ရေဗက္ကာဝင်းတို့ ဇနီးမောင်နှံဟာ အခုဆိုရင် အိမ်ထောင်သက်တမ်း ၇ နှစ်ကျော်လာခဲ့ပါပြီ။ အိမ်ထောင်သက်တမ်း ကြာလာ ပေမယ့် ရင်သွေးယူဖို့ စဉ်းစားတုန်းပါပဲတဲ့။ အနုပညာအလုပ်တွေကို တဖြည်းဖြည်းချင်းဆောင်ရွက်လာတဲ့ ရေဗက္ကာဝင်းက သြဂုတ်လအတွင်းမှာ အွန်လိုင်း ပေါ်ကနေ သီချင်းအသစ်တစ်ပုဒ်တင်ပေးဦးမယ်လို့ပြောပါတယ်။
အဆိုတော် ရေဗက္ကာဝင်းတို့ ဇနီးမောင်နှံဟာ အခုဆိုရင် အိမ်ထောင်သက်တမ်း ၇ နှစ်ကျော်ခဲ့ပါပြီ။ အိမ်ထောင်သက်တမ်းကြာပြီဆိုပေမယ့် ရင်သွေး မယူဖြစ်သေးပကြာင်းကို Duwun Media ရဲ့ အင်တာဗျူးမှာ ဖြေဆိုခဲ့တာပါ။
'' အစ်မရဲ့ အနုပညာအလုပ်နဲ့ ပတ်သက်ပြီး အမျိုးသားကလည်း ပံ့ပိုးပေးတာတွေရှိပါတယ်။ ဒါပေမယ့် အစ်မကိုယ်တိုင်က အနုပညာအလုပ် ထက် မိသားစုကို ပိုပြီးတော့ အချိန်ပေးတာများပါတယ်။ အိမ်ထောင်သက်တမ်းကြာပြီဖြစ်ပေမယ့် သားသမီးမယူဖြစ်သေးပါဘူး။ ဘာကြောင့် လဲဆိုတော့ လွတ်လွတ်လပ်လပ် အေးအေးဆေးဆေးနေချင်သေးလို့ပါ'' လို့ ဆိုပါတယ်။
Photo: ရေဗက္ကာဝင်းဖေ့စ်ဘွတ်
ကျွန်မဟာ သာမန်လူသားတစ်ယောက်ပါလို့ ဆိုလိုက်တဲ့ ရေဗက္ကာဝင်း
သူတို့ ဇနီးမောင်နှံဟာ ၂၀၁၃ ခုနှစ် မေလ ၁ရက်နေ့မှာ မင်္ဂလာဆောင်ခဲ့ကြတာဖြစ်ပါတယ်။ ကလေးမယူဖြစ်သေးပေမဲ့ သူများ မိသားစုတွေ မြင်ရင် အားကျတယ်လို့ ရေဗက္ကာဝင်းက ဖွင့်ဟပါတယ်။
'' ဒါပေမယ့် ကလေးယူဖို့ကိုတော့ စဉ်းစားထားပါတယ်။ သူများ မိသားစုလေးတွေမြင်ရင်လည်း အားကျတယ်။ သူများကလေးတွေမြင်ရင် အရမ်းလည်းချစ်တယ် ဒါပေမယ့် ကိုယ်ကိုယ်တိုင် ကလေးယူဖို့တော့ နည်းနည်း စဉ်းစားနေပါသေးတယ်'' ဆိုပြီးတော့ ဇူလိုင်လ ၂၀ ရက်နေ့ က အလှမယ် ဟန်တီရဲ့ မွေးနေ့အလှူကိုတက်ရောက်ရင်း ဖြေဆိုခဲ့တာပါ။
Photo: ရေဗက္ကာဝင်းဖေ့စ်ဘွတ်
ရေဗက္ကာဝင်းက သြဂုတ်လအတွင်းမှာ ခင်ဘုဏ်း၊ ယုဇန နဲ့ မေစံပယ်ညို တို့ ပေါင်းပြီး အွန်လိုင်းပေါ်ကနေ Solo တစ်ပုဒ် အွန်လိုင်းကနေ ဖြန့်ဖို့ရှိတယ်လို့ ဆိုပါတယ်။ သီချင်းလေးကတော့ အရင်တုန်းက အောင်မြင်ခဲ့တဲ့ သီချင်းကို ပြန်လည် စုစည်း ထားတာပါတဲ့။ သူ့ရဲ့ ပရိသတ် တွေအတွက် တစ်ကိုယ်တော်အခွေ ထွက်နိုင်ဖို့လည်း ကြိုးစားနေပါတယ်လို့ ပြောပါတယ်။
'' တစ်ကိုယ်တော်အခွေထွက်နိုင်ဖို့ကိုလည်း ကြိုးစားနေတုန်းပါ။ အရင်ခေတ်ကနဲ့ မတူတော့တဲ့ ဂီတရေစီးကြောင်းပေါ်မှာ ပရိသတ်တွေက ဘယ်လိုသီချင်းပုံစံလေးတွေကို နားထောင်ဖြစ်သလဲ ဆိုတာကို ကြည့်ပြီး သီချင်းအသစ်လေးတွေ ဖန်တီးမယ်။ အရင်တုန်းက သီချင်းပုံစံတွေ ကိုကြိုက်တဲ့ ပရိသတ်တွေရှိနေရင်လည်း မျှမျှတတလေးဖြစ်အောင် ကြိုးစားသွားမှာပါ'' လို့ ဆိုပါတယ်။
Photo: ရေဗက္ကာဝင်းဖေ့စ်ဘွတ်
အနုပညာအလုပ်တွေနဲ့ အလှမ်းဝေးနေတဲ့ အဆိုတော်ရေဗက္ကာဝင်းက Maka ဆိုတဲ့ တစ်ကိုယ်တော်အခွေကို ကချင်ဘာသာစကားနဲ့သီဆိုကာ ဖေဖော်ဝါရီလအတွင်းက ဖြန့်ချိခဲ့ပါတယ်။