သံသယကင်းတဲ့ အချစ်ရေးပါ။

အေးမြတ်သူရဲ့ အချစ်ရေးမှာတော့ ကိုယ်ချစ်ထက် သူချစ်ကို ပိုင်ဆိုင်ထားတာဖြစ်ပါတယ်။ သူ့အနေနဲ့ အချစ်ရေးဆိုတာထက် ကိုယ့်ကိုယ်ကို ဦးစားပေးတတ်သူဖြစ်ပြီး အတ္တကြီးတယ်လို့ ပြောလာပါတယ်။ ခိုင်မာတဲ့ အချစ်ရေးတစ်ခုကိုလည်း တည်ဆောက် ထားတယ်ဆိုပြီးတော့ အေးမြတ်သူက ဖွင့်ပြောလာပါတယ်။

 

သရုပ်ဆောင် အေးမြတ်သူက ဇူလိုင်လ ၂ ရက်နေ့ ညနေက ညီညီမောင် (စမ်းချောင်း) ရဲ့ မွေးနေ့ပွဲကို တက်ရောက်လာစဉ်မှာ အချစ်ရေးအကြောင်း မေးမြန်းလာတဲ့ မီဒီယာတွေကို အခုလို ပွင့်ပွင့်လင်းလင်း ပြောပြလာခဲ့ပါတယ်။

'' အေးမြတ်သူကတော့ ကိုယ့်ကိုယ်ကို အမြဲတမ်းဦးစားပေးတဲ့ လူတစ်ယောက်ဖြစ်တယ်၊ ပြီးတော့ နည်းနည်း အတ္တကြီးတယ်။ ပြီးတော့ သူချစ်ကိုရှာထားတယ်။ ဘယ်အရာဝတ္ထုနဲ့မှ ကိုယ့်အတွက်ကိုယ် စိတ်အနှောင့်အယှက်အဖြစ်မခံဘူး။ ခိုင်မာတဲ့ Relationship တစ်ခုကို တည်ဆောက်ကြတယ်။ သံသယကင်းကင်းနဲ့ နေကြတယ်။ တစ်ယောက်နဲ့တစ်ယောက် မထိခိုက်အောင်နေကြတယ်'' လို့ ဆိုပါတယ်။

 

အသက်တွေလည်း ကြီးလာကြတာကြောင့် အေးမြတ်သူတို့ရဲ့ အချစ်ရေးမှာ သဝန်တိုတာတွေလည်း မရှိတော့ဘူး၊ စိတ်မချခြင်းတွေလည်း မရှိတော့တာကြောင့် ပျော်ပျော်ရွှင်ရွှင်နဲ့ အနာဂတ်ကောင်းဖို့ အတွက်ပဲ စဉ်းစားကြပါတယ်တဲ့။ အေးမြတ်သူဟာ အချစ်ရေးနဲ့ ပတ်သက်လာရင် ကိုယ့်ကိုယ်ကို ပိုချစ်တယ် ဆိုပြီးတော့လည်း ပြောပြခဲ့ပါသေးတယ်။

 

အေးမြတ်သူဟာ သူချစ်နဲ့ ချစ်ခြင်းခံရတာဟာ အရမ်းကို လွတ်လပ်တယ်၊ ပေါ့ပါးတယ်ဆိုပြီးတော့ ရင်ဖွင့်လာပါတယ်။ သူ့ရဲ့ အချစ်ရေးဟာ တင်းကျပ်တဲ့ အချစ်ရေးမဟုတ်ဘူးလို့လည်း ပြောလာပါတယ်။ အေးမြတ်သူကိုယ်တိုင်လည်း သစ္စာရှိအောင် နေတတ်သလို သူ့ရဲ့ ချစ်သူက လည်း သစ္စာရှိတယ်ဆိုတာကို ယုံကြည်တယ်လိ့ုလည်း ဆိုပါတယ်။

'' အမြဲတမ်း လွတ်လပ်တယ်၊ ပေါ့ပါးတယ်၊ ချစ်ခြင်းခံရတာလောက် ဘဝမှာ လွတ်လပ်တာမရှိဘူး။ ကိုယ်တွေရဲ့ အချစ်က တင်းကျပ်တဲ့ အချစ် မဟုတ်ဘူး။ တစ်ယောက်နဲ့တစ်ယောက် ချုပ်နှောင်ထားတာလဲမရှိဘူး။ ကိုယ်ကိုယ်တိုင်ကလည်း သစ္စာရှိအောင်နေတယ်။ သူ သစ္စာရှိတယ် ဆိုတာကိုလည်း ယုံကြည်တယ်'' လို့ အေးမြတ်သူက သူမရဲ့လက်ရှိအချစ်ရေးကို ကျေနပ်စွာနဲ့ ပြောပြခဲ့ပါတယ်။

 

မွေးနေ့မှာ မိသားစုနဲ့အတူ ဘုရားတက်ကုသိုလ်ယူခဲ့တဲ့ အေးမြတ်သူ

သရုပ်ဆောင်အေးမြတ်သူဟာ အသက် ၃၅ နှစ်ကျော်ရင် အိမ်ထောင်တစ်ခု ထူထောင်မယ်လို့ ဆိုပါတယ်။ အသက် ၄၀ ဖြစ်ရင်လည်း ဖြစ်သွားနိုင်တယ်လို့ ပြောခဲ့ပါသေးတယ်။ သူ့အနေနဲ့ အိမ်ထောင်ပြုလိုက်တဲ့အခါမှာ ကိုယ့်ဒုက္ခ သူ့ဒုက္ခ တွေအများကြီး မျှဝေကြရမှာ ဖြစ်တဲ့ အတွက် သေသေချာချာပြင်ဆင်နေတယ်လို့ မီဒီယာတွေကနေတဆင့်ပြောခဲ့ပါသေးတယ်။

'' အေးမြတ်သူလည်း အိမ်ထောင်အရမ်းပြုချင်ပါတယ်။ ဒါပေမယ့် ချစ်ပြီးတော့လည်း ဘာမှမပြည့်စုံရင် ပြုလို့မရဘူး။ အိမ်ထောင်ပြုလိုက်ရင် ချစ်တာထက်ပိုများသွားပြီ၊ သူ့အနာဂတ် ကိုယ့်အနာဂတ်၊ သူ့ဒုက္ခ ကိုယ့်ဒုက္ခ အများကြီး မျှဝေရမှာဆိုတော့ အဲ့ဒီအတွက် အေးမြတ်သူတို့ သေသေချာချာ ပြင်ဆင်ဖို့ လိုသေးတယ်'' လို့ ပြောပြခဲ့တာပါ။

 

ရည်ရွယ်ထားသူ ရှိနေတဲ့ အေးမြတ်သူကတော့ သူမကြောင့် တစ်ဖက်သားအနေကြပ်မှာကိုလည်း စိတ်ပူတာကြောင့် အချစ်ရေးနဲ့ ပတ်သက် ပြီး ထုတ်ပြောလေ့မရှိပေမယ့် သူမရဲ့ ချစ်သူကတော့ နားလည်မှု ရှိတဲ့ သူတစ်ယောက်ဖြစ်တယ်ဆိုပြီးတော့ အင်တာဗျူးတွေမှာ ဖြေဆိုခဲ့ဖူးပါ တယ်။

 


ဆက်စပ်အကြောင်းအရာများ

Share

Loading Next Article...
က္က