ဒါရိုက်တာစတီးလ်ကတော့ ခိုးဆိုးလုနှိုက်ရုပ်ရှင်ဇာတ်ကားကြီးအောင်မြင်ခဲ့ပြီးနောက် တောကျီးကန်း(သို့မဟုတ်) ခိုးဆိုးလုနှိုက် ၂ ရုပ်ရှင် ဇာတ်ကား ကိုလည်းပရိသတ်အကြိုက်ဖြစ်အောင် ကြိုးကြိုးစားစားရိုက်ကူးခဲ့ရတဲ့ အမှတ်တရတွေကို အခုလိုပြောပြခဲ့ပါတယ်။

play

 

'' ဒီဇာတ်ကားရိုက်တုန်းကလည်း အမှတ်တရတွေက အများကြီးပါ ကျွန်တော်တို့အသက်တွေနဲ့ ရင်းခဲ့ရတာတွေလည်းပါတယ်။ ကျွန်တော်တို့ အဖွဲ့ထဲက တစ်ယောက်ဆိုရင် ကျောက်တောင်ပေါ်ကနေ ပြုတ်ကျပြီးတော့ လက်ကျိုးသွားခဲ့တယ်။ အခုထိသူ အလုပ်မဆင်းနိုင်တော့ပါဘူး သူ့ကိုလည်း ကျွန်တော်တို့က ထောက်ပံ့ပေးခဲ့တယ်။ မိုး ကုမ္မဏီကရော ထောက်ပံ့ကြေးတွေပေးခဲ့တယ်။ ကျွန်တော်လည်း ခြေထောက် ကျိုး သွားတယ် ကုန်ကားကြီးပေါ်ကနေ ပြုတ်ကျတာ ကိုခင်လှိုင်ဆိုရင်လည်း ထိပ်ကို သံချွန်ကြီးပေါက်ပြီးဝင်သွားတာ ကိုမြင့်မြတ်ဆိုရင်လည်း လက်ခေါက်သွားတယ်၊ ဒီလိုအခက်အခဲလေးတွေရှိပါတယ်'' လို့ ဆိုပါတယ်။

play

 

အသက်အန္တရာယ်များတဲ့ ဇာတ်ဝင်ခန်းတွေရှိတာကြောင့် ဂရုတစိုက်လုပ်ဖြစ်ခဲ့ရတဲ့ အခက်အခဲအကြောင်းကိုလည်း ပြောပြခဲ့ပါသေးတယ်။

'' အသက်အန္တရာယ်များတဲ့ ဟာမျိုးဆိုရင် ကိုမြင့်မြတ်ဝိတ်နဲ့ မလုပ်နိုင်တာ ကျွန်တော်တို့က ဒါရိုက်ရှော့ရိုက်ချင်တာ သစ်ပင်အမြင့်ကြီး ကို ရှာထား ရတာ တာချီလိတ်သွားတဲ့လမ်းပေါ်က သစ်ပင်ကြီးပေါ်ကနေတိုက်ရိုက်ခုန်ဆင်းစေချင်တဲ့အတွက်ကြောင့် သူမလုပ်ရဲတော့ နောက်တစ်ယောက် ကိုလုပ်ရတယ်။ အဲ့ဒီကားကြီးထွက်သွားတဲ့အချိန်မှာ ဟိုလူက တန်းလန်းကြီးကျန်ခဲ့တာ အဲ့ဒီမှာအခက်အခဲဖြစ်ခဲ့တာ လေးတွေရှိတယ်'' လို့ ဒါရိုက်တာ စတီးလ်က ပြောပါတယ်။

play

 

တောကျီးကန်းရုပ်ရှင်ဇာတ်ကားကြီးကို မိုးရုပ်ရှင်ထုတ်လုပ်ရေးက ထုတ်လုပ်ပြီး ဒါရိုက်တာ စတီးလ်(ဒွေးမေတ္တာ) ကရိုက်ကူးပုံဖော်ထားတာ ဖြစ်ပြီး သရုပ်ဆောင် မြင့်မြတ်၊ ခင်လှိုင်၊ ထူးခြား နဲ့ မိုးဟေကို  တို့က အဓိက ပါဝင်သရုပ်ဆောင်ထားကြပါတယ်။ ဒီရုပ်ရှင်ဇာတ်ကားကြီးကို ဒီဇင်ဘာလ ၂၂ ရက်နေ့မှ စပြီးရန်ကုန်မြို့မှာရှိတဲ့ အဆင့်မြင့်ရုပ်ရှင်ရုံတွေမှာ ပြသသွားမယ်လို့ သိရပါတယ်။

photo: Duwun, မိုးရုပ်ရှင်ထုတ်လုပ်ရေး

ဤအကြောင်းအရာကို သင်ဘယ်လိုထင်ပါသလဲ။
Video