AD
AD
AD

ဟစ်တိုင် ရုပ်ရှင်ဇာတ်ကားကြီးထဲမှာ ပရိသတ်တွေရဲ့ ချစ်ခင်အားပေးမှုကို ရရှိထားတဲ့ နာမည်ကျော် အနုပညာရှင် တွေပါဝင်မှာဖြစ်ပါတယ်။ ဒီဇာတ်ကားထဲမှာ သမီးဖြစ်သူအတွက် ရဲရဲရင့်ရင့် ရင်ဆိုင်ဖြေရှင်းသွားမယ့် ဒေါင်းနီအဖြစ် သရုပ်ဆောင်မယ့် အိန္ဒြာကျော်ဇင်ရဲ့ ပြောင်မြောက်တဲ့ သရုပ်ဆောင်မှုတွေကို ထပ်မံမြင်တွေ့ရဦးမှာပါ။

play

 

ဟစ်တိုင်ရုပ်ရှင်ဇာတ်ကား ကန်တော့်ပွဲကို ဇူလိုင်လ ၄ ရက်နေ့ မနက်ပိုင်းက ရွှေတိဂုံစေတီတော်မြတ်ကြီးရဲ့ အောင်မြေနေရာမှာ ပြုလုပ်ခဲ့ပါတယ်။ ဟစ်တိုင်ရုပ်ရှင်ဇာတ်ကားကြီးဟာ သက်ငယ်မုဒိန်းမှုတွေနဲ့ ပတ်သက်ပြီး ပညာပေးသွားမယ့် ရုပ်ရှင် ဇာတ်ကား ကောင်းတစ်ကားဖြစ်ကြောင်း သိရပါတယ်။

'' Facebook ပေါ်မှာလည်း သက်ငယ်မုဒိန်း ဆိုတဲ့ သတင်းတွေ သိနေရတယ်။ မုဒိန်းမှုတွေကလည်း များနေတဲ့အခါကျတော့ ဆင်ဖြူကျွန်းမှာ ဖြစ်ပျက်ခဲ့တဲ့ အဖြစ်အပျက်လေး တစ်ခုကို ပညာပေးအနေနဲ့ ရိုက်ပေးချင်နေတာ။ ဒါကြောင့်လည်း ဆင်ဖြူကျွန်းမှာ ရိုက်ဖို့ ဆုံးဖြတ်လိုက်တာ ပါ'' လို့ ဒီဇာတ်ကားကို ရိုက်ကူးပုံဖော်မယ့် ဒါရိုက်တာ ဟိန်းစိုးက ပြောပြခဲ့ပါတယ်။

play

 

အကယ်ဒမီများရှင် မေသန်းနုက ဟစ်တိုင်ရုပ်ရှင်ဇာတ်ကားကြီးထဲမှာ ကလေး ၃ ယောက်ရဲ့ မိခင်၊ ပိုက်ဆံရှိတဲ့သူတစ်ယောက်အဖြစ် ပါဝင်သရုပ်ဆောင်သွားမယ်လို့လည်း သိရပါတယ်။

'' ဒီဇာတ်ကားလေးက သက်ငယ်မုဒိန်းမှု ဆိုတာကို ဦးတည်ထားတာဖြစ်တယ်။ မဆင့်တို့ က အဲ့ဒီမြို့ရွာမှာ ရှိတဲ့ လူကြီးတွေပေါ့နော်။ ပြီးတော့ မဆင့်ရဲ့ ကာရိုက်တာက ကလေး ၃ယောက်ရဲ့ အမေ ပြီးတော့ ပိုက်ဆံရှိတယ်။ မာန်လည်း ရှိတယ် အဆင့်လေးလည်း နည်းနည်းခွဲတယ် ပေါ့နော်'' လို့ မေသန်းနုက သူပါဝင်သရုပ်ဆောင်ရမယ့် အပိုင်းနဲ့ ပတ်သက်ပြီး ပြောပြပါတယ်။

play

 

အိန္ဒြာကျော်ဇင် က ဒီရုပ်ရှင်ဇာတ်ကားကြီးထဲမှာ အမှန်တရားဘက်က ရပ်တည်တတ်တဲ့ မိန်းမတစ်ယောက်နေရာက ပါဝင်သရုပ်ဆောင် သွားမှာပါ။ သူ့အနေနဲ့ သမီးတစ်ယောက်ရဲ့ မိခင်ဖြစ်ပြီး သမီးအတွက်ဆိုအရာအားလုံးကို စွန့်လွှတ်တတ်တဲ့ သူ အဖြစ်ပါဝင်သွားမယ်လို့လည်း သိရပါတယ်။

'' ဒီဇာတ်ကားထဲမှာက ဒေါင်းနီရဲ့ ဇာတ်ရုပ်ပေါ့နော်၊ ဒေါင်းနီက သူဟာ အမှန်တရားဘက်က ရပ်တည်တဲ့ မိန်းမတစ်ယောက်။ မဟုတ်မခံ ပေါ့ သူ့ဘဝမှာ သူ့သမီးလေးတစ်ယောက်ပဲ။ သူ့သမီးအတွက်ဆိုရင် အရာအားလုံးကို စွန့်လွှတ်နိုင်တယ်။ နောက်ဆုံးမှာတော့ ကလေးကို ကျူးလွန် လိုက်တဲ့ အပြစ်တစ်ခုကို လက်တုံ့ပြန်လိုက်တယ်'' လို့ အိန္ဒြာကျော်ဇင်က ပြောပြပါတယ်။

play

 

ဒီဇာတ်ကားထဲမှာ ကလေး သရုပ်ဆောင်အဖြစ် ပြည့်ပြည့်က ပါဝင်သွားမှာဖြစ်ပါတယ်။ ပြည့်ပြည့်က သူ သရုပ်ဆောင်ရမယ့် ကာရိုက်တာတွေ ဒိုင်ယာလော့တွေ ကိုလည်း သေချာလေ့လာထားပြီးပြီလို့ သိရပါတယ်။

'' ဒီဇာတ်ကားအတွက်တော့ နောက်ဆုံးဇာတ်ဝင်ခန်းတွေအတွက် ပိုပြီးတော့ ပြင်ဆင်ထားပါတယ်။ သမီးပြောရမယ့် ဒိုင်ယာလော့လေးတွေ အတွက်လည်း သေချာ မှတ်ထားပါတယ်။ သမီးအတွက် အခက်အခဲဆုံး အပိုင်းကတော့ နောက်ဆုံး ဇာတ်ဝင်ခန်းလေးပါပဲ။ သမီးက အန်တီ အူဝဲ ရဲ့ သမီးနေရာက ပါဝင်သရုပ်ဆောင်ရမှာပါ'' လို့ ပြည့်ပြည့်ကလည်း ပြောပြပါတယ်။

play

 

စာရေးဆရာမ သျှင်မရဲ့ ဝတ္ထုကို ရုပ်ရှင်အဖြစ် ပြန်လည်ပုံဖော်မယ့် ဟစ်တိုင် ဇာတ်ကားကို ဒါရိုက်တာ ဟိန်းစိုးက ရိုက်ကူးကာ အကယ်ဒမီအိန္ဒြာကျော်ဇင်၊ အကယ်ဒမီမေသန်းနု၊ စိုင်းဝဏ္ဏအောင်၊ ထူးပြည့်အောင် ၊ဇင်မျိုး ၊ ရဲမွန် ၊ စိုးမိုးကြည်၊ သန်းသန်းစိုး ၊ လှမျိုးသဉ္ဇာနွယ်၊ သရုပ်ဆောင်များစွာ တို့ နှင့်အတူ ကလေးသရုပ်ဆောင် ပြည့်ပြည့်တို့ က အဓိက ပါဝင်သရုပ်ဆောင်သွားမှာ ဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD