AD
AD
AD

သရုပ်ဆောင်အလုပ်ကို အရမ်းရူးသွပ်လွန်းလို့ မီးထိုး၊ မှန်ထိုး ဘဝက တက်ခဲ့ရတဲ့ သရုပ်ဆောင်နေနော်ကတော့ အခုချိန်မှာ ကိုယ်ဖြစ်ချင် တဲ့ ဘဝ ဖြစ်လာတဲ့အတွက် ဝမ်းလည်းဝမ်းသာသလို တန်ဖိုးလည်းထားတတ်ပြီး ကြုံတွေ့ခဲ့ရတဲ့ ခက်ခဲကြမ်းတမ်းမှုတွေ အကြောင်းကိုလည်း Duwun Media ကနေ ပြောပြခဲ့ပါတယ်။

play

 

'' အမှန်အတိုင်းပြောရရင် ကျွန်တော်က ဒီအလုပ်ကို အရမ်းရူးခဲ့တာလေ။ ကျွန်တော် မီးထိုး၊ မှန်ထိုးဘဝက တက်ခဲ့ရတာလေ။ ဒီအလုပ်ကို အခုချိန်မှာ ကိုယ်လုပ်ချင်တာနဲ့ ကိုယ်ဖြစ်ချင်တာ တစ်ထပ်တည်းကျတဲ့အတွက် ပျော်လည်းပျော်တယ် ဝမ်းလည်းဝမ်းသာတယ်။ တန်ဖိုးလည်းထားတယ်။ ကိုယ်က ခဲရာခဲစစ်လာခဲ့ရတဲ့အတွက်ကြောင့်ပါ'' လို့ ဆိုပါတယ်။

play

 

အနုပညာကို ရူးသွပ်တဲ့သူတစ်ယောက်အနေနဲ့ မီးထိုးမှန်ထိုးဘဝကနေ အနုပညာရှင်တစ်ယောက်ဖြစ်လာဖို့အတွက် အတိုက်အခံကို ကျော်လွှားနိုင်မှအောင်မြင်မှုရတယ်ဆိုတဲ့ သူကြုံတွေ့ခဲ့ရတဲ့ အခက်အခဲအကြောင်းအရာတွေကိုလည်း အခုလိုပြောပြခဲ့ပါတယ်။

'' ဘယ်အရာမဆိုအတိုက်အခံဆိုတာရှိတယ်။ အဲ့ဒီအတိုက်အခံဆိုတာရှိတယ်။ အဲ့ဒီအတိုက်အခံကို ကျော်လွှားနိုင်မှ အောင်မြင်မှု ဆိုတာရတာ ဒီလူငါ့ကို တိုက်နေတယ်ဆိုပြီး တစ်ခါမှပြန်လည်းမပြောဖူးဘူး။ အဓိက က ငါကောင်းအောင်လုပ်မယ် ကိုယ့်ကိုယ်ကိုပဲ တွန်းအားပေးတယ်။ အဓိက ကတော့ သည်းခံရတယ်။ ကျွန်တော်ဆိုရင် ကင်မရာမန်းတွေရဲ့ အကန်လည်းခံဖူးတယ်၊ ပါးရိုက်တာ လည်း ခံဖူးတယ်။ ရှုတင်မှာလည်း ကျွန်တော်က တိုင်းရင်းသားတစ်ယောက်ဖြစ်တဲ့အတွက် စကားဝဲတော့ ပြန်ရတာတွေ လည်းရှိတယ်။ ကျွန်တော် ဘယ်တော့မှမပြန်ဘူး ပေတိပေကပ်နေတာ ပြန်ခိုင်းလည်း မပြန်ဘူး။ ကိုယ်ဖြစ်ချင်တာကိုး အမြဲတမ်း သည်းခံ ရတယ်။ တစ်ခါတစ်လေကျရင် အမျိုးစုံနှိပ်စက်တာတွေ ရှိတယ်။ ကြုံတဲ့နေရမှာလည်း အိပ်ခဲ့ဖူးတယ်'' လို့ နေနော်က Duwun Media ကနေ ရင်ဖွင့်စကားဆိုခဲ့ပါတယ်။

play

 

မိခင်ဖြစ်စေချင်တဲ့အရာတစ်ခုကို ဖြစ်အောင်လုပ်ပေးချင်တဲ့စိတ်၊ င့ါ သား မင်းသားဆိုပြီး ရင်ကော့လမ်းလျှောက်တဲ့ အသံတွေကြားရင် ငိုချင်မိတယ်ဆိုတဲ့ သူ့ရဲ့ ရင်ထဲက ခံစားချက်ကိုလည်း ဖော်ပြပေးလိုက်ပါတယ်။

 

'' အခု ကျွန်တော်ဖြစ်ချင်တဲ့ဘဝကိုဖြစ်တယ်။ ဒါပေမယ့် ကျွန်တော် ဒီ့ထက်ပိုပြီးကြိုးစားရဦးမယ်။ အမေကလည်းဆုံးထားတာ တစ်ပတ် ၁၀ ရက်ပဲ ရှိသေးတော့ အမေမရှိတော့ပေမယ့်လည်း ကိုယ့်အတွက်တွန်းအားတစ်ခုလိုပဲ သူဖြစ်ချင်တဲ့အရာတစ်ခုကို ကိုယ်ဖြစ်အောင်လုပ်ပေးမယ်ပေါ့နော်။ အမေဆိုရင် နယ်မှာပေါ့နော် ငါ့ သား မင်းသားဆိုပြီးရင်ကော့လမ်းလျှောက်ပေါ့ အဲ့ဒီလိုပြောသံ ကြားရင် ငိုချင်တာ။ ကိုယ့်အမေကို ရှာကျွေးရတာ ၂ နှစ်ပဲရှိသေးတယ်။ အမေ ကိုယ့်ကိုရှာကျွေးတာ နှစ် ၂၀ ကျော်ပြီ လေ၊ ကိုယ် ဝအောင်မရှာကျွေးရတဲ့အတွက် ရင်ထုမနာဖြစ်တယ်။ ဒါပေမယ့်လည်း ဘယ်တတ်နိုင်ပါ့မလဲလေ'' လို့ ဆိုပါတယ်။

play

 

ခက်ခဲကြမ်းတမ်းမှုတွေကြားထဲက ပရိသတ်လက်ခံလာတဲ့ သရုပ်ဆောင်တစ်ယောက်ဖြစ်တဲ့ နေနော်ကတော့ ဗီဒီယိုဇာတ်ကားတွေ၊ ရုပ်ရှင်ဇာတ်ကားတွေကိုလည်း လက်ခံရိုက်ကူးလာရတဲ့ အနုပညာရှင်တစ်ယောက်ဖြစ်ပါတယ်။ အခုလက်ရှိမှာ ဒါရိုက်တာကိုပေါက် ရိုက်ကူးတဲ့ ငယ်ပါသေးတယ် ရုပ်ရှင်ဇာတ်ကားကြီးထဲမှာလည်း ပါဝင်သရုပ်ဆောင်နေတယ်လို့ သိရပါတယ်။

Photo: Duwun, နေနော် ဖေ့စ်ဘွတ်

See More

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD