AD
AD
AD
play
Photo: Tyron Facebook

 

မော်ဒယ်လ်သရုပ်ဆောင် တိုင်ရွန်ကတော့ ဆီးချိုရောဂါကြောင့် မျက်စိကွယ်သွားတဲ့ ဟာသသရုပ်ဆောင် ကစ်ကစ်ကို ဇွန်လ ၇ ရက်နေ့(ဒီနေ့)မှာပဲ အလှူငွေ သွားရောက်လှူဒါန်းရင်း ရန်ကုန်ဆေးရုံကြီး မှာ ဆေးရုံတင်လိုက်ပြီလို့ ဆိုပါတယ်။ သူ့အနေနဲ့ လောလောဆယ်မှာ တော့ သူငယ်ချင်းတွေနဲ့ အတူ စု ထားတဲ့ ငွေကြေးတွေနဲ့ သွားရောက် လှူဒါန်းနေတယ်လို့  Duwun Media ကနေ သီးသန့်ဆက်သွယ်မေးမြန်းရာမှာ ဖြေဆိုခဲ့တာဖြစ်ပါတယ်။

'' ကျွန်တော် မကစ်အိမ်ရဲ့ လိပ်စာသိရပြီ ကိုရဲမွန်ရယ်၊ ကျွန်တော်ရယ်၊ မအေဏီဇော်ရယ် သွားပါမယ်။ ဟိုရောက်ရင်လည်း ဆေးကုသမယ့် ကုန်ကျစားရိတ်တွေကို သေချာမှတ်မယ်။ အသေးစိတ် ကုန်ကျစားရိတ်တွေကို စုံစမ်းမယ်။ လောလောဆယ်တော့ ကျွန်တော်နဲ့ သူငယ်ချင်း တွေ စုထားတဲ့ ပိုက်ဆံတွေရှိတယ်။ ကုန်ကျစားရိတ်အတိအကျသိရမှပဲ အပြင်က အလှူငွေတွေကို လက်ခံမယ်။ လောလော ဆယ် တော့သူငယ်ချင်း ၃ယောက်၊ ၄ ယောက်လောက်စုထားတာတော့ ၇ သိန်းလောက်ရှိပါပြီ။ ဒါ တစ်ညတည်းပဲရှိသေးတာပါ။ '' လို့ သူကဆိုပါတယ်။

play
Photo: Tyron Facebook

 

တိုင်ရွန်ဟာ သူကိုယ်တိုင်ကလည်း ဟာသသရုပ်ဆောင် ကစ်ကစ်ရဲ့ပရိသတ်ပါတဲ့။ ကစ်ကစ်ရဲ့ ရောဂါအခြေအနေကို သိလိုက်ရချိန်မှာ အရမ်းကို စိတ်မကောင်းဖြစ်ရတယ်လို့ ပြောပါတယ်။ သူအားပေးတဲ့ အနုပညာရှင်တစ်ယောက်အတွက် ပထမဆုံးအကြိမ် အလှူခံဖြစ်တာပါလို့လည်းသူကဆိုပါတယ်။

ကျွန်တော်က မကစ်ရဲ့ ပရိသတ်ပါ သူနဲ့ ကျွန်တော်က အပြင်မှာ ဆုံလည်း မဆုံဖူးဘူး၊ သူ့ဟာသတွေနဲ့ ကျွန်တော် တို့တွေ ငယ်ရာကနေ ကြီးလာတဲ့အထိ အားပေးခဲ့ကြတယ်။ မနေ့ညက အွန်လိုင်းပေါ်မှာ သတင်းတွေ တက်လာတာတွေ့တော့ ကျွန်တော်လည်း အရမ်း စိတ်မကောင်းဖြစ်တာနဲ့ သူငယ်ချင်းတွေဆီကို အလှူငွေကောက်တယ်။ ဒါက ပထမဦးဆုံးပါပဲ။ ပရိသတ်တွေက ရုပ်ရှင်ထဲက သရုပ်ဆောင်တွေကို အဆင်ပြေတယ်ပဲ မြင်တာ။ အပြင်က Life ကို ထိတွေ့ခြင်းမရှိကြတော့ အခုဆိုရင် ဓာတ်ပုံတွေ တက်လာတယ်။ သူ့မှာလည်း အရွယ်ရောက်ပြီးသား သမီးလည်း ရှိတယ်၊ ရပ်တည်ဖို့ ကလည်း အရမ်းခဲယဉ်းမယ်ဆိုတာသိတော့ စိတ်မကောင်းအရမ်းဖြစ်လို့ အလှူခံဖြစ်တာပါ။

play
Photo: Tyron Facebook

 

တိုင်ရွန့်အနေနဲ့ ဆီးချိုရောဂါခံစားနေရတဲ့ ဟာသသရုပ်ဆောင် ကစ်ကစ်အတွက် အရမ်းကို စိတ်မကောင်းဖြစ်နေတယ်လို့ ဆိုပါတယ်။ ငတ်တယ်ဆိုတဲ့ ဖီလင်ကို ငတ်ဖူးတဲ့သူတွေသာ သိပြီး၊တကယ် ဒုက္ခရောက်ဖူးတဲ့သူတွေက ဒုက္ခရောက်တဲ့အချိ်န်ဆိုတာကို ကိုယ်ချင်းစာတတ်ကြမှာပါပြောပြခဲ့ပါတယ်။ 

'' အမြစ်ပြတ်အောင်တော့ ခွဲစိတ်နိုင်ခြင်းမရှိသေးဘူးပေါ့နော်။ ဆီးလမ်းကြောင်းပိုးဝင်တာက စတာပေါ့ ဒါကို ပေါ့ပြီးတော့ မကုသနိုင်ဘဲ အခုဆိုရင် မျက်စိကွယ်တဲ့ အနေအထားတောင်ရောက်နေပြီဆိုတော့ အရမ်းစိတ်မကောင်းဘူး။ အရွယ်ရောက်ပြီးသား သမီးတစ်ယောက်ရှိနေတော့လည်း သောကတွေရောက်မှာပဲ။ ကိုယ်ချင်းစာမိပါတယ်။ ငတ်တယ်ဆိုတဲ့ ဖီလင်ကို ငတ်ဖူးတဲ့ သူတွေပဲသိတာပါ။ တကယ်ဒုက္ခရောက်ဖူးတဲ့ သူတွေကပဲ ဒုက္ခရောက်တဲ့အချိန်ကို ကိုယ်ချင်းစာ တတ်မှာပါ'' လို့ ဆိုပါတယ်။

play
Photo: Tyron Facebook

 

တိုင်ရွန်ဟာ သရုပ်ဆောင် ကစ်ကစ်ရဲ့ ကျန်းမာရေးအခြေအနေအတွက် အပြင်က ပရိသတ်တွေအနေနဲ့ အလှူငွေ လှူဒါန်းဖို့ ဘဏ် အကောင့် အသစ်တစ်ခု ဖွင့်ထားမယ်လို့ ဆိုပါတယ်။ ဘဏ်အကောင့်မရှိတဲ့ ပရိသတ်တွေအနေနဲ့ ဖုန်းနံပတ် လိပ်စာ တို့ကို ပေးပို့ထားပြီး ကိုယ်တိုင်အရောက်လာယူမယ်လို့လည်း ပြောပြခဲ့ပါသေးတယ်။ တိုင်ရွန့်ကို ပရိသတ်တွေက မော်ဒယ်တစ်ယောက်အနေနဲ့ စတင်သိခဲ့ တာဖြစ်ပါတယ်။ အခုဆိုရင်တော့ အနုပညာအလုပ်တွေ ပိုလုပ်လာရပြီး ရုပ်ရှင်ဇာတ်ကားကြီးတွေလည်း ရိုက်ကူးနေရပြီလို့ သိရပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD