AD
AD
AD

ပရိသတ်တွေရဲ့ အချစ်တော်တစ်ယောက်ဖြစ်တဲ့ Project-K အဖွဲ့ဝင်ထက်ဖုန်းနိုင်ကတော့ သူ့ရဲ့အကြောက်ဆုံးအရာတစ်ခုဖြစ်တဲ့ သရဲအရမ်း ကြောက်တတ်တဲ့အကြောင်းကို Duwun media ကနေ ဖွင့်ဟပြောပြခဲ့ပါတယ်။

play

 

'' ကျွန်တော်သရဲအရမ်းကြောက်တယ်။ သရဲကိုတော့မမြင်ဖူးဘူး ဒါပေမယ့် ကျွန်တော်မှ မဟုတ်ဘူး ကျွန်တော့်အစ်ကိုကအစ အရမ်းကြောက် တာ။ မျိုးရိုးလိုက်တာလို့ ပြောလို့ရမလား ကျွန်တော့်အစ်ကိုအကြီးဆုံး ဆိုရင် အိမ်ထောင်လည်းရှိတယ်။ ကလေးလည်းရှိတယ်။ ဒါပေမယ့် အခုချိန်ထိ ညဘက်အပေါ့သွားတဲ့အခါ ကျွန်တော့် မရီးကို ခေါ်ပြီးသွားရတုန်း။ ကျွန်တော့်အစ်ကိုဆိုရင် ရပ်ကွက်ထဲမှာဖိုက်တာပဲ တစ်ခုခုဆို ထိုးမယ်ကြိတ်မယ်ဆိုတဲ့လူ ဒါပေမယ့် ဘာလို့ သရဲကြောက်တာလဲဆိုတာကို ကျွန်တော်မေးတော့ လူဆိုရင်ပြန်ထိုးလို့ရတယ်။ ပြန်လုပ်လို့ရတယ် ဒါပေမယ့် သရဲက ကျတော့ ဘယ်နေရာကနေ ဘယ်လိုလာလုပ်မှန်းမသိဘူး အရမ်းကြောက်တယ်ပေါ့။ အဲ့ဒီလိုပဲ ကျွန်တော်လည်း လူဆိုရင်တော့ မကြောက်ဘူး သရဲဆိုရင်တော့ ကျွန်တော်အရမ်းကြောက်တယ်'' လို့ ဖွင့်ဟဝန်ခံခဲ့ပါတယ်။

play

 

သရဲအရမ်းကြောက်တတ်တယ်လို့ ဝန်ခံထားတဲ့ ထက်ဖုန်းနိုင်က သရဲကြောက်ပေမယ့် သရဲကားအရမ်းကြိုက်တဲ့အကြောင်းကိုလည်း အခုလို ပြောပြခဲ့ပါတယ်။

 

'' သရဲကြောက်ပေမယ့် သရဲကားတော့ ကျွန်တော် အရမ်းကြိုက်တယ်။ ကျွန်တော်အားတဲ့ရက်ဆိုရင် ဘယ်မှမသွားပဲ အခွေကြည့်တယ် သရဲကားတွေကိုလည်း အမြဲတမ်းဝယ်ထားတယ်။ ဒါပေမယ့် အဲ့ဒီသရဲကားကိုလည်း ကျွန်တော်တစ်ယောက်တည်း ဘယ်တော့မှမကြည့်ဘူး ဝယ်ပြီးစုထားတယ်။ သူငယ်ချင်းတွေစုံပြီဆိုရင် သရဲကားကြည့်တယ်'' လို့ ထက်ဖုန်းနိုင်က ပြောပါတယ်။

play

 

ထက်ဖုန်းနိုင်ကတော့ မြန်မာနိုင်ငံအတွင်း အောင်မြင်တဲ့အဖွဲ့တစ်ဖွဲ့ဖြစ်တဲ့ Project - K အဖွဲ့ဝင်တစ်ယောက်လည်းဖြစ်ပါတယ်။ သူ့ကိုတော့ တီဗီကြော်ငြာတွေ၊ မဂ္ဂဇင်းကာဗာတွေကနေတဆင့် ပရိသတ်တွေစတင်သိရှိခဲ့တာဖြစ်ပြီး သူ့ရဲ့ အချစ်ရေးနဲ့ပတ်သက်လို့လည်း ကောလာဟလ တွေ အများကြီးထွက်ခဲ့ဖူးတာတွေလည်း ရှိပါတယ်။ Project-K အဖွဲ့ အနေနဲ့ အခုလက်ရှိမှာ ပြည်တွင်းအနုပညာလမ်းကြောင်းသာမက ပြည်ပမှာရှိတဲ့ အနုပညာလမ်းကြောင်းကိုပါ ဝင်ရောက်ထိုးဖောက်နိုင်အောင် ကြိုးစားနေတယ်လို့ သိရပါတယ်။

Photo: ထက်ဖုန်းနိုင်ဖေ့စ်ဘွတ်

See More

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD