AD
AD
AD
play

 

သရုပ်ဆောင်အိချောပိုရဲ့ အချစ်ရေးနဲ့ ပတ်သက်တဲ့ ကောလာဟလ သတင်းတွေဟာ ဖေ့စ်ဘွတ်တခွင်မှာ ပျံ့လို့နေပါတယ်။ ဒါကလည်း ဇာတ်ကားတွဲရိုက်တာတွေများတဲ့ အကယ်ဒမီခန့်စည်သူနဲ့ ပတ်သက်မှုရှိနေမလားလို့ တွေးထင်နေကြတဲ့ ပရိသတ်တွေအတွက် အနုပညာပျိုးခင်းရဲ့ ဆရာတစ်ဦးဖြစ်တဲ့ ခန့်စည်သူနဲ့ ဆက်ဆံရေးအကြောင်းကို Duwun Media ကနေ အခုလိုပြောပြခဲ့ပါတယ်။

'' ဒါ ဆရာပါပဲ။ အိချောတို့ တွဲရိုက်တာများရင်တော့ ပရိသတ် တချို့ကတော့ ပြောမှာပဲ။ အိချောတို့ရဲ့ ဆရာတွေ ကိုခန့်မှ မဟုတ်ပါဘူး။ အနုပညာပျိုးခင်းမှာ ဆရာ ၆ ယောက်ရှိတယ်။ ဆရာ ၆ ယောက်စလုံးနဲ့ အိချောက ရိုက်တယ်။ တွဲရိုက်တာများတော့လည်း အပြောခံရတာ နေမှာပေါ့နော် အိချောကတော့ ကိုယ့်ဆရာသမားလည်း ဖြစ်သလို ကိုယ့်ဦးလေးလိုလည်း ဖြစ်နေတဲ့ ကျေးဇူးရှင်တွေပေါ့'' လို့ သူကဆိုပါတယ်။

play

 

ကောလာဟလသတင်းအမှားတွေကြောင့် အနုပညာသမားအနေနဲ့ ထိခိုက်တာလေးတွေရှိတယ်၊ တစ်ခါတလေ ကိုယ်ပြောလိုက်တဲ့စကားရဲ့ လိုရင်းက တစ်မျိုး ၊ တဖက်မှာ ထင်သွားတဲ့ အဓိပ္ပာယ်တွေက တစ်မျိုးစီဖြစ်သွားတတ်တာတွေကြောင့် ပရိသတ်တွေအနေနဲ့ ဖြည့်ပြီးတော့ နားလည်ပေးစေချင်တယ်လို့ အိချောပိုက ပြောပါတယ်။

'' အိချောတို့ကတော့ လူတစ်ဖက်သားကို အဲ့ဒီလိုပြောတယ်ဆိုတာ ဘယ်လိုပဲဖြစ်ဖြစ် ကိုယ်လည်း ခံစားရရင်  စိတ်မကောင်းဖြစ်မှာပဲပေါ့နော်။ ကိုယ်ဆိုလည်း ကိုယ်ကိုယ်တိုင်ခံစားရရင် ဒီလိုပါပဲ။ တချို့ကျတော့လည်း သတင်းအမှားတွေကြောင့် အနုပညာသမားအနေနဲ့ ထိခိုက်တာ လေးတွေရှိတာပေါ့။ တစ်ခါတလေ ပြောတာလေးတွေက ကိုယ့်လိုရင်းကတော့ ဒီလို အဓိပ္ပာယ်မဟုတ်ဘူး၊ အဓိပ္ပာယ်သက် ရောက်စွာနဲ့ တစ်ဖက်မှာ တစ်မျိုးဖြစ်သွားတာလေးတွေလည်း ကြုံရတာရှိပါတယ်။အဲ့ဒါမျိုးတွေကျတော့လည်း ပရိသတ်တွေက နားလည်ပြီးတော့ ဖြည့်ပြီးတော့ပဲ နားလည်ပေးပါ။ အိချောတို့ကလည်း တစ်ခါတလေကျရင် ကိုယ်ကိုယ်တိုင်မသိတဲ့အရာမျိုးတောင် အဲ့ဒီမှာ ပြန်တွေးမှ အံ့သြတာတွေရှိတာပေါ့နော်'' လို့ သူကဆိုပါတယ်။

 

play

 

အနုပညာပျိုးခင်းရဲ့ စင်တင်မင်းသမီးတစ်လက်အနေနဲ့ ပရိသတ်အရှေ့ကိုရောက်လာတဲ့ အိချောပိုဟာ အခုဆိုရင် အရမ်းကိုအောင်မြင်နေတဲ့ အနုပညာရှင်တစ်ယောက်ဖြစ်နေပါပြီ။ ကျန်းမာကြံ့ခိုင်တဲ့ ကိုယ်ခန္ဓာအလှအပကြောင့်လည်း ပရိသတ်တွေအားကျရသလို ဇာတ်ရုပ်တိုင်း အပေါ် သရုပ်ဆောင်ပီပြင်မှုတွေကြောင့်လည်း ပရိသတ်အချစ်ကို ပိုပိုင်ဆိုင်နိုင်ခဲ့ပါတယ်။ အိချောပိုဟာ ၂၀၁၇ ခုနှစ်အကယ်ဒမီ ထူးချွန်ဆု ပေးပွဲမှာ ပွဲခံမယ်ရုပ်ရှင်ဇာတ်ကား၊ အမည်ပေါက်နဲ့ကျူး ရုပ်ရှင်ဇာတ်ကားကြီးတို့ နဲ့လည်း အမျိုးသမီးဇာတ်ဆောင်ဆုအဖြစ် ပရိသတ်တွေ ထင်ကြေးပေးခံခဲ့ရဖူးပါတယ်။

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD