AD
AD
AD
play

 

မော်ဒယ်ရည်းစားဟောင်းကို အဓမ္မပြုကျင့်တယ်ဆိုပြီး တရားစွဲဆိုခံထားရတဲ့ အဆိုတော် အစ္စဏီရဲ့အမှုကို ဒီနေ့ ဇွန်လ ၁ ရက်နေ့မှာ တတိယအကြိမ်မြောက် ရုံးထုတ် စစ်ဆေးခဲ့ပါတယ်။ ဒီနေ့ ရုံးချိန်းကို တရားလို မော်ဒယ် စူးရှထက်လည်း ရောက်ရှိလာခဲ့ပါတယ်။

စစ်ဆေးရာမှာ တရားလိုဘက်က လျှောက်ထားချက်အရ  တံခါးပိတ်စစ်ဆေးခဲ့တာ ဖြစ်ပါတယ်။ ဒီနေ့စစ်ဆေးမှုကို အားရကျေနပ်မိတယ်လို့ တရားလိုရှေ့နေ ဦးရောဘတ်ဆန်းအောင်က မီဒီယာတွေကို ပြောပါတယ်။

 "ဒီနေ့စစ်ရတာတော့ ကောင်းပါတယ်။ တရားလိုက သူ့ရဲ့ ခံစားချက်ကို အပြည့်အစုံ မှန်မှန်ကန်ကန် ထွက်ဆိုသွားတယ်။ ကျွန်တော်တို့ဘက်ကလည်း သင်ကြားမှုမရှိဘူး။ ဖြစ်ရပ်မှန်ကိုပဲ ဖော်ထုတ်သွားတယ်။ အမှုတွေမှာ ဖြစ်ရပ်မှန်ကို မှန်မှန်ကန်ကန် ဖော်ထုတ်သွားရင် အောင်မြင်မှုရနိုင်မှာပါ" လို့ ဦးရောဘတ်ဆန်းအောင်က ဆိုပါတယ်။

play

 

စစ်ဆေးမှုအပြီးမှာ တရားရုံးထဲက ထွက်လာတဲ့ အစ္စဏီကို မီဒီယာတွေက မေးမြန်းချိန်မှာ အစ္စဏီက စကားတစ်ခွန်းပြောခဲ့ပါတယ်။

"ဘေဘီ့ကို မေးလိုက်ပါ။ ဘေဘီလိမ်နေတာ ပျော်ရဲ့လားလို့ သူ့ကိုမေးလိုက်ပါ" လို့ ပြောသွားခဲ့တာ ဖြစ်ပါတယ်။

ဒီနေ့ရုံးချိန်းမှာ ပြန်လှန်မေးခွန်းတွေ မပြီးဆုံးသေးတဲ့အတွက် လာမယ့် ဇွန်လ ၈ ရက်နေ့မှာ နောက်ထပ်ရုံးချိန်း ချိန်းဆိုထားပြီး မော်ဒယ်စူးရှထက်ကို ထပ်မံစစ်ဆေးသွားမယ်လို့ သိရပါတယ်။

play

 

အဆိုတော် အစ္စဏီကို ပြီးခဲ့တဲ့ မေလ ၁၀ ရက်နေ့မှာ မုဒိမ်းမှု၊ ပြင်းထန်နာကျင်စေမှုတို့အပါအ၀င် ပုဒ်မ ၃ ခုနဲ့ တာမွေမြို့နယ် တရားရုံးက တရားစွဲဆိုခဲ့တာဖြစ်ပါတယ်။ ဧပြီလ ၁၂ ရက်နေ့က အဆိုတော်အစ္စဏီက ရည်းစားဟောင်း မော်ဒယ်အမျိုးသမီးကို အလိုမတူဘဲ အဓမ္မပြုကျင့်ခဲ့တဲ့အပြင် ကိုယ်လက်အဂါင်္တွေကိုလည်း နာကျင်အောင် ရိုက်နှက်ခဲ့တာတွေ ပြုလုပ်ခဲ့လို့ မော်ဒယ်စူးရှထက်က အမှုဖွင့်တိုင်ကြားခဲ့တာဖြစ်ပါတယ်။

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD