သရုပ်ဆောင်တစ်ဦးလည်းဖြစ် စာရေးဆရာတစ်ယောက်အဖြစ်နဲ့လည်း အောင်မြင်မှုရှိတဲ့ ဗေလုဝဟာ အနုပညာအလုပ်တွေ ခဏနားထားတဲ့ အချိန်က စာတွေရေးဖြစ်တယ်လို့ပြောပါတယ်။ သူရေးတဲ့ စာတွေဟာ အချစ်အကြောင်း၊ ဘဝအကြောင်း တွေကို ရေးဖြစ်နေတယ်ဆိုတာကို Duwun Media ကနေပြောပြခဲ့ပါတယ်။

''အချစ်အကြောင်းတွေ ရေးဖြစ်တာကလည်း အသက်ကြီးလာတော့ နှလုံးသားက နုနေတာလား မသိဘူး အဲ့ဒါလေးတွေရေးဖြစ်တယ်။ ဘဝ အကြောင်းတွေကျတော့ ရင့်ကျက်မှုတွေ ဖြတ်သန်းမှုတွေလည်းပါတယ်။ ယဉ်ကျေးမှုတွေရော၊ စောင့်ထိန်းရမယ့် အရာတွေ မြောက်များစွာ ပါလာတာတဲ့အခါကျတော့ သန့်ပြန့်တဲ့ အချစ်တစ်ခုဖြစ်သွားပြီ'' လို့ ဆိုပါတယ်။

'' ငယ်စဉ်အခါတုန်းက ရေးခဲ့ဖူးတဲ့ စာသားလေးတွေလိုတော့ မဟုတ်ဘူး။ အရောင်လေးတွေ နည်းနည်းတော့ ပါမယ်ပေါ့။ ရင်ဘတ်နဲ့ ရေးထား တာဆိုတော့ အဲ့ဒီစာအုပ်လေး ထုတ်ဖြစ်ဖို့ ကြိုးစားနေတယ်။ အမြဲတမ်း ကဗျာဆရာတွေ ပြောသလိုပါပဲ ခေတ်ဟာ မစိမ်းလန်းရင် အချစ်ဟာလည်း မငြိမ်းချမ်းပါဘူး'' လို့ ဆိုပါတယ်။

ဗေလုဝဟာ စာပေလောကမှာလည်း အောင်မြင်တဲ့သူတစ်ယောက်အဖြစ် ရပ်တည်လျှက်ရှိပါတယ်။ မြို့၊ ရွာတွေမှာရှိတဲ့ စာပေဟောပြော ပွဲ တွေမှာလည်း တစ်တပ်တစ်အားပါဝင်ဆောင်ရွက်နေတာကြောင့် အနုပညာအလုပ်တွေနဲ့ အနည်းငယ်ဝေးကွာနေတာပါ။ ဒါပေမယ့် ဇူလိုင်လ ၂၅ ရက်နေ့မှာ စတင်ရိုက်ကူးမယ့် မြင်းဖြူရှင်နဲ့ မြင်းသည်တော် ဖိုးအေး ရုပ်ရှင်ကားမှာ ပါဝင်သရုပ်ဆောင်သွားမှာ ဖြစ်ပါတယ်။

ဗေလုဝ ဦးဆောင်တဲ့ သံချပ်အဖွဲ့ရဲ့ စာသားအချို့ ဆင်ဆာဖြတ်ခံရ 

မြင်းဖြူရှင်နဲ့ မြင်းသည်တော် ဖိုးအေးရုပ်ရှင်ကားကို ဒါရိုက်တာ စတီးလ်က ပုံဖော်ရိုက်ကူးသွားမှာဖြစ်ပါတယ်။ ဒီဇာတ်ကားထဲမှာ တော့ နာမည် ကျော်အနုပညာရှင်များစွာက ပါဝင်သရုပ်ဆောင်သွားမှာပါ။ ဗေလုဝဟာ ဤအရာကို အချစ်လို့ခေါ်သလား ရုပ်ရှင်ဇာတ်ကားကြီးတွင် အကောင်းဆုံး အမျိုးသားဇာတ်ပို့ဆုကို ရရှိထားသူ တစ်ဦးဖြစ်ပြီး ရုပ်ရှင်ဇာတ်ကားများစွာမှာ ပါဝင်သရုပ်ဆောင်ထားတဲ့ သရုပ်ဆောင် တစ်ဦးလည်း ဖြစ်ပါတယ်။