AD
AD
AD

သရုပ်ဆောင်ပန်းဖြူတို့  ဇနီးမောင်နှံကတော့ သင်္ကြန်အကျနေ့မှာ အလှူဒါနပြုလုပ်ရင်း ဖြတ်သန်းနေတာတွေကို သူ့ရဲ့ ဖေ့စ်ဘုတ် စာမျက်နှာကနေတဆင့် ဖော်ပြခဲ့ပါတယ်။

play

 

''သင်္ကြန်အကျနေ့ ကြာဇံချက် စတုဒီသာအလှူ၊ တာမွေလေး ကုန်းတံတားအောက်'' မှာ အလှူလုပ်နေတာတဲ့။ အနုပညာလောကနဲ့ (၆)နှစ်ကြာ ဝေးကွာနေပေမယ့် ပန်းဖြူဆိုတဲ့ သူမကို ပရိသတ်တွေက အခုထိ ချစ်ဆဲပါပဲ။

play

 

ကုသိုလ်ရေးအလုပ်တွေနဲ့ ပတ်သက်လာရင် ပန်းဖြူတစ်ယောက်အမြဲမပျက်ဆောင်ရွက်လေ့ရှိပါတယ်။ အနုပညာအလုပ်တွေနဲ့ ဝေးကွာပြီးတဲ့နောက်မှာတော့ မကြာခင်က Smile ရုပ်ရှင်ထုတ်လုပ်ရေးက ထုတ်လုပ်ပြီး ဒါရိုက်တာကိုဇော်(အရုဏ်ဦး)ရိုက်ကူးတဲ့ ဂယက်တွေပါဟယ် ရုပ်ရှင်ဇာတ်ကားကြီးမှာ ပါဝင်သရုပ်ဆောင် ဖြစ်ခဲ့ပါတယ်။

play

 

'' ပထမဆုံးပြန်ရိုက်တဲ့ ဇာတ်ကားဖြစ်တဲ့အတွက် အကုန်လုံးက အသစ်လိုပြန်ဖြစ်နေတယ်။ အရမ်းလည်းစိတ်လှုပ်ရှားပါတယ်။ ရိုက်ကွင်းနဲ့လည်းဝေးနေတာကြာပါပြီ။ အမျိုးသားရဲ့ ဇာတ်ကားရိုက်ကွင်းတွေကိုတောင် မလိုက်ခဲ့ပါဘူး သူက ပရိုဂျူဆာလုပ်တော့ သူ့ရိုက်ကွင်းတွေတောင် လိုက်မကြည့်ဖြစ်ဘူး ဘာကြောင့်လဲဆိုတော့ ပိုခံစားရမှာစိုးလို့ပေါ့နော်။ အနုပညာလောကကို မိသားစုလို သဘောထားခဲ့တာပါ။ကိုယ်ခွဲနေရတဲ့ မိသားစု ကို ခဏလေးပြန်တွေ့ရမှာဖြစ်ပြီး စိတ်မကောင်းဖြစ်မှာစိုးတယ်။ အခုတော့ ကိုယ်တိုင် လည်း ရုပ်ရှင်ပြန်ရိုက်ရမှာဆိုတော့ အဲ့ဒါတွေကို ပြန်တွေ့ရမှာဆိုတော့ စိတ်လှုပ်ရှားတယ် အဓိက ကတော့ပျော်တယ်။ '' လို့ Duwun Media ကိုပြောပြခဲ့ပါတယ်။

Photo: ပန်းဖြူဖေ့စ်ဘုတ်

ဤအကြောင်းအရာကို သင်ဘယ်လိုထင်ပါသလဲ။
AD
AD