မိတ်ကပ်ပညာရှင် မထက်(Pop Soul) ရဲ့ အချစ်ရေးက သာယာဖြောင့်ဖြူူးနေတယ်လို့ သိရပါတယ်။ ဘယ်တော့ လက်ထပ်မလဲဆိုတဲ့ မေးခွန်းကိုတော့ မထက်က အခုလို တွေးတွေးဆဆလေး ဖြေခဲ့ပါတယ်။

Blanco Brand ရဲ့ ၈ နှစ်ပြည့်အောင်မြင်မှု အထိမ်းအမှတ်ပွဲကို တက်ရောက်လာတဲ့ မထက်

ချစ်သူဆီက မကြိုက်တဲ့အချက်တွေပြောလာတဲ့ မထက် 

ဇွန်လ ၂၄ ရက်နေ့က Blanco Brand ရဲ့ ၈ နှစ်ပြည့်အောင်မြင်မှု အထိမ်းအမှတ်ပွဲကို တက်ရောက်လာတဲ့ မထက်က သူ့ချစ်သူ ဘယ်သူဆိုတာကို ပြောမပြရတဲ့ အကြောင်းရင်းကိုလည်း ပြောပြခဲ့ပါတယ်။

'' အစ်မတို့ကတော့ ရေရှည်ချစ်ချင်တယ်။ ဘယ်သူမှမသိလေ အစ်မတို့ ရေရှည်အချစ်ရေးက ပိုပြီးတော့ အဓွန့်ရှည်မယ်လို့ အစ်မတော့ ထင်တယ်။ အဲဒါကြောင့် အစ်မဘယ်သူ့မှ မပြဘူး။ လူသိရင် ပိုပြီးအကွဲမြန်မယ်ထင်လို့။ ချစ်သူကို ဘယ်တော့ ထုတ်ပြမလဲဆိုတော့ အစ်မတို့ အခွင့်အလမ်းတွေ အများကြီးရှိပြီးတော့ အားလုံးလက်ခံနိုင်တယ်၊ သူလည်းပိုပြီးတော့ သတ္တိရှိတယ်ဆိုတဲ့ အခါမျိုးပေါ့နော်'' လို့ မထက်က ဆိုပါတယ်။

Photo: မထက်ဖေ့စ်ဘွတ်

မထက်အနေနဲ့ သူလိုချင်တဲ့ ချစ်သူမျိုးကို ပိုင်ဆိုင်ထားကြောင်း Duwun Media ရဲ့ အင်တာဗျူးမှာ ဖြေဆိုခဲ့ဖူးပါတယ်။  မထက်ဟာ လက်ရှိ မိတ်ကပ်လောကမှာ အောင်မြင်နေသူတစ်ယောက်ပါ။