အနုပညာပျိုးခင်းကို ထူထောင်ခဲ့တဲ့ မင်းသားငါးယောက်ထဲမှာ မြင့်မြတ်ဟာ တစ်ယောက်အပါအဝင်ဖြစ်ပါတယ်။ အနုပညာပျိုးခင်း(၁) မှာ စင်တင်မင်းသမီး တစ်ယောက်အနေနဲ့ ပါဝင်လာခဲ့တဲ့ ရွှေမှုံရတီဟာ အခုဆိုရင် အနုပညာလောကမှာ အောင်မြင်နေတဲ့ သရုပ်ဆောင် တစ်ဦးဖြစ်ပါတယ်။ သူမဟာ ပျိုးခင်းက ဆရာငါးယောက်စလုံးကို ချစ်ခင်လေးစားတဲ့ သူတစ်ယောက်ဖြစ်သလို မြင့်မြတ်ဟာကလည်း သူမအတွက် ဘယ်လိုဆရာမျိုး ဖြစ်လဲဆိုတာ ယခုလို ပြောပြခဲ့ပါတယ်။

ငဒူ Press show မှာတွေ့ရတဲ့ ရွှေမှုံနဲ့ ဒါရိုက်တာ ညွှန့်မြန်မာညီညီအောင်

ကိုယ်ပိုင်ထုတ်လုပ်ရေးပေမဲ့ ကိုယ်တိုင်ပါဝင်ဖို့မဟုတ်ပါဘူးဆိုတဲ့ ရွှေမှုံရတီ 

ငဒူဇာတ်ကားမှာ ဆရာဖြစ်သူနဲ့အတူတူ ပါဝင်သရုပ်ဆောင်ထားတဲ့ ရွှေမှုံဟာ ဇာတ်ကားတစ်ကားလုံး ပရိသတ်တစ်ယောက် အနေနဲ့ ပြန်ကြည့်ချိန် မှာ ရင်ထဲမှာ အောင့်နေအောင်ခံစားခဲ့ရပါတယ်တဲ့။

"ပရိသတ်တစ်ယောက်အနေနဲ့ကော ရိုက်ထားတဲ့ သရုပ်ဆောင် တစ်ယောက်အနေနဲ့ကော အကောင်းဆုံး ဇာတ်ကားတစ်ကား လို့မြင် တယ်။ ညီမဇာတ်လမ်းသိထားတဲ့ သူတစ်ယောက်သွားကြည့်တာတောင် မျောပြီးတော့ ရင်ထဲမှာ အောင့်နေအောင်ကို ခံစားရတာ ဇာတ်သိမ်းလေးမှာ  တော်တော် ထိပါတယ်။ သဲက စာကြည့်မျက်မှန်နဲ့ ကြည့်တာလေ မျက်မှန်ကြားထဲကနေ မျက်ရည်တွေကျနေတာ မျက်တောင်တုလည်း ကျွတ်မှာစိုးလို့ ခိုးခိုးပြီး သုတ်နေရတာ။ ဒီဇာတ်ကားကို ရိုက်တုန်းကတော့ actor တစ်ယောက်ရဲ့ ခံစားချက်ပေ့ါ ဒီဇာတ်ရဲ့ ကောင်းမလေးစရိုက်ပေ့ါ အခုပြန်ကြည့်တဲ့ အချိန်မှာ ပရိသတ်တစ်ယောက်အနေနဲ့ ဇာတ်အိမ်တစ်ခုလုံကို ခံစားလိုက်ရတာ ဆိုတော့ ပိုထိတာပေ့ါ။ အမှတ်တရတွေ အများကြီး ပျော်စရာတွေလည်း ရှိတယ်။ ပင်ပန်းတာတွေလည်း ရှိတယ်။ ဇာတ်ကားထွက်လာတဲ့ အချိန်မှာ ရင်ထဲက ပီတိလည်းဖြစ်မိတယ်။ ငါတို့တွေ အကောင်းဆုံး  ကြိုးစားခဲ့တာပဲဆိုတဲ့  Team Work လေးကိုလည်း သွားမြင်ရတယ်။ ကိုမြင့်မြတ် Fighting ကိုယ့်ဆရာတစ်ယောက်အနေနဲ့ အကယ်ဒမီရစေချင်တယ်။ကိုမြင့်မြတ်ကို ကြည့်နေရင်းနဲ့ ကိုယ်ပါမျောသွားတာ။ တော်တော်လေးကောင်းပါတယ်။ ကိုမြင့်မြတ်သရုပ်ဆောင်တာ။" ဆိုပြီး Duwun သို့ ဆက်လက်ပြောပြခဲ့ပါသေးတယ်။

Photo : ငဒူ FB

ဇွန်လ(၂၉) ရက်နေ့ကစပြီး ရုံတင်ပြသနေတဲ့ ငဒူဇာတ်ကားကြီးဟာ အခုဆိုရင်ပရိသတ်အားပေးမှုကို အခိုင်အမာကို ရရှိလို့နေပါပြီ။ ငဒူရုပ်ရှင်ဇာတ်ကားဟာ ဦးနှောက်မကြီးဘဲ နှလုံးသားကြီးလွန်းတဲ့ ငဒူအကြောင်းကို ဟာသလေးတွေနှောပြီး ရိုက်ကူးထားကာ ပရိသတ်တွေရဲ့ အချစ်တော်သရုပ်ဆောင်တွေ ဖြစ်တဲ့ မြင့်မြတ်၊ ရွှေမှုန်ရတီ နဲ့ နန်းဆုဦးတို့အပြင် ဇာတ်ပို့၊ဇာတ်ရံတွေနဲ့ အားဖြည့်ထားပါတယ်။

Photo : ငဒူ FB

အသက် ၁၃ နှစ်အရွယ်နဲ့ သရုပ်ဆောင်မင်းသမီးတစ်ယောက်ဖြစ်လာတဲ့ ရွှေမှုန်ရတီဟာ ငယ်ရွယ်သေးပေမဲ့ အရမ်းကို ရင့်ကျက်တဲ့ မိန်းကလေးတစ်ယောက်ပါ။ထူးခြားတဲ့ ဟန်ပန်၊ ဆန်းသစ်တဲ့ ဝတ်ဆင်မှုတွေကြောင့် ဝေဖန်မှုများစွာ ခံရပေမဲ့ ကိုယ်လုပ်စရာရှိတာကို ယုံကြည်မှုရှိရှိနဲ့ လုပ်ဆောင်နေတဲ့ သူလည်း ဖြစ်ပါတယ်။

အနုပညာပျိုးခင်း (၁) ရဲ့ စင်တင်မင်းသမီးတစ်လက်ဖြစ်တဲ့ ရွှေမှုံရတီဟာ အနုပညာလောကကို စတင်ဝင်ရောက်ခဲ့တဲ့ လွန်ခဲ့တဲ့ ၆ နှစ်ကျော်ကတည်းက သရုပ်ဆောင်ကောင်းသူအဖြစ် နာမည်ရလာသူဖြစ်ပြီး လက်ရှိမှာလည်း ထိပ်တန်းမင်းသမီးတစ်လက်အဖြစ် ရပ်တည်နေပါတယ်။