ခန္ဓာကိုယ်အလေးချိန်မြင့်ခဲ့တယ်။

အနုပညာလောကနေ ခဏတာ အနားယူခဲ့တဲ့ ပြည့်ဖူးခိုင်က ဒီအတောအတွင်းမှာ ခန္ဓာကိုယ်အလေးချိန် မြင့်တက်ခဲ့တာကြောင့် အနုပညာ အလုပ်တွေပြန်လုပ်ဖို့ ယုံကြည်မှု နည်းခဲ့ပါတယ်။ အခုချိန်မှာတော့ အနုပညာလောကထဲကို ပြန်လည်ဝင်ရောက်လာပြီ ဖြစ်တဲ့အတွက် သရုပ်ဆောင်အလုပ်ရောဂီတ အလုပ်တွေပါ လုပ်သွားမယ်တဲ့။

 

သရုပ်ဆောင် ပြည့်ဖူးခိုင်က ရုပ်ရှင်ဇာတ်ကားတွေရိုက်ဖို့ ပြင်ဆင်နေပါပြီတဲ့။ ဂီတနဲ့ပတ်သက်ပြီးတော့လည်း အွန်လိုင်းပေါ်ကနေ သီချင်း အသစ် လေးတွေ တင်သွားဖို့ရည်ရွယ်ထားတယ်လို့လည်းပြောပါတယ်။ ပရိသတ်တွေအရှေ့ပြန်ရောက်လာမယ့် ပြည့်ဖူးခိုင်က သရုပ်ဆောင် ဘက် ကို အဓိကထားမှာလား၊ ဂီတအပိုင်းကို အဓိက ထားမှာလား ဆိုတာကို Duwun Media ပရိသတ်အတွက် မေးမြန်းခဲ့ပါတယ်။

'' ဘယ်လိုပဲဖြစ်ဖြစ် အလျဉ်းသင့်တဲ့အပေါ်မှာ ဘယ်လိုလည်းတော့ မပြောတတ်သေးဘူးပေါ့။ နှစ်ခုစလုံးကိုတော့ ကျွန်မ ဘယ်လို အတတ် နိုင်ဆုံးကြိုးစားပြီးတော့ လုပ်ချင်ပါတယ်။ လုပ်ဖို့အတွက်လည်း ကြိုးစားနေပါတယ်'' ဆိုပြီးတော့ ကြွေ  ရုပ်ရှင်ဇာတ်ကား အထူးပြသပွဲ ကို တက်ရောက်ရင်း Duwun Media ရဲ့ အင်တာဗျူးမှာဖြေဆိုခဲ့တာပါ။

Photo: Pyae Phoo Khing Fb

 

အနုပညာအလုပ်တွေ ခဏနားနေချိန်မှာတော့ ကိုယ်အလေးချိန်မြင့်တက်တာကို ခံစားခဲ့ရတယ်လို့ ပြည့်ဖူးခိုင်ကပြောပါတယ်။ အဲ့ဒီအတွက် ကြောင့်လည်းခန္ဓာကိုယ်ပိုင်းနဲ့ပတ်သက်ပြီး ကိုယ့်ကိုယ်ကို ယုံကြည်မှုရှိအောင် ကြိုးစားပြင်ဆင်နေရတာပါတဲ့။ ဒီနေ့ခေတ်ပေါ်အဝတ်အစား လေးတွေ ဝတ်နိုင်ဖို့ အတွက်လည်း ထပ်ကြိုးစားသွားဦးမယ်လို့ ပြောပါတယ်။

''ကိုယ့်ကိုယ်ကို ယုံကြည်မှု ရှိဖို့ ကလည်း ကျွန်မက ကိုယ်အလေးချိန်မြင့်တက်သွားတဲ့ လူတစ်ယောက်ဖြစ်တာကြောင့် တစ်ခါတလေ ကိုယ်လိုချင်တဲ့ Target မရောက်သေး ခင်မှာ ကိုယ့်ကိုယ်ကို ယုံကြည်မှု နည်းသလိုလည်းဖြစ်တာမျိုးတွေရှိတယ်။ Body ပိုင်းနဲ့ ပတ်သက်ရင် အရမ်းပိန်မျိုးမဟုတ်ပဲ ဝတ်ရတာ အဆင်ပြေလောက်မယ့် ခန္ဓာကိုယ်လေးဖြစ်အောင် ကြိုးစားနေပါတယ်'' လို့ ဆိုပါတယ်။

Photo: Pyae Phoo Khing Fb

လွန်ခဲ့တဲ့ ၂ နှစ်လောက်ကတည်းက ဝိတ်ချနေတာပါဆိုတဲ့ မိုးမိုး  

အနုပညာလောကထဲကို ပြန်လည်ဝင်ရောက်လာချိန်မှာလည်း ကိုယ့်ကိုယ်ကို အသစ်တစ်ယောက်လို ခံယူချက်နဲ့ ကြိုးစားသွားမယ့် အကြောင်း ပြည့်ဖူးခိုင်က ပြောပါတယ်။ သူ့အနေနဲ့ အနုပညာအလုပ်နဲ့ ပတ်သက်ပြီး ဂီတအပိုင်းမှာရော သရုပ်ဆောင်အပိုင်းမှာပါ ပရိသတ်တွေ တွေ့မြင်ရ ဦးမှာဖြစ်ပါတယ်။

'' အခုချိန်မှာ ကျွန်မက အသစ်တစ်ယောက်လိုပဲ ကိုယ့်ကိုယ်ကို ခံယူထားတယ်။ ဘယ်နယ်ပယ်မှာပဲ ဖြစ်ဖြစ် ဆရာတစ်ယောက်ဆီမှာ ပညာသွားယူရင် သူက အဲ့ဒီပတ်ဝန်းကျင်မှာ ဆရာတစ်ယောက်ဖြစ်တဲ့အတွက် ကြိုးစားလေ့လာရမှာ ကိုယ့်တာဝန်ပဲလေ။ အဲ့ဒီတော့ ကိုယ်စ ခဲ့တဲ့ ဝါသနာအတွက် ကိုယ်ကြိုးစားမှ ရမယ်ဆိုပြီးတော့ ခံယူထားတယ်''

Photo: Pyae Phoo Khing Fb

 

ပြည့်ဖူးခိုင်ကို ဗီဒီယိုဇာတ်ကားတွေကနေတဆင့် ပရိသတ်တွေ စတင်အားပေးလာကြတာပါ။ သူဟာ ချစ်စရာကောင်းတဲ့ ကာရိုက်တာလေး တွေရယ်၊ စွာတာတာ မိန်းကလေးပုံစံမျိုး ဇာတ်ရုပ်လေးတွေကြောင့် ပရိသတ်တွေရဲ့ အချစ်ကို ပိုင်ဆိုင်ခဲ့တာဖြစ်ပါတယ်။ ပြည့်ဖူးခိုင်ဟာ သရုပ်ဆောင်သာ မက ဂီတလောကထဲမှာလည်း ကြိုးစားနေသူတစ်ယောက်ဖြစ်ပါတယ်။

 

Share

Loading Next Article...
က္က