ထာဝရအမေ ရုပ်ရှင်ဇာတ်ကားကြီး အထူးပြသပွဲကို ဒီဇင်ဘာလ ၆ ရက်နေ့မနက်ပိုင်းက သမ္မတရုပ်ရှင်ရုံမှာ ကျင်းပပြုလုပ်ခဲ့ပါတယ်။ ဒီရုပ်ရှင် ဇာတ်ကားကြီးနဲ့ပတ်သက်တဲ့ အမှတ်တရစကားသံတွေနဲ့ မိခင်မေတ္တာအကြောင်းကိုလည်း မီဒီယာတွေကနေတဆင့် အခုလိုပြောပြခဲ့ပါတယ်။

play

 

ဒေါက်တာ ခင်မောင်ဝင်း

_________________________

ဒီရုပ်ရှင်ရိုက်တာ ဒါဟာ အမေ့အတွက်ပဲ အမေ့ကျေးဇူးဆပ်နေတာပဲဆိုတဲ့ အတွေးကရှိတော့ ဘာမှကိုမတွေးဘူး။ အမေဟာ အမေပဲ ဆပ်နိုင် သ၍ တော့ဆပ်မယ်။ အမေ့ကျေးဇူးဟာ ဘယ်တော့မှ ဆပ်လို့မကုန်ဘူး။ အမေ့အတွက်ဆိုပြီးတော့ စဉ်းစားလိုက်ခြင်းဖြင့် ဘာစာရင်းအင်းမှ မတွက်ပဲ ဒီဇာတ်ကားကို ရိုက်ခဲ့တာပါ။

play

 

ဒါရိုက်တာ ဇင်ယော်မောင်မောင်

_______________________

ဝမ်းနည်းတယ်၊ အမေ့ကို သတိရတယ်၊ သားကိုသတိရတယ်။ ဒီဇာတ်ကားကိုရိုက်ဖို့တာဝန်ပေးတဲ့အချိန်မှာ ကျွန်တော့်ဘဝကြီးတစ်ခုလုံးရဲ့ အသိပညာ၊ အတတ်ပညာ၊ အနုပညာ၊ နှလုံးသားထဲမှာ တကယ့်ဝိညာဉ်ကိုထည့်ပြီးရိုက်ခဲ့တာပါ။

play

 

မေသန်းနု(အကယ်ဒမီ)

_______________________

ဒီဇာတ်ကားကို အကောင်းဆုံး ဝတ္ထုမှာ မဆင့်ပါဝင်ခွင့်ရတယ်။ ဇာတ်ကားရိုက်တုန်းကလည်း သားလေးလည်း ရှိတယ်။ ရိုက်ကွင်းပေါ်ကို မနက်တိုင်း ၇ နာရီအရောက်သွားရတယ်။ မိတ္ထီလာကနေ ရေကြိုရွာကို သွားရတယ် အဲ့ဒီမှာ ရိုက်တဲ့အခါတုန်းကလည်း အားလုံး ကြိုးကြိုး စားစားနဲ့ ပင်ပန်းကြတယ်။ အခုလိုပြန်ကြည့်လိုက်တော့လည်း ပင်ပန်းရကျိုးနပ်ပါတယ်။

play

 

နေတိုး (အကယ်ဒမီ)

______________________

ဆရာကြီးဒေါက်တာခင်မောင်ဝင်းရေးထားတဲ့ အမေ့အကြောင်းကို ဆရာကြီးရဲ့နေရာမှာ ပါဝင်သရုပ်ဆောင်ခွင့်ရတဲ့အတွက် အမေ့ရဲ့ မေတ္တာ တရားကိုလည်းဖော်ကျူးတဲ့ ဇာတ်ကားဖြစ်တဲ့အခါကျတော့ ကျွန်တော်ကိုယ်တိုင် ရိုက်ချင်တဲ့စိတ်ရှိတယ်။ မိခင်မေတ္တာရဲ့ ကြီးမားမှုကိုလည်း ရုပ်ရှင်ဇာတ်ကားအနေနဲ့ ချပြချင်တဲ့ စိတ်ကြောင့်လက်ခံရိုက်ကူးဖြစ်ခဲ့တာပါ။

play

 

ဝတ်မှုံရွှေရည် (အကယ်ဒမီ)

______________________

အဝတ်အစားနဲ့ ဆံပင်မိတ်ကပ်တွေ၊ အဲ့ဒီခေတ်တုန်းက အသုံးအဆောင်တွေ စီစဉ်ရတာမျိုးတော့ရှိတယ်။ ကိုယ်လည်းအမေရှိတော့ အမေနဲ့ ပတ်သက်ပြီးတော့ ကြည့်လိုက်တဲ့အချိန်မှာ ခံစားရတာပေါ့နော်။ ဟက်ထိတာပေါ့။

play

 

ထာဝရအမေ ရုပ်ရှင်ဇာတ်ကားကြီးကို ဒီဇင်ဘာလ ၈ ရက်နေ့ကစပြီး ရန်ကုန်မြို့မှာရှိတဲ့ အဆင့်မြင့်ရုပ်ရှင်ရုံတွေမှာ ရုံတင်ပြသသွားမယ် လို့ သိရပါတယ်။ ဒီရုပ်ရှင်ဇာတ်ကားကြီးထဲမှာတော့ အကယ်ဒမီရဲအောင်၊ အကယ်ဒမီမေသန်းနု၊ အကယ်ဒမီနေတိုး၊ အကယ်ဒမီဝတ်မှုံရွှေရည် တို့က အဓိက ပါဝင်သရုပ်ဆောင်ထားပြီး ဧည့်သည်သရုပ်ဆောင်အနေနဲ့ ထွန်းကိုကို ကပါဝင်ထားတယ်လို့သိရပါတယ်။

Photo: ထာဝရအမေ ဖေ့စ်ဘုတ်ပေ့ခ်ျ

See More

Postby

 

ဤအကြောင်းအရာကို သင်ဘယ်လိုထင်ပါသလဲ။
Video