AD
AD
AD

ကြာစိကတော့ အနုပညာအလုပ်အပြင် မိသားစု ကိုယ်ပိုင်စီးပွားရေးအလုပ်ကိုပါ ဆောင်ရွက်နေသူဖြစ်ပါတယ်။ သူ့အနေနဲ့ အနုပညာအလုပ်ကို လည်း စွန့်လွှတ်မှာ မဟုတ်ဘူးလို့ ဆက်လက်ပြောပြလာပါတယ်။

play
Photo: ကြာစိဖေ့စ်ဘွတ်

 

ဟာသလူရွှင်တော် သရုပ်ဆောင် ကြာစိက လက်ရှိမှာ အေးချမ်းသာယာတဲ့ မိသားစုဘဝလေးကို ပိုင်ဆိုင်ထားသူတစ်ယောက်ဖြစ်ပါတယ်။ သူ့ အနေနဲ့ ရှေ့ဆက်မယ့် မိသားစု ဘဝရှေ့ရေးအတွက် အနုပညာအလုပ်အပြင် အပြင်စီးပွားရေးကိုလည်း ကြိုးစားဆောင်ရွက်သွားမယ်လို့ Duwun Media ရဲ့ သီးသန့်အင်တာဗျူးမှာ ဖြေဆိုခဲ့ပါတယ်။

'' အနုပညာအလုပ်တွေကိုတော့ ရှေ့ဆက်ပြီးလုပ်နေဦးမှာပါ ကိုယ်တွေက အသက်လည်း ကြီးလာပြီလေ။ အနုပညာအလုပ်ဆိုတာလည်း အမြဲ တမ်းအောင်မြင်နေမှာမှ မဟုတ်တာလေ ကျဆုံးမယ့် အချိန်ဆိုတာ ရောက်လာဦးမှာပဲ။ အနုပညာအလုပ်တွေ လုပ်နေပေမယ့် နောက်ထပ် အပြင် စီးပွားရေးကိုလည်း လုပ်နေရဦးမှာပါပဲ'' လို့ ဆိုပါတယ်။

play
Photo: ကြာစိဖေ့စ်ဘွတ်

 

ကြာစိဟာ အနုပညာအလုပ်ကို ရူးသွပ်သူတစ်ယောက်ဖြစ်တဲ့အတွက် စွန့်လွှတ်သွားမှာမဟုတ်ဘူးလို့လည်း ပြောပါတယ်။ အားပေးတဲ့ ပရိသတ် ရှိနေသ၍ အကောင်းဖြစ်အောင် ကြိုးစားဆောင်ရွက်သွားမယ်လို့လည်း ဆက်လက်ပြောပြထားပါတယ်။

'' ဒါကတော့ ကိုယ့်ရဲ့ အနုပညာအလုပ်ကို ချစ်တယ်လေ။ အနုပညာနဲ့ပဲ အသက်မွေးဝမ်းကြောင်းပြုလာတာဆိုတော့ ဒီအနုပညာအလုပ်နဲ့ပဲ ပရိသတ်အားပေးအောင် ကြိုးစားသွားမှာပါ။ ကျွန်တော်တို့ဆိုတာလည်း ပွဲငှားသူရှိမှ ကလို့ရမှာလေ။ ရုပ်ရှင်ဆိုတာလည်း ပရိုဂျူဆာတွေ ခေါ် မှ ရမှာလေ။ ကိုယ်ရိုက်ချင်တိုင်လည်း ရိုက်လို့ရတာမဟုတ်ဘူးလေ'' လို့ သူကဆိုပါတယ်။

play
Photo: ကြာစိဖေ့စ်ဘွတ်

 

လက်ရှိမှာလည်း ကြာစိက သူ့ရဲ့ ကိုယ်ပိုင်စီးပွားရေးတစ်ခုဖြစ်တဲ့ ထီဆိုင်လေးကို တောင်ကြီးမှာ ဖွင့်လှစ်ထားတာဖြစ်ပါတယ်။ သူ့အနေနဲ့ ရင်သွေးလေး မရခင်မှာ ထီအကျိုးပေးတွေ ကောင်းခဲ့တာကြောင့် ထီဆိုင်လေးကလည်း သူ့အတွက် အကျိုးပေးမယ်ဆိုတဲ့ ယုံကြည်ချက်နဲ့ ဖွင့် လှစ်ခဲ့တာလို့ ဆိုပါတယ်။

'' အပြင်စီးပွားရေးကိုလည်း ကြိုးစားသွားမယ်။ ကိုယ့်မိသားစု၊ ကိုယ့်သားသမီးတွေပါ ဆက်လုပ်သွားလို့ရမယ့် ထီဆိုင်လေးတော့ ဖွင့်ထား တယ်။ အကျိုးပေးမယ်လို့တော့ ထင်တာပါပဲ။ ရန်ကုန်မှာပဲ ဖြစ်ဖြစ်၊ တောင်ကြီးမှာပဲ ဖြစ်ဖြစ် တကယ်လို့ အဆင်ပြေမယ်ဆိုရင်တော့ အဆင်ပြေတဲ့ နေရာတွေမှာ ဖွင့်ချင်တာပေါ့နော်'' လို့ ဆက်လက်ပြောပြလာပါတယ်။

play
Photo: ကြာစိဖေ့စ်ဘွတ်

 

သရုပ်ဆောင်ကြာစိနဲ့ ဇနီးဖြစ်သူ ဆုဟန်နီဖြိုး တို့က ချစ်သူသက်တမ်း(၂)နှစ်ကျော်မှာ အိမ်ထောင်ပြုခဲ့တာပါ။ လူရွှင်တော် 5 Star အဖွဲ့ဝင် ကြာစိကတော့ ပရိသတ်အားပေးမှု ရရှိထားတဲ့ လူရွှင်တော် သရုပ်ဆောင် တစ်ယောက်ဖြစ်ပါတယ်။ကြာစိရဲ့ ဘဝအကြောင်းကို ရေးစပ်ထားတဲ့ သီချင်းဟာလည်း ပရိသတ်တွေကြား တော်တော်အောင်မြင်ခဲ့ပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD