AD
AD
AD
play
Photo: Amazing Grace

 

Beauty Blogger မလေးလည်းဖြစ်၊ ရုပ်ရှင်ဇာတ်ကားကြီးတွေလည်းရိုက်ကူးနေရတဲ့ နေခြည်ဦးတစ်ယောက် ကိုယ်ရှာတဲ့ ဝင်ငွေနဲ့ ကိုယ်သုံး တဲ့ ထွက်ငွေ မမျှဘူးလို့ ဆိုပါတယ်။ အဓိက  ကတော့ အနုပညာအလုပ်တွေ လုပ်နေရင်းနဲ့ ပျော်ပျော်ပါးပါးနေတတ်တာပါတဲ့။ ဒီလို နေတတ် တဲ့ နေခြည်ဦးကိုတော့ သူ့ရဲ့ ဖခင်က အရွယ်ကောင်းတုန်းမှာ ပိုက်ဆံရှာပြီး စီးပွားရေးလုပ်ဖို့အတွက် တိုက်တွန်းနေတယ်ဆိုတာကို ဇွန်လ ၃၁ ရက်နေ့က ဧည့်သည်ရုပ်ရှင်ဇာတ်ကားကြီး ကန်တော့ပွဲပေးအခမ်းအနားက မီဒီယာတွေရဲ့ အင်တာဗျူးမှာ ဖြေဆိုခဲ့တာဖြစ်ပါတယ်။

''ကိုယ်ကအခုချိန်မှာပျော်နေတာ၊ အလုပ်တွေလုပ် အပျော်တွေလွန်ပြီးတော့ ကိုယ့်ရဲ့ ဝင်ငွေနဲ့ ထွက်ငွေ မမျှဘူး၊ မကိုက်ဘူး။ အဝတ်အစား တွေ အများကြီး ဝယ်ဖြစ်တယ်၊ ခရီးတွေ လျှောက်သွားဖြစ်တယ်။ အဓိက ကတော့ ပျော်နေတာပေါ့နော်။ အဖေကတော့ ပြောပါတယ်။ အနုပညာအလုပ် ဆိုတာ စန်းနဲ့လည်း ဆိုင်တယ်။ နင့်ကိုလည်း ဘယ်သူမှ အကြာကြီးမကြည့်ချင်ဘူးတဲ့။ နင့်အသက် ၃၀ ကျော်သွားလို့ မိတ်ကပ်လိမ်းလည်း ဘယ်သူမှ စိတ်မဝင်စားတော့ဘူးတဲ့။ အခုချိန်မှာ ပိုက်ဆံရှာနိုင်တုန်းကိုရှာ အရွယ်ကောင်းတုန်းကို  ပိုက်ဆံရှာ၊ ပြီးရင် စီးပွားရေး တစ်ခုခုလုပ် ဆိုပြီးတော့ သင်ပေးပါတယ်"လို့ သူကဆိုပါတယ်။

play

 

နေခြည်ဦးဟာ ငယ်ငယ်ကတည်းက ဖခင်က အလိုလိုက်ခဲ့တာကြောင့် အသုံးအစွဲအရမ်းကြမ်းတယ်လို့ ဆိုပါတယ်။ လက်ရှိမှာလည်း ကိုယ့်ခြေထောက်ပေါ် ကိုယ်ရပ်တည်ရင်း အနုပညာအလုပ်တွေ လုပ်နေပေမယ့် အသုံးစားရိတ်က မလောက်ဘူးဖြစ်နေတယ်တဲ့။

'' ပွင့်ပွင့်လင်းလင်းပြောရရင် နေခြည်က အရမ်းအသုံးကြမ်းတယ်။ ငယ်ငယ်ကတည်းက အဖေကလည်း အရမ်းအလိုလိုက်ခဲ့တာကိုး။ အခုချိန် မှာ ကိုယ့်ခြေထောက်ပေါ် ကိုယ်ရပ်တည်နေတယ်ဆိုပေမယ့် အဖေအလိုလိုက်ခဲ့တဲ့ အတိုင်း သုံးနေတာဆိုတော့ ဝင်ငွေနဲ့ ထွက်ငွေ မကိုက်ဘူးပေါ့နော်။ အဖေကတော့ နေခြည့်ကိုဆုံးမပါတယ်၊ နင်ဒီလိုနေလို့မရတော့ဘူး၊ ဒီလိုမျိုးဆို ပိုက်ဆံစု၊ ပစ္စည်း တစ်ခုခုကျန်အောင် လုပ် ပြောတာစုံနေတာပဲ။ နေခြည်ကတော့ ဘယ်မှမသွားဘူး၊ အိမ်မှာပဲနေမှာ မပူနဲ့ ဘယ်မှ မဆင်းဘူး။ ကိုယ်က မစုမိမဆောင်းမိရင်လည်း ကုမ္မဏီမှာ ရှယ်ယာတွေဝယ်ပေါ့။ အဖေကတော့ စီးပွားရေးသမားတစ်ယောက်ဖြစ်တဲ့ အတွက် စီးပွားရေးနဲ့ပတ်သက်တာတွေ နေခြည့်ကို အများကြီးသင်ပေးတယ်'' လို့ ဆိုပါတယ်။

play
Photo: Amazing Grace

 

သွက်သွက်လက်လက်နဲ့ ချစ်စရာကောင်းတဲ့ နေခြည်ဦးကို သူ့ရဲ့ ချီလီလေးတွေက Make up Blogger တစ်ဦးအနေနဲ့ စတင်သိရှိခဲ့တာ ဖြစ်ပါတယ်။အဲ့ဒီနောက် အလှအပရေးရာနဲ့ ပတ်သက်ပြီး အကြံကောင်းတွေအများကြီးပေးလေ့ရှိတဲ့ ခြည်ခြည့်ရဲ့ Fan လေးတွေက ပိုများလာခဲ့ပါတယ်။ နေခြည်ဦးဟာ အခုလက်ရှိညွှန့်မြန်မာညီညီအောင်  ရိုက်ကူးတဲ့ ဧည့်သည်ရုပ်ရှင်ဇာတ်ကားကြီးထဲမှာ ဖြိုးငွေစိုး၊ ရွှေထူး၊ ရွှေမှုံရတီတို့နဲ့ အတူ ပါဝင်သရုပ်ဆောင်နေပါတယ်။ ဒီဇာတ်ကားကြီးကတော့ နေခြည်ဦးရဲ့ ဒုတိယမြောက်ရုပ်ရှင်ဇာတ်ကား ကြီးဖြစ်ပါတယ်။ နေခြည်ရဲ့ပထထမဆုံး ရုပ်ရှင်ကားက ရန်သူ ရုပ်ရှင်ဇာတ်ကားဖြစ်ပြီး နေမင်း၊ ဝတ်မှုံရွှေရည်တို့ နဲ့ အတူ ရိုက်ကူးခဲ့တာ ဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD