခုကို ချလိုက်ပြီဆိုရင် ငိုရတဲ့အခန်းတွေသရုပ်ဆောင်ရတာ ပိုများတယ်။ ပထမစစချင်းတုန်းကတော့ ငိုတတ်ပါ့မလားတွေးမိတယ် နောက်ပိုင်းကျတော့ ကိုယ့်စီနီယာတွေကိုလည်း မေးတာပေါ့နော် ငိုဖို့အတွက် ဘယ်လိုစိတ်နှစ်ရသလဲ လိုက်လေ့လာတယ်၊ ပျော်ရွှင်ပြီးငိုတဲ့ အရသာက ဘယ်လို၊ ဝမ်းနည်းပြီး ငိုတဲ့အရသာက ဘယ်လိုဆိုတာကို လေ့လာခွင့်တွေရခဲ့ပါတယ်'' လို့ ယွန်းဝင့်လွှာအောင်က ပြောပါတယ်။

play

 

အလှမယ် ယွန်းဝင့်လွှာအောင်ကတော့ ရခိုင်တိုင်းရင်းသူတစ်ယောက်ဖြစ်တဲ့အတွက် အနုပညာအလုပ်တွေလုပ်နေရတဲ့အခါ စကားပီပီပြင်ပြင် ပြောနိုင်အောင် ကြိုးစားနေတယ်လို့ ဆိုပါတယ်။ သူ့အနေနဲ့ လက်ရှိ ရခိုင်ပြည်မှာဖြစ်ပေါ်နေတဲ့ အကြမ်းဖက် တိုက်ခိုက်မှုဖြစ်စဉ်မှာ ဒုက္ခရောက် နေကြတဲ့ ပြည်သူတွေအတွက် သူ့ရဲ့ အနုပညာကြေးထဲကနေ တစ်ဖက်တစ်လမ်းက ပါဝင်အလှူအတန်းပြုနေတဲ့ အနုပညာရှင် တစ်ယောက် လည်းဖြစ်ပါတယ်။

photo: ယွန်းဝင့်လွှာအောင်ဖေ့စ်ဘွတ်

See More

Postby

 

ဤအကြောင်းအရာကို သင်ဘယ်လိုထင်ပါသလဲ။
Video