AD
AD
AD
play

 

ရွှေထူးကိုတော့ ဧည့်သည်ရုပ်ရှင်ဇာတ်ကားကြီးထဲမှာ တော်တော့်ကို အချိုးမပြေတဲ့ ကောင်လေးတစ်ယောက်အဖြစ် ပရိသတ်တွေမြင်တွေ့ရ ဦးမှာပါ။ ဒီဇာတ်ကားထဲမှာလည်း သရုပ်ဆောင်အတွေ့အကြုံတွေ အများကြီးရှိတဲ့ အနုပညာရှင်တွေနဲ့ တွဲဖက်သရုပ်ဆောင်ရမှာဖြစ်တာ ကြောင့် စိတ်ဖိစီးမှုလေးတော့ နည်းနည်းရှိတယ်လို့ Duwun Media ကနေပြောပြခဲ့ပါတယ်။

'' စိတ်ဖိစီးမှုအနေနဲ့ကတော့ ဇာတ်ကားထဲမှာ ကိုယ့်ထက် နာမည်ကြီးတဲ့ သူတွေလည်း ပါသလို၊ ကိုယ့်ထက် သရုပ်ဆောင်တော်တဲ့ သူတွေ လည်း ပါတော့ နည်းနည်းတော့ Pressure တော့ရှိတယ်။ ကာရိုက်တာကတော့ သီချင်းဆိုတဲ့ လူငယ်တစ်ယောက် မြာပွေတဲ့ ပုံစံလူငယ် တစ်ယောက် ကာရိုက်တာနဲ့ သရုပ်ဆောင်ရမှာပါ။ ကျွန်တော် တော်တော်အချိုးမပြေတဲ့ ပုံစံကိုနေရမှာ။ ပက်ပက်စက်စက်ညှို့ ဇာတ်ကား တုန်းက သူဌေးသား ဂျလေဘီလိုလိုပေါ့။  ဒီဇာတ်ကားမှာတော့ လုံးဝကို အချိုးမပြေတဲ့ ကောင်လေးပေါ့'' လို့ ရွှေထူးက ဆိုပါတယ်။

play

 

ရွှေထူးဟာ ပထမဦးဆုံးရုပ်ရှင်ဇာတ်ကားကြီးဖြစ်တဲ့ ပက်ပက်စက်စက်ညှို့ရုပ်ရှင်ဇာတ်ကားကြီးထဲမှာလည်း ဗီလိန်ကာရိုက်တာအဖြစ် ပါဝင် သရုပ်ဆောင်ခဲ့တာဖြစ်ပြီး ဒုတိယမြောက် ရုပ်ရှင်ဇာတ်ကားကြီး ဧည့်သည် ရုပ်ရှင်ဇာတ်ကားမှာလည်း ဗီလိန်ကာရိုက်တာအဖြစ် သရုပ်ဆောင်ရမှာဖြစ်တဲ့ အတွက် ပရိသတ်တွေ အမြင်ဆွဲသွားမှာကိုတော့ မကြောက်ပါဘူးလို့ ဆိုပါတယ်။

''ကျွန်တော်က အနုပညာလုပ်ရတာပဲလေ အပြင်မှာမှ မဟုတ်တာ။ ရုပ်ရှင်ဇာတ်ကားထဲမှာတော့ ဘယ်လို ကာရိုက်တာမျိုးပဲ ဖြစ်ဖြစ် စိတ်ဝင်စားတယ်။ ဗီလိန်ကာရိုက်တာကတော့ ကိုယ်နဲ့ လိုက်မှာပါ မင်းသားရုပ်မှ မဟုတ်တာ။ ကျွန်တော်ကိုယ်တိုင်ကလည်း ဗီလိန် ကာရိုက်တာကို သဘောကျတယ်။ ငယ်ငယ်တုန်းကဆိုရင် Batman တို့ ဂျိုကာတို့ဆိုရင် ကျွန်တော်က ဂျိူကာပဲ လုပ်ချင်တယ်'' တဲ့။

play

 

ဒီအကြောင်းအရာတွေကို ဧည့်သည်ရုပ်ရှင်ဇာတ်ကားကြီး ကန်တော့ပွဲပေး အခမ်းအနားမှာ ရွှေထူးက Duwun Media ရဲ့ သီးသန့် အင်တာဗျူးမှာ ဖြေဆိုခဲ့တာဖြစ်ပါတယ်။ ဧည့်သည် ရုပ်ရှင်ဇာတ်ကားကြီးကန်တော့ပွဲကို  ဇွန်လ ၁ ရက်နေ့ မနက်ပိုင်းက ရွှေတိဂုံစေတီတော် အောင်မြေမှာ ပြုလုပ်ခဲ့တာဖြစ်ပါတယ်။ မီဒီယာတွေနဲ့ တွေ့ဆုံ အင်တာဗျူးကိုတော့ M3 Food Center မှာ ကျင်းပ ပြုလုပ်ခဲ့တာဖြစ်ပါတယ်။

အဆိုတော်ရွှေထူးရဲ့ ဒုတိယမြောက်ရိုက်ကူးမယ့် ရုပ်ရှင်ဇာတ်ကားဖြစ်တဲ့ ဧည့်သည် ရုပ်ရှင်ဇာတ်ကားကြီးကို  မကြာခင်မှာ ရွှေမှုံရတီ၊ နေခြည်ဦးတို့နဲ့ အတူတွဲပြီး ရိုက်ကူးတော့မယ်လို့ သိရပါတယ်။  ဒီဇာတ်ကားကိုတော့ သူ သဘောကျတဲ့ မင်းသမီးတွေနဲ့ တွဲရိုက်ရမှာ ဖြစ်တဲ့အတွက် ရင်တွေခုန်ပါတယ်လို့လည်း မီဒီယာတွေကနေတဆင့်ပြောပြခဲ့ပါသေးတယ်။ သူ့ရဲ့ ပထမဆုံးရိုက်ကူးခဲ့တဲ့ ရုပ်ရှင်ဇာတ်ကား ကြီး ဖြစ်တဲ့ ပက်ပက်စက်စက်ညှို့ ရုပ်ရှင်ဇာတ်ကားကြီးကိုတော့ ဒါရိုက်တာသားညီက ရိုက်ကူးပြီး နေတိုး၊ မိုးစက်ဝိုင် တို့နဲ့ အတူတွဲပြီး သရုပ်ဆောင်ခဲ့တာပါ။ အဲ့ဒီဇာတ်ကားထဲမှာလည်း ဂျစ်ကန်ကန် သူဌေးသားလေးတစ်ယောက်ကာရိုက်တာနဲ့ သရုပ်ဆောင်ခဲ့တာဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD