သရုပ်ဆောင် အကယ်ဒမီ နေတိုးကတော့ ၂၀၁၇ ခုနှစ်အတွင်း ရုံတင်ထားတဲ့ ရုပ်ရှင်ဇာတ်ကားတွေကလည်း အများကြီးဖြစ်သလို၊ ရိုက်ကူးနေရ တဲ့ ရုပ်ရှင်ဇာတ်ကားတွေကလည်း အများကြီးရှိတာကြောင့် ပရိသတ်တွေကို ထူးထူးခြားခြားအနုပညာတွေ တင်ပြခွင့်ရတဲ့ နှစ်ဖြစ်တယ်လို့ Duwun Media ကနေပြောပြခဲ့ပါတယ်။

play

 

'' အဓိက ကတော့ ကိုယ်တွေအနေနဲ့ဆိုရင် အနုပညာလှုပ်ရှားမှုတွေ ထူးထူးခြားခြားတင်ပြခွင့်ရတဲ့နှစ်ပေါ့နော်။ ကံကောင်းခြင်း၊ ကံမကောင်း ခြင်း ဆိုတာထက်ပရိသတ်ဆီကို ရောက်သွားတဲ့အနုပညာတစ်ခု၊ ပရိသတ်ဆီက ကြားရတဲ့ တချို့ Comment လေးတွေ Result လေးတွေက တော်တော်လေးလည်း ပီတိဖြစ်စရာကောင်းပါတယ်။ ကျွန်တော့်အတွက် ပရိသတ်ဆီက အင်အားတွေရတဲ့နှစ်ပေါ့'' လို့ သူကဆိုပါတယ်။

play

 

၂၀၁၈ ခုနှစ်မှာလည်း အနုပညာလှုပ်ရှားမှုတွေကို စနစ်တကျနဲ့ ပိုပြီးတော့ သေသပ်မှုရှိအောင် ကြိုးစားမယ်လို့ပြောပါတယ်။

'' ၂၀၁၈ မှာလည်း ကျွန်တော်သွားချင်တဲ့ ပုံစံကတော့ နှစ်တိုင်းနှစ်တိုင်းကတော့ အတူတူပါပဲ။ ဒါပေမယ့် ပိုပြီးတော့ စနစ်ကျပြီး ပိုပြီးတော့ သေသေသပ်သပ်ဖြစ်အောင်တော့ ကျွန်တော်ကြိုးစားနေပါတယ်။ ကိုယ်တိုင်လုပ်နေတဲ့ Studio လေးကတော့ အခုဆိုရင် ၈၀ ရာခိုင်နှုန်း လောက် ပြီးနေပါပြီ'' လို့ ဆိုပါတယ်။

play

 

အကယ်ဒမီနေတိုးကတော့ အခုလက်ရှိအနုပညာလှုပ်ရှားမှုအနေနဲ့ ဗစ်တိုးရီးယားရုပ်ရှင်ထုတ်လုပ်ရေးနဲ့အတူ မီ ရုပ်ရှင်ဇာတ်ကားကြီးမှာ ပါဝင် သရုပ်ဆောင်နေတယ်လို့ ဆိုပါတယ်။ ဒီရုပ်ရှင်ဇာတ်ကားကြီးမှာ ကိုသော်ဆွေ ကာရိုက်တာအဖြစ် ပါဝင်ထားတယ်လို့ သိရပါတယ်။

photo: Nay Toe Facebook, Duwun

ဤအကြောင်းအရာကို သင်ဘယ်လိုထင်ပါသလဲ။
Video