ရွှေသမီးတစ်ယောက် ဘော်ဘော်ကထှော်ရုပ်ရှင်ဇာတ်ကားကို ပြန်ကြည့်လိုက်တဲ့အချိန်မှာ ရိုက်ကွင်းတုန်းက အမှတ်တရတွေကို ပြန်တွေးရင်း ရယ်နေရတယ်လို့ပြောပါတယ်။ ဒီဇာတ်ကားကြီးထဲက သူ့ရဲ့ အကြိုက်ဆုံး ဇာတ်ဝင်ခန်းဖြစ်တဲ့ အိမ်သာထဲက ရေတွေနဲ့ ဘော်ဘော်ကထှော် တွေရေဆော့နေကြတဲ့ အခန်းကို အကြိုက်ဆုံးပါပဲတဲ့။

'' အကြိုက်ဆုံး ဇာတ်ဝင်ခန်းလေးက ၃ယောက်သား အိမ်သာမှန်းမသိပဲ အိမ်သာခွက်ထဲက ရေတွေလည်းယူ ပြီးတော့မှ မှုတ်ကြ၊ ဆော့ကြ၊ အိမ်သာခွက်ထဲက ရေတွေနဲ့ ရေချိုးကြပေါ့။ အဲ့ဒီဇာတ်ဝင်ခန်းလေးကတော့တွးလိုက်တိုင်းလည်း ရယ်နေရတယ်။ ရိုက်နေရင်းနဲ့ တစ်ဖွဲ့လုံးက ရယ်နေရတာဆိုတော့ တော်တော်အမှတ်တရဖြစ်တယ်'' လို့ ဆိုပါတယ်။

ဒီဇာတ်ဝင်ခန်း ရိုက်နေချိန်မှာလည်း ဒါရိုက်တာကိုယ်တိုင်ရော၊ သရုပ်ဆောင်တွေရော၊ စက်အဖွဲ့တွေပါ အရမ်းကို ရယ်နေခဲ့ရတယ်တဲ့။ အိမ်သာသုံး ပစ္စည်းတွေကိုလည်း အသစ်တွေပဲ သုံးထားတာဆိုပေမယ့် အိမ်သာဆိုတဲ့ အသိစိတ်ကြောင့် ဇာတ်ကားရိုက်ပြီးချိန်မှာ ထိုးအန်ခဲ့ ကြတဲ့ အမှတ်တရလေးတွေလည်း ပြောပြထားပါတယ်။

ရုပ်ရှင်ဇာတ်ကား တစ်ခုအတွက် တက်တူးတွေ ဖုံးလိုက်ရတဲ့ မြင့်မြတ်နဲ့ခင်လှိုင် 

ပရိသတ်လည်း ကြိုက်တယ်၊ အရမ်းလည်း ရယ်ရပြီး အမှတ်တရတွေ အများကြီးရှိတဲ့ ဘော်ဘော်ကထှော်ရုပ်ရှင်ဇာတ်ကားကြီးထဲမှာ ပါဝင်ခဲ့ တဲ့ ရွှေသမီးက သူ့ရဲ့ ကာရိုက်တာလေးကို သဘောကျတယ်တဲ့။ ပါဝင်သရုပ်ဆောင်ကြတဲ့ အနုပညာရှင်တွေနဲ့ စည်းစည်းလုံးလုံး ပျော်ပျော် ပါးပါးသရုပ်ဆောင်ခဲ့ရလို့လည်း ကျေနပ်တယ်လို့ ပြောပါတယ်။

'' ဇာတ်ဝင်ခန်း တစ်ခန်းရိုက်ပြီးသွားရင် နားတွေက အူနေတာပဲ ပြောတဲ့သူတွေကတော့ ဘယ်လောက် အသံနာမလည်း မသိဘူး။ နားထောင် ရတဲ့သူကတော့ နားတွေလည်း အူပြီးတော့ သူတို့ အော်တဲ့ အသံကို ပြန်အော်ပြောနိုင်အောင်လို့လည်း လေ့ကျင့်ရသေးတယ်။ ပါဝင်ထားကြတဲ့ ကာရိုက်တာလေးတွေကလည်း ကောင်းတယ်။ ကျေလည်း ကျေနပ်ပါတယ်'' လို့ ဆိုပါတယ်။

ဒါရိုက်တာ ကိုပေါက်ရိုက်ကူးတဲ့ ဘော်ဘော်ကထှော်ရုပ်ရှင်ဇာတ်ကားကို ဇူလိုင်လ ၁၃ ရက်နေ့ကစပြီး ရန်ကုန်မြို့မှာရှိတဲ့ အဆင့်မြင့် ရုပ်ရှင်ရုံ တွေမှာ ရုံတင်ပြသနေပြီ ဖြစ်ပါတယ်။ ဒီဇာတ်ကားထဲမှာ မြင့်မြတ်၊ ရာဇာနေဝင်း၊ ခင်လှိုင်၊ ဂျိုကာ၊ ရွှေသမီး၊ ဆုအိမ့်စံ နဲ့ မုဏ်း တို့က အဓိက ပါဝင်သရုပ်ဆောင်ထားတာဖြစ်ပါတယ်။