ရယ်ရယ်မောမောနဲ့ကို ပြောပြခဲ့ကြတာပါ။

ကြွေရုပ်ရှင်ဇာတ်ကားကြီးရဲ့ ပိုစတာဟာ ရုံမတင်ခင်ကတည်းက ပရိသတ်စိတ်ဝင်စားမှု အများဆုံးရရှိခဲ့ပါတယ်။ ဒီပိုစတာက အိချောပိုပုံနဲ့ပတ်သက်ပြီး အိချောပိုကတော့ သူ့ရဲ့ Fan တွေလာပြမှ သိရတာတဲ့။ လွှမ်းပိုင်ကလည်း ပိုစတာက အောင်မြင်ပေ မယ့် သူ့ ပုံကို ဖျောက်ပစ်ကြတယ်လို့ ပြောပါတယ်။



 

ဒီရုပ်ရှင်ဇာတ်ကားဟာ ရုံမတင်ခင်ကတည်းက ဇာတ်ကားပိုစတာမှာတင် ပရိသတ်တွေရဲ့ စိတ်ဝင်တစားအားပေးခြင်းကို ခံခဲ့ရတာပါ။ ဒီလို စိတ်ဝင်စားမှု ရရှိခဲ့တဲ့ အမှတ်တရအကြောင်းတွေကိုလည်း အနုပညာရှင်များက အင်တာဗျူးတွေကနေတဆင့်ပြောပြခဲ့ပါတယ်။

ဇာတ်ကားပိုစတာထဲကနေ ပရိသတ်စိတ်ဝင်စားမှုအများဆုံးရရှိခဲ့တာကတော့ တက္ကသိုလ်ကျောင်းသူလေးကာရိုက်တာနဲ့ အိချောပိုရဲ့ ခန္ဓာကိုယ်အနေအထားဖြစ်ပါတယ်။ ဒီဟာနဲ့ ပတ်သက်ပြီးတော့လည်း အိချောပိုကိုယ်တိုင်က အခုလိုပြောပြလာပါတယ်။

'' အိချောကိုတော့ Fan တွေကလာပြလို့မြင်တာပါ။ ဒါနဲ့ပတ်သက်ပြီးတော့လည်း ဘယ်လိုမှ မမြင်ပါဘူး'' လို့ ဆိုပါတယ်။

 

ကြွေရုပ်ရှင်ဇာတ်ကားကြီးကို ဖန်တီးတဲ့ ဒါရိုက်တာ သားညီကလည်း ကြွေဇာတ်ကား ပိုစတာရဲ့ အောင်မြင်မှုကို သိရပြီး အရမ်းကို အံ့သြခဲ့ပုံ ပါပဲ။

'' ဟာ ခနဲတော့ ဖြစ်တာပေါ့နော်။ ကျွန်တော်စဉ်းစားထားတဲ့ ပိုစတာကတော့ တစ်ခုပေါ့။ ကျွန်တော်ကတော့ တက္ကသိုလ်နဲ့ပတ်သက်တဲ့ လွမ်း လွမ်းဆွေးဆွေးလေးတစ်ခုပေါ့နော်။ ကျွန်တော်က အမြဲလွမ်းတတ်တဲ့ကောင်ဆိုတော့ ဒီလိုလေး စဉ်းစားဖြစ်တာ။ ဒါပေမယ့် ဒီပိုစတာကတော့ ကိုဘိုစန်း အိုင်ဒီယာပေါ့'' လို့ သူကဆိုပါတယ်။

 

အားရပါးရ သဘောကျကျနဲ့ ဖြေလာတဲ့ သရုပ်ဆောင်တိုင်ရွန်က ကြွေရုပ်ရှင်ဇာတ်ကားကြီးရဲ့ ပိုစတာကို ကြိုက်တယ်လို့ ပြောပါတယ်။ ဒီပိုစတာမှာလည်း ထူးခြားတဲ့ အချက်တွေ ရှိတဲ့ အကြောင်း ပြောပြခဲ့ပါသေးတယ်။

'' ဟုတ်တယ်၊ ဒီဇာတ်ကားရဲ့ ပိုစတာက ထူးဆန်းတယ်။ ထူးဆန်းတာလည်း ၂ ချက်ရှိတယ်။ ၁ အချက်က ကြွေ လို့ရေးထားတာကို ငါကွ ဆိုပြီး တော့ဖတ်ကြတယ်။ ဟာသပေါ့နော်။ ၂ အချက်က ထူးဆန်းတယ် ဒါကတော့ ယောကျ်ားထုကြီးသိတယ်၊ ကျွန်တော်လည်းသိတယ်။ မပြောတော့ဘူး၊ ကြိုက်တယ် လှတယ်။ '' လို့ ဆိုပါတယ်။

"ကြွေ" သီချင်းနဲ့ ပတ်သက်ပြီး ဟန်ထူးလွင်ပြောပြီ 

ကြွေ ရုပ်ရှင်ဇာတ်ကားကြီးထဲမှာ ခေါင်းဆောင်မင်းသားတစ်ယောက်အဖြစ် ပါဝင်ခဲ့တဲ့ အဆိုတော်လွှမ်းပိုင်က ကြွေ ပိုစတာ အောင်မြင်မှုနဲ့ ပတ်သက်တဲ့ အမှတ်တရ အကြောင်းကိုလည်း ရယ်ရယ်မောမောနဲ့ ဖြေဆိုခဲ့ပါတယ်။

'' ကြွေ Wallpaper လား ဒါကတော့ အိချောပေါ့။ တချို့ဟာတွေမှာဆိုရင် ကျွန်တော့်ပုံကို ဖျောက်ထားကြတာ ကြည့်မကောင်းတဲ့ ဟာကြီး ဖျောက်ပစ်ပါဆိုတော့ ကျွန်တော် ပျောက်သွားတယ်'' လို့ သူကဆိုပါတယ်။

 

ကြွေရုပ်ရှင်ဇာတ်ကားကြီးကို ဇူလိုင်လ ၂၀ ရက်နေ့ကစပြီး ရန်ကုန်မြို့မှာရှိတဲ့ အဆင့်မြင့်ရုပ်ရှင်ရုံတွေမှာ ရုံတင်ပြသသွားမှာဖြစ်ပါတယ်။ ဒီဇာတ်ကားကြီးထဲမှာ ရဲအောင်၊ လွှမ်းပိုင်၊ စိုးမြတ်သူဇာ နဲ့ အိချောပို တို့က အဓိက ပါဝင်သရုပ်ဆောင်ထားပြီး ခန့်စည်သူ၊ ထွန်းထွန်း၊ ဗေလုဝ နဲ့ တိုင်ရွန်တို့က ပါဝင်အားဖြည့်သရုပ်ဆောင်ထားပါတယ်။

 


ဆက်စပ်အကြောင်းအရာများ

Share

Loading Next Article...
က္က