AD
AD
AD

မကြာခင် ကျင်းပတော့မယ့် လူရွှင်တော် သက်ကြီး ပူဇော်ပွဲအတွက် လူရွှင်တော်အသင်းက တာဝန်ရှိသူများနဲ့ ရန်ကုန်တိုင်းဝန် ကြီးချုပ် ဦးဖြိုးမင်းသိန်းတို့ တွေ့ဆုံဆွေးနွေးခဲ့ကြပါတယ်။ သက်ကြီးပူဇော်ပွဲအတွက် ရန်ပုံငွေပွဲ ပြုလုပ်မှာ ဖြစ်ပြီး အဲ့ဒီအတွက် ဦးဖြိုးမင်းသိန်းက သိန်း(၁၀၀) မတည်ပေးခဲ့တယ်လို့ သိရပါတယ်။

play
Photo : ဦးဖြိုးမင်းသိန်း FB Page

 

နှစ်စဉ်နှစ်တိုင်း ပြုလုပ်လျက်ရှိတဲ့ လူရွှင်တော် သက်ကြီးပူဇော်ပွဲကိုလည်း ဒီနှစ်မှာ ပြုလုပ်ဖို့ ပြင်ဆင်နေကြပါပြီ။ ဒီနေ့(သြဂုတ်လ၆ရက်)မှာလည်း ရန်ကုန်တိုင်းဝန်ကြီးချုပ် ဦးဖြိုးမင်းသိန်းနဲ့ လူရွှင်တော်အသင်းမှ တာဝန်ရှိသူများဟာ တိုင်းဒေသကြီး အစိုးရအဖွဲ့ရုံးမှာ တွေ့ဆုံခဲ့ပြီး သက်ကြီးပူဇော်ပွဲအတွက် ဆွေးနွေးခဲ့တယ်လို့ သိရပါတယ်။

play
Photo : ဦးဖြိုးမင်းသိန်း FB Page

 

လူရွှင်တော်အသင်းမှ ပြုလုပ်မယ့် သက်ကြီးပူဇော်ပွဲအတွက် ဦးဖြိုးမင်းသိန်းက သိန်း(၁၀၀) မတည်ပေးတယ်လို့ လူရွှင်တော်အသင်းရဲ့ စာရင်းစစ် ဦးငြိမ်းချမ်းက ဆိုပါတယ်။

"ဦးတို့အသင်းက သက်ကြီး ပူဇော်ပွဲလုပ်ဖို့ ရန်ပုံငွေပွဲအနေနဲ့ ဘောလုံးပွဲလုပ်ချင်တယ်။ ဘောလုံးကန်ချင်တယ်လို့ ပြောတော့ ဦးဖြိုးမင်းသိန်း က အောင်ဆန်းကွင်းပေးတယ်။အလှူငွေ သိန်း(၁၀၀)ထည့်တယ်။ လှူဖို့အလှူရှင်တွေလည်း ဖိတ်ပေးမယ်ပေ့ါ။ ပွဲကမယ်ဆိုလည်း ပွဲမိန့်တွေ ရဖို့ သူစီစဉ်ပေးမယ်လို့ ပြောတယ်။ အဲ့ပွဲကိုလည်း သူကိုယ်တိုင်တက်ပြီး တော့ချီးမြှင့်ပေးမယ်လို့ ပြောပါတယ်" ဆိုပြီး ဦးငြိမ်းချမ်းက ဒီနေ့ ဦးဖြိုးမင်းသိန်းနဲ့ တွေ့ဆုံပြီး ဆွေးနွေးခဲ့တာလေးကို Duwun Media သို့ ပြန်လည်ပြောပြခဲ့တာ ဖြစ်ပါတယ်။

play
Photo : ဦးဖြိုးမင်းသိန်း FB Page

 

လူရွှင်တော် သက်ကြီးပူဇော်ပွဲကို နှစ်စဉ်နှစ်တိုင်း (၉)လပိုင်း (၉)ရက်နေ့မှာ ပြုလုပ်ဖြစ်ပေမယ့် ဒီနှစ်သက်ကြီးပူဇော်ပွဲကိုတော့ ကျင်းပဖို့ ရက်အတိအကျ မသိရသေးဘူးလို့ ဦးငြိမ်းချမ်းကဆိုပါတယ်။ အရင်ဆုံး သက်ကြီးပူဇော်ပွဲအတွက် ရန်ပုံငွေပွဲတွေ ပြုလုပ်ပြီးမှသာ သက်ကြီး ပူဇော်ပွဲ ကျင်းပမယ့်  ရက်အတိအကျကို အစည်းအဝေးလုပ်ပြီး အတည်ပြုပေးမယ်လို့ ဆက်လက်ဖြေဆိုပေးခဲ့ပါတယ်။

လူရွှင်တော်အသင်းရဲ့ ပထမဆုံး သက်ကြီးပူဇော်ပွဲကို ၂၀၁၄ခုနှစ် ဇွန်လ(၂၆) ရက်နေ့က ရန်ကုန်မှာ စတင်ကျင်းပခဲ့တာ ဖြစ်ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD