သရုပ်ဆောင်နဲ့ပတ်သက်လို့ ချစ်စရာကောင်းတဲ့ ကာရိုက်တာပေ့ါပေါ့ပါးပါးလေးတွေနဲ့သာ ပရိသတ်အရှေ့ချပြနေရတဲ့ သရုပ်ဆောင် မေ ကတော့ စွယ်စုံရသရုပ်ဆောင်တစ်ယောက်ဖြစ်ချင်တယ်လို့ Duwun Media ကနေပြောပြခဲ့ပါတယ်။

play

 

'' အဲ့ဒီလိုကြီးတော့ ကန့်သတ်ထားတာမရှိဘူး။ ကိုယ်ကလေ စွယ်စုံရသရုပ်ဆောင်ဖြစ်ချင်တဲ့အတွက် မေ ရဲ့ ပုံစံဆိုရင် လမ်းဘေးဈေးသယ် ပုံစံနဲ့လိုက်ချင်မှလိုက်မှာလေ။ ဒါမျိုးကြီးကို မလိုက်ဘူးဆိုပြီးတော့ လက်မခံမှာတော့မဟုတ်ဘူး။ အဲ့ဒါကို ဘယ်လိုကာရိုက်တာဝင်အောင် လုပ်ရမလဲ ဆိုတာတော့ စိတ်ဝင်စားတယ်။ အဓိက ကတော့ လုပ်ကွက်ကိုပဲ ရွေးချယ်သွားမှာပါ'' လို့ ဆိုပါတယ်။

play

 

ဗီလိန်ကာရိုက်တာဆိုရင်လည်း ကိုယ်ကြိုက်တဲ့ အနုပညာရှင်တွေရှိလို့ မရိုက်ဘူးဆိုတာမရှိဘူးလို့ ပြောပြခဲ့ပါသေးတယ်။

'' ဗီလိန်ဆိုရင်လည်း မရိုက်ဘူးဆိုတာမျိုးမရှိဘူး။ ကိုယ်ဆိုရင်လည်း အင်တာနေရှင်နယ်တင်မကဘူး ကိုရီးယားဇာတ်ကားတွေဆိုရင်လည်း ဗီလိန်သရုပ်ဆောင်တွေကို ကိုယ်တွေက အရမ်းကြိုက်ခဲ့တယ်။ အဲ့ဒီအတွက် ဗီလိန်ဆိုရင် မရိုက်ဘူးဆိုတာ မရှိစေရဘူးပေါ့။ လက်မခံတဲ့ ကာရိုက်တာရယ်လို့ မရှိပါဘူး ဒါရိုက်တာတွေကလည်း ကိုယ်နဲ့လိုက်မယ်ထင်တဲ့ ပုံစံတွေကို လာပြတာဆိုတော့ အများစုလက်ခံဖြစ်ပါတယ်'' လို့ မေ က ပြောပါတယ်။

play

 

မေ ကတော့ မကြာခင်ကမှ သတို့သမီးရဲ့ လျှို့ဝှက်ချက် ဆိုတဲ့ရုပ်ရှင်ဇာတ်ကားကြီးကို ဒါရိုက်တာဝိုင်းနဲ့ရိုက်ကူးပြီးခဲ့တယ်လို့ သိရပါတယ်။ ဒီရုပ်ရှင်ဇာတ်ကားကြီးကိုတော့ မေနဲ့အတူ သရုပ်ဆောင် အကယ်ဒမီ ဖွေးဖွေးနဲ့ အလင်းရောင်တို့က အဓိက ပါဝင်သရုပ်ဆောင်ထားတယ်လို့ သိရပါတယ်။

photo: မေ ဖေ့စ်ဘုတ်

ဤအကြောင်းအရာကို သင်ဘယ်လိုထင်ပါသလဲ။
Video