Mister တစ်ယောက်အဖြစ်ကနေ သရုပ်ဆောင်အလုပ်ကိုပါ လုပ်ဆောင်လာတဲ့ မာကိုကတော့ ပန်းနှစ်ပွင့်စီးချင်းရုပ်သံဇာတ်လမ်းတွဲမှာ သူဌေးသားတစ်ယောက်အဖြစ်ပါဝင်ခဲ့ထားတယ်လို့သိရပါတယ်။ သူ့အနေနဲ့ ပထမဆုံးရုပ်သံဇာတ်လမ်းတွဲဖြစ်တဲ့အတွက် အခက်အခဲတွေလည်း အများကြီးရှိခဲ့တယ်လို့ Duwun Media ကိုပြောပြခဲ့ပါတယ်။

play

 

'' ကျွန်တော်က သူဌေးသားတစ်ယောက်၊ ကျွန်တော့်မှာ အစ်ကိုရှိတယ်။ အဓိက က ကျွန်တော်သရုပ်ဆောင်ရတဲ့အပိုင်းက အဖေ့ကို ကျွန်တော်က သတ်လိုက်တာလား၊ ကျွန်တော့် အစ်ကိုက သတ်လိုက်တာလား၊ ဒါမှ မဟုတ် တခြားဘယ်သူတွေက သတ်လိုက်တာလည်းဆိုတာကို ပရိသတ်တွေ မမြင်အောင်၊ မသိအောင် လျှို့ဝှက်ဆန်တဲ့ ဇာတ်လမ်းမျိုးလေးပေါ့နော် အရမ်းခက်ပါတယ်။ မျက်လုံးအိုက်တင်တွေကအစ၊ မျက်နှာအနေအထားက အစ မလုပ်ဖူးတဲ့ ပုံစံတွေ လုပ်ရတယ်'' လို့ ဆိုပါတယ်။

ပန်းနှစ်ပွင့်စီချင်းရုပ်သံဇာတ်လမ်းတွဲမှာလည်း ပရိသတ်ကိုပေးချင်တဲ့ အကြောင်းကိုလည်း အခုလိုပြောပြခဲ့ပါသေးတယ်။

'' ကိုယ်ကပဲ အမှုနိုင်တော့မလိုလို၊ ကိုယ့်ကိုလိုက်ပေးတဲ့ရှေ့နေက သုသုပေါ့နော်။ ကိုယ့်ရဲ့ရှေ့နေက နိုင်တော့မလိုလို၊ ဟိုတစ်ဖက်ကပဲနိုင်တော့မလိုလို ဒါမှမဟုတ် တရားသူကြီးကပဲ စီမံချက် ချတော့မလိုလိုနဲ့ ပရိသတ်တွေကို မက်ဆေ့ခ်ျပေးချင်လဲဆိုတော့ ဘာဖြစ်လာမလဲဆိုတာကို စိတ်ထဲမှာ ကလိကလိနဲ့ စောင့်ကြည့်စေချင်အောင် သရုပ်ဆောင်ရတယ်'' လို့ မာကိုက ပြောပါတယ်။

play

 

မာကို ကတော့ Mister Global 2014 Winner ဆုကို ပိုင်ဆိုင်ထားတဲ့အနုပညာရှင်တစ်ယောက်ဖြစ်ပါတယ်။ သူ့အနေနဲ့ ပြိုင်ပွဲကြီးပြီးသွားတဲ့နောက် အနုပညာ အလုပ်တွေနဲ့ ပတ်သက်ပြီး ကြော်ငြာတွေလည်း ရိုက်ကူးနေရသလို၊ MTV တွေမှာလည်း ပါဝင်သရုပ်ဆောင်ထားတယ်လို့ သိရပါတယ်။

ဇန်နဝါရီလ ၄ ရက်နေ့က စပြီး MRTV ရုပ်သံလိုင်းမှာ ထုတ်လွှင့်ပြသမယ့် ပန်းနှစ်ပွင့်စီးချင်း ရုပ်သံဇာတ်လမ်းတွဲမှာ ပိုင်ဖြိုးသုနဲ့ မေဘရဏီသော်တို့က အဓိကသရုပ်ဆောင်ထားပြီး သရုပ်ဆောင် ကိုကိုလင်းမောင်၊ စိုးရန်အောင်၊ ရန်ကျော်၊ ထူးသာ၊ ထူး၊ ထူးမွန်၊ ထူးသာ၊ ထက်ကိုကိုလင်း၊ မာကို၊ သန်းသန်းစိုး နဲ့အတူ အခြားအနုပညာရှင် ပေါင်းများစွာ တို့ကလည်း ပါဝင်သရုပ်ဆောင်ထားကြပါတယ်။

ဤအကြောင်းအရာကို သင်ဘယ်လိုထင်ပါသလဲ။
Video