AD
AD
AD

သရုပ်ဆောင်အကယ်ဒမီရဲအောင်ကတော့ MRTV-4 ရုပ်သံလိုင်းက ထုတ်လွှင့်မယ့် ရသမော်ကွန်းလင်္ကာဆိုတဲ့ ရုပ်သံဇာတ်လမ်းတွဲလေးမှာ ပါဝင်ရိုက်ကူးသွားမှာဖြစ်ပြီး  ဇာတ်လမ်းတွဲလေးရဲ့ အကြောင်းကိုလည်း Duwun Media ကနေပြောပြခဲ့ပါတယ်။

play

 

'' ရသမော်ကွန်း လင်္ကာ ဆိုတဲ့ ဇာတ်လမ်းတွဲလေးရိုက်မှာပါ။ အဲ့ဒီဇာတ်ကားလေးကတော့ မိသားစု ဒရာမာဇာတ်ကားလေးပါ။ စစချင်း အိမ်ထောင်ကျတဲ့အချိန်မှာ ကျွန်တော်တို့က ကားအက်ဆီးဒင့်ဖြစ်ပြီး ကိုယ့်ကလေးက ဆုံးသွားလို့ တခြားကလေးတစ်ယောက်ကို မွေးစား လိုက်တဲ့ အချိန်မှာ အဲ့ဒီကလေးကြီးလာတဲ့အချိန်နဲ့ ဆွေမျိုးသားချင်း မိသားစုအသိုင်းအဝိုင်းနဲ့ ဒရာမာဇာတ်လမ်းလေးပါ'' လို့ သူကဆိုပါတယ်။

play

 

အချိန်တွေအများကြီးပေးပြီးရိုက်ရတဲ့ဇာတ်လမ်းတွဲရိုက်တဲ့အခါ ရိုက်ပြီးခဲ့တဲ့ဇာတ်ဝင်ခန်းတွေကို ပြန်လည်မှတ်သားလေ့ရှိတယ်လို့ ပြောပြခဲ့ ပါသေးတယ်။

'' ဇာတ်လမ်းတွဲတစ်ခုက ကျွန်တော်တို့အချိန်လည်းပေးပြီးတော့ရိုက်ရတယ်။ ဒီဇာတ်လမ်းကတော့လက်ရှိအနေအထားအတိုင်းပဲ ရိုက်တာဆို တော့ ထွေထွေထူးထူး အဝတ်အစားပိုင်းပြင်ဆင်ရတာသိပ်မရှိဘူး။ နယ်မှာရိုက်ပြီးတော့ရန်ကုန်မှာပြန်ရိုက်မယ်ဆိုရင် ခဏခဏပြန်ဖတ်ရတယ် ဘယ်အခန်းကပြီးသွားပြီ ဘယ်အခန်းကတော့ ဘယ်လိုလုပ်မယ်ဆိုတာကိုမှတ်ထားရတာရှိတယ်။ ရုပ်ရှင်ဇာတ်ကားတို့၊ ဗီဒီယိုဇာတ်လမ်းတို့လို မတူတော့ အချိန်အကြာကြီးရိုက်ရတာဖြစ်တဲ့ အတွက် ရိုက်ပြီးခဲ့တဲ့အရာလေးတွေကိုလည်း ပြန်ပြီးရေးမှတ်ထားရတာမျိုးတွေရှိပါတယ်'' လို့ ရဲအောင်က ပြောပါတယ်။

play

 

အကယ်ဒမီသရုပ်ဆောင်ရဲအောင်ကတော့ လက်ရှိမှာ မီရုပ်ရှင်ဇာတ်ကားကြီးရိုက်ကူးနေတာဖြစ်ပြီး ဦးဘချစ် ဆိုတဲ့ဇာတ်ကောင်ကာရိုက်တာ အဖြစ်ပါဝင်သရုပ်ဆောင်ထားတယ်လို့သိရပါတယ်။ ဒီရုပ်ရှင်ဇာတ်ကားကြီးရိုက်ပြီးတော့မှ ဇာတ်လမ်းတွဲဆက်ရိုက်သွားမယ်လို့ ဆိုပါတယ်။

Photo: Duwun

ဤအကြောင်းအရာကို သင်ဘယ်လိုထင်ပါသလဲ။
AD
AD