Photo: ခရစ္စတီးနားခီဖေ့စ်ဘွတ်

'' ဇူလိုင်လ ၉ရက်နေ့ မနက် ၁၀နာရီ၁၆မိနစ်မှစပြီး"ရှင်ကေသရ" ဘွဲ့နံမည်ဖြင့် ရဟန်းဘဝခံယူ။ (တခါတရံမှ ရဟန်းဘဝရတာမို့ ရဟန်း အလုပ်ကိုဖြောင့်ဖြောင့်လုပ်စေချင်လို့ ဘယ်သူမှမဖိတ်တာပါ။ မန်နေဂျာတွေကိုရော မိသားစုကိုရော ဘယ်သူမှ ထပ်မလာဖို့နဲ့ မလာခိုင်း ဖို့ကိုလည်းသေချာပြောထားတာမို့ နားလည်ခွင့်လွှတ်စေချင်ပါတယ်နော်။)ခရစ္စကတော့ အလုပ်ရှိလို့ပြန်လာပါပြီ''လို့ ဆိုပါတယ်။

Photo: ခရစ္စတီးနားခီဖေ့စ်ဘွတ်

သာသနာ့ဘောင်ထဲ ခဏတာဝင်ရောက်သွားတဲ့ ဇဏ်ခီနဲ့ ခရစ္စတီးနားခီ 

သရုပ်ဆောင် ဇဏ်ခီကလည်း အနုပညာအလုပ်တွေနဲ့ မအားမလပ် ဖြစ်နေပေမယ့်လည်း ကုသိုလ်ရေးအတွက် အချိန်ပေးဖြစ်တဲ့ သူတို့ဇနီးမောင်နှံရဲ့ စိတ်ကလေးကို လေးစားနေကြတာလည်း တွေ့ရပါတယ်။ ဒါရိုက်တာ ခရစ္စတီးနားခီက ၂၀၁၈ခုနှစ် မတ်လ(၄) ရက်နေ့က သာသနာ့ဘောင်ထဲ ဝင်ရောက်ခဲ့ ပါသေးတယ်။

အဲ့ဒီတုန်းကလည်း ခင်ပွန်းဖြစ်သူ ဇဏ်ခီကသူမရဲ့ ဆန္ဒတွေကို ဘေးကနေ ပါရမီဖြည့်ပေးခဲ့သလို အခုတစ်ခါ ဇဏ်ခီ သာသနာ့ဘောင်ထဲ ဝင်ရောက်တဲ့အခါမှာလည်း သူမက ဘေးက ပါရမီဖြည့်ပေးနေတာ တွေ့ရပါတယ်။

Photo: ခရစ္စတီးနားခီဖေ့စ်ဘွတ်

သူတို့ဇနီးမောင်နှံဟာဇွန်လ(၂၅) ရက်နေ့က အိမ်ထောင်သက် (၁၂) နှစ်ပြည့်ခဲ့တာဖြစ်ပြီး နှစ်ပတ်လည်နေ့လေးမှာ အလှူအတန်းတွေနဲ့ ဖြတ်သန်းခဲ့တာ တွေ့ရပါတယ်။သူတို့နှစ်ယောက်ရဲ့ မင်္ဂလာနှစ်ပတ် လည် အလှူကို ရန်ကုန်မြို့ တာမွေမြို့နယ်မှာရှိတဲ့ ပင်ရွှေညောင်လမ်း မြနန္ဒာကမ္ဘောဇ ဘုန်းကြီးကျောင်းမှာ ပရိသတ်တွေနဲ့အတူ အလှူကျင်းပခဲ့တာပါ။

Photo: ခရစ္စတီးနားခီဖေ့စ်ဘွတ်

သရုပ်ဆောင် ဇဏ်ခီနဲ့ ဒါရိုက်တာ ခရစ္စတီးနားခီကတော့ '' ဥပါယ်တံမျဉ်'' ဆိုတဲ့ ရုပ်ရှင်ဇာတ်ကားကြီးကနေ စပြီး မြန်မာနိုင်ငံက ပရိသတ် တွေနဲ့ စတင်ထိတွေ့ခဲ့တာဖြစ်ပါတယ်။ အဲ့ဒီနောက် ဒါရိုက်တာ ခရစ္စတီးနားခီရိုက်တဲ့ မုဒြာရဲ့ ခေါ်သံ ဆိုတဲ့ ဒုတိယမြောက်ရုပ်ရှင် ဇာတ်ကားကြီး ကလည်း အောင်မြင်ခဲ့ပါသေးတယ်။