Photo: Hsu Eaint San Fb

" ပေါ့ပေါ့ပါးပါး ဓာတ်ပုံလေးတွေဆိုရင်လည်း ချစ်သူက ရိုက်ခွင့်ပြုပါတယ်။ တစ်ခါတလေကျရင် သူကိုယ်တိုင် ရိုက်ပေးတယ်။ ဒါပေမယ့် အရမ်း ဆိုးဆိုးရွားရွားပုံတွေ ဆိုရင်တော့ သူ ဆုဆုကို ချုပ်ခြယ်တာတွေရှိတာပေါ့နော်။ ဒါပေမယ့် ဆုဆုတို့ နှစ်ယောက်စလုံးက အဆင်ပြေပါတယ်'' ဆိုပြီးတော့ ဘော်ဘော်ကထှော်ရုပ်ရှင်အထူးပြသပွဲကိုတက်ရောက်ရင်း ဖြေဆိုခဲ့တာပါ။

သရုပ်ဆောင်သူရိယနဲ့ ဆုအိမ့်စံတို့ အနုပညာစုံတွဲလေးကတော့ သူတို့ရဲ့ သွားလာလှုပ်ရှားမှု အလှဓာတ်ပုံတွေကို မီဒီယာတွေမှာ အသုံးမပြု ကြဖို့ မေတ္တာရပ်ခံထားတာဖြစ်ပါတယ်။ ဘာကြောင့် အသုံးမပြုခဲ့ရတဲ့အကြောင်းကိုလည်း ဆုအိမ့်စံက အခုလိုပြောပြခဲ့ပါသေးတယ်။

'' အဲ့ဒါကျတော့ ဆုဆုတို့ ခရီးသွားတဲ့အခါတွေကျရင် ဓာတ်ပုံတွေကို မီဒီယာတွေမှာ ယူသုံးခွင့်မပြုဘူးဆိုတာက Comment တွေမှာ အရမ်းရိုင်း တာတွေရှိတော့ ဆုဆုတို့ မိဘတွေမြင်ရင်လည်း သူတို့ စိတ်မချမ်းသာကြဘူး အဲ့ဒါကြောင့် မဖြစ်စေချင်ဘူး။ ပြီးတော့ ဆုဆုတို့ Page မှာ ကျတော့ ကိုယ်တိုင်ကိုင်တာဖြစ်တဲ့အတွက် အဲ့လိုမျိုးတွေတော့ မရှိဘူး'' လို့ဆိုပါတယ်။

ဓာတ်ပုံတွေ ကူးယူဖော်ပြခြင်းမပြုတဲ့ အကြောင်းပြောလာတဲ့ သူရိယ 

ဆုအိမ့်စံဟာ သူတို့ရဲ့ အလှဓာတ်ပုံတွေပေါ်မှာ ယူသုံးခွင့်မပြုဘူးဆိုတဲ့ မေတ္တာရပ်ခံထားတဲ့ စာတွေက လွဲလို့ တခြား အနုပညာလှုပ်ရှားမှု ပုံတွေ၊ ပွဲတက်ပုံတွေဆိုရင်တော့ ယူသုံးလို့ အဆင်ပြေတယ်လို့ ဆိုပါတယ်။ သူရိယနဲ့ ဆုအိမ့်စံတို့ရဲ့ အချစ်ရေးကတော့ အဆင်ပြေပြေ ရှိတယ် လို့ ဆိုပါတယ်။ စိတ်ထားကောင်းတဲ့ ချစ်သူကို ပိုင်ဆိုင်ထားတယ်လို့လည်း ပြောပါတယ်။

Photo: Hsu Eaint San Fb

သရုပ်ဆောင် သူရိယနဲ့ ဆုအိမ့်စံတို့ကတော့ ဖေ့စ်ဘုတ်ရွာ ရုပ်ရှင်ဇာတ်ကားကြီးထဲမှာ အတူတွဲဖက်သရုပ်ဆောင်ခဲ့တာဖြစ်ပြီး ဗီဒီယိုဇာတ်ကား တွေမှာလည်း အတူပါဝင်သရုပ်ဆောင်ထားတာဖြစ်ပါတယ်။ လက်ရှိမှာတော့ သူတို့ရဲ့ အချစ်ရေးက ပိုမိုခိုင်မာလျှက်ရှိပြီး ပရိသတ်တွေ ကလည်း သူတို့ ချစ်သူနှစ်ဦးကို အားပေးနှစ်သက်ကြတာကို တွေ့ရပါတယ်။