AD
AD
AD
play

 

သရုပ်ဆောင်ရွှေမှုံရတီ တစ်ယောက် ရွှေရည်ရတီလို့ နာမည်ပေးထားတဲ့ ကိုယ်ပိုင်ရုပ်ရှင်ထုတ်လုပ်ရေးတည်ထောင်ထားတယ်လို့ သိရပါတယ်။ ကိုယ်ပိုင်စီးပွားရေးဖြစ်တဲ့ ရုပ်ရှင်ထုတ်လုပ်ရေး တည်ထောင်ထားတဲ့ ရွှေမှုံက ဘယ်လိုခက်ခဲမှုတွေ၊ ဘယ်လို အန္တရာယ်တွေ ရှိပါစေ အားလုံးကို ကြိုဆိုတယ်၊ ဒီလိုစိတ်ဓာတ်မျိုးဖြစ်လာဖို့ မိခင်ဖြစ်သူက အစကတည်းကပြင်ဆင်ပေးထားပြီးသားလို့လည်း မီဒီယာတွေကနေ တဆင့် ပြောပြ ခဲ့ပါတယ်။

'' ဒီအလုပ်ကို ညီမအမေရှိတဲ့အတွက် ခေါင်းလည်း သိပ်မကြီးပါဘူး။ အဓိက ကတော့စီမံခန့်ခွဲမှုအပိုင်းလေးတော့ နည်းနည်းပါတာပေါ့။ ညီမ ၁၃ နှစ်ကတည်းက အလုပ်စလုပ်ပါတယ် အခု အသက်၂၀မှာ ပရိုဂျူဆာလုပ်ဖို့အတွက်ကို အမေ့ကို ဘေးကနေဝိုင်းပြီးပံ့ပိုးပေးပါတယ်။ ညီမတတ်နိုင်သလောက် ခေါင်းစားပေးပါတယ်။ ညီမအတွက် ဘယ်အရာမဆို ကြိုဆိုပါတယ်။ ခက်ခဲမှုတွေလည်း ကြိုဆိုတယ်၊ အန္တရာယ်တွေ လည်း ကြိုဆိုတယ်၊ ညီမ အားလုံးကိုရင်ဆိုင်နိုင်တယ်။ ညီမအပျော်တွေလည်းကြိုဆိုတယ်။ အားလုံး အားလုံးအတွက် အဆင်သင့်ဖြစ်အောင် စိတ်ဓာတ်တွေကို ညီမအမေကအစကတည်းကပြင်ဆင်ပေးထားပြီးသားဆိုတော့ ညီမက ဘာလာလာဒေါင်းပါတယ်'' လို့ သူကဆိုပါတယ်။

play

ကိုယ်ပိုင်စီးပွားရေး တည်ထောင်တယ်ဆိုတာကလည်း အသက်ကြီးတာငယ်တာနဲ့ မဆိုင်ပဲ အတွေ့အကြုံ၊ လူမှုဆက်ဆံရေး၊ ရင့်ကျက်မှုတွေ သာအရေးကြီးတယ်လို့ သူမအနေနဲ့ ခံယူထားပါတယ်တဲ့။ ကိုယ်ပိုင်ထုတ်လုပ်ရေးဆိုပေမယ့် ကိုယ်တိုင်ရိုက်ကူးသွားမှာ မဟုတ်ပဲ ဇာတ်ကား ကောင်းကောင်းလေးတွေကို တခြားအနုပညာရှင်တွေနဲ့ ရိုက်ကူးချင်တာ ဆိုတဲ့ ရွှေမှုံရဲ့ ဆန္ဒလေးကိုလည်း အခုလိုပြောပြခဲ့ပါတယ်။

'' ကိုယ်ပိုင်ထုတ်လုပ်ရေးမှာ ညီမက ညီမရိုက်ဖို့အတွက်တော့မဟုတ်ဘူး။ ညီမက တခြားသူတွေနဲ့ ရိုက်ချင်တာ ဇာတ်လေးတွေလည်း အများကြီးရှာထားတယ်။ ကိုယ်ပိုင်ဇာတ်လမ်းလေးတွေလည်း ရှိတယ် အမေကလည်း သူ့ဇာတ်လေးတွေရှိတော့ အမေကလည်း အနုပညာကို ဝါသနာပါပြီး လေ့လာတယ်။ ညီမတို့အတွက်လည်း အဆင်ပြေတယ်။ နောက်ပြီးတော့ တခြားတိုက်တွေနဲ့ ကာရိုက်တာမတူနိုင်ဘူး လုပ်ချင် တိုင်း လုပ်ခွင့်မရဘူးဆိုတာမဟုတ်ပါဘူး။ ညီမရိုက်ချင်တဲ့ ကာရိုက်တာတွေ၊  ညီမနဲ့လိုက်ဖက်တဲ့ ကာရိုက်တာတွေကို မင်းသမီး စဖြစ်ကတည်း က ဒီတိုက်တွေက ပံ့ပိုးပေးခဲ့တာညီမအပေါ်မှာလည်း ကျေးဇူးရှိတယ်။ သူတို့ကိုလည်း တကယ်ကျေးဇူးတင်ပါတယ်။ သူတို့သည် ညီမအတက် မိုင်းနပ်(စ်)ဖြစ်မယ့် အရာကို မပေးပါဘူး အမြဲတမ်း ညီမကို ပိုပိုပြီးတော့ Support လုပ်ပေးတယ်။ ပိုပြီးတော့ အိုက်တင်တွေ ကောင်းလာစေ မယ့် ဇာတ်မျိုးတွေကို ယုံကြည်စွာအပ်နှံပေးတဲ့အတွက် ဒါရိုက်တာတွေရော၊ ပရိုဂျူဆာတွေကိုရော ကျေးဇူးတင်ပါတယ်။ မင်းသားတွေကိုလည်း ညီမနဲ့ရိုက်ပေးတဲ့အတွက် ကျေးဇူးတင်ပါတယ်''

play

 

ရွှေရည်ရတီလို့ အမည်ပေးထားတဲ့ ရွှေမှုံရတီရဲ့ ကိုယ်ပိုင်ထုတ်လုပ်ရေးကနေ အရည်အသွေးကောင်းတဲ့ ဇာတ်ကားကောင်း တွေ ကိုသာ ရွေးချယ်ရိုက်ကူးသွားမယ်လို့ သိရပါတယ်။ သူမရဲ့ ကိုယ်ပိုင် ရုပ်ရှင်ထုတ်လုပ်ရေးကနေ (၆)လပိုင်းကစပြီး ဇာတ်ကားတွေ ရိုက်ကူးမှာ ဖြစ်သလို ဇာတ်လမ်းလေးတွေကိုလည်း ဆန်းဆန်းပြားပြားလေး ဖြစ်အောင်ရွေးချယ်ထားတယ်လို့ သိရပါတယ်။ ရိုက်ကူးမယ့် ဇာတ်လမ်းတွေကို အခြားထုတ်လုပ်ရေး တိုက်တွေနဲ့မတူအောင် သူမကိုယ်တိုင် သေချာရွေးချယ်သွားမှာဖြစ်ပြီး ဇာတ်ကားတွေကို ကွာလတီ မကျအောင် အကောင်းဆုံး ရိုက်ကူးသွားမယ်လို့ ယင်းအင်တာဗျူးမှာ ဆက်လက်ပြောပြထားပါတယ်။

play

 

၂၀၁၈ ခုနှစ် မေလ(၁၆)ရက်နေ့ကမှ အသက်(၂၀)ပြည့်သွားတဲ့ ရွှေမှုံရတီဟာ မကြာခင်မှာ အဆိုတော်ရွှေထူးနဲ့ အတူ ရုပ်ရှင်ဇာတ်ကားကြီး ရိုက်ဖို့ ရှိတယ်လို့ သိရပါတယ်။အသက် ၁၃ နှစ်အရွယ်နဲ့ သရုပ်ဆောင်မင်းသမီးတစ်ယောက်ဖြစ်လာတဲ့ ရွှေမှုန်ရတီဟာ ငယ်ရွယ်သေးပေမဲ့ အရမ်းကို ရင့်ကျက်တဲ့ မိန်းကလေးတစ်ယောက်ပါ။ထူးခြားတဲ့ ဟန်ပန်၊ ဆန်းသစ်တဲ့ ဝတ်ဆင်မှုတွေကြောင့် ဝေဖန်မှုများစွာ ခံရပေမဲ့ ကိုယ်လုပ်စရာရှိတာကို ယုံကြည်မှုရှိရှိနဲ့ လုပ်ဆောင်နေတဲ့ သူလည်း ဖြစ်ပါတယ်။

အနုပညာပျိုးခင်း (၁) ရဲ့ စင်တင်မင်းသမီးတစ်လက်ဖြစ်တဲ့ ရွှေမှုံရတီဟာ အနုပညာလောကကို စတင်ဝင်ရောက်ခဲ့တဲ့ လွန်ခဲ့တဲ့ ၆ နှစ်ကျော်ကတည်းက သရုပ်ဆောင်ကောင်းသူအဖြစ် နာမည်ရလာသူဖြစ်ပြီး လက်ရှိမှာလည်း ထိပ်တန်းမင်းသမီးတစ်လက်အဖြစ် ရပ်တည်နေပါတယ်။

Postby

 

Photo : ရွှေမှုံရတီ အင်စတာဂရမ်

ဤအကြောင်းအရာကို သင်ဘယ်လိုထင်ပါသလဲ။
AD

AD