Photo: ဇဏ်ခီဖေ့စ်ဘွတ်

'' ကျွန်တော်တို့ အလုပ်ခွင်ကတော့ ငြိမ်းငြိမ်းချမ်းချမ်း သိပ်မရှိပါဘူး။ အမြဲတမ်း ဖိုက်နေရတာ ဘာကြောင့်လဲဆိုတော့ သူကလည်း သူလိုချင်တဲ့ ဟာရဖို့ အရမ်းခေါင်းမာတာ။ ကျွန်တော်ကလည်း ကိုယ့်ကာရိုက်တာနဲ့ပတ်သက်ပြီး ရှိပြီးသားအိုင်ဒီယာကရှိနေပြီးသားဆိုတော့ တစ်ခါတလေ အဲ့ဒါတွေက မကိုက်ညီတာရှိရင် ငြင်းရတယ်၊ ရန်ဖြစ်ရတယ်'' လို့ဆိုပါတယ်။

Photo: ဇဏ်ခီဖေ့စ်ဘွတ်

ရိုက်ကွင်းပေါ်ရောက်ရင် ဒါရိုက်တာ တစ်ယောက်ရဲ့ စိတ်ဓာတ်အဖြစ် ပြောင်းသွားတတ်တဲ့ ခရစ္စတီးနားခီကလည်း ခင်ပွန်းဖြစ်သူ ဇဏ်ခီရဲ့ သရုပ်ဆောင်မှုတွေအပေါ် အခုလို ပြောပြလာပါတယ်။ အားမရတဲ့အပိုင်းတွေလည်း ရှိတယ် ဆိုတာကို နိုဝင်ဘာလ ၁ ရက်နေ့ညက မီ ရုပ်ရှင် ဇာတ်ကား အထူးပွဲကို တက်ရောက်ရင်း ဖြေဆိုခဲ့တာပါ။

'' ဒါရိုက်တာ တစ်ယောက်အနေနဲ့ ပြောရမယ် ဆိုရင်တော့ သူ အရမ်းကြိုးစားတယ်လို့ ပြောရမှာပေါ့နော်။ အားမရတာဆိုတာကတော့ နိုင်ငံ တကာ မှာရှိတဲ့ သရုပ်ဆောင်ကြီးတွေ သူတို့ကတော့ ၁၀ နှစ်လောက် သင်ယူခွင့်ရထားတဲ့အခါကျတော့ သူကိုယ်တိုင်လည်း အဲ့ဒါကိုသိတယ်။ အစ်မတို့က ၂ ကားမှာမှ ၂ ခါပဲ Train ရသေးတယ်'' လို့ သူကဆိုပါတယ်။

Photo: ဇဏ်ခီဖေ့စ်ဘွတ်

မွေးနေ့ပွဲလေး ဖန်တီးပေးသူတွေကို ကျေးဇူးတင်စကားဆိုလိုက်တဲ့ ခရစ္စတီးနားခီ 

ခရစ္စတီးနားခီဟာ ဇာတ်ကားတစ်ကားလုံး ကောင်းဖို့အတွက် ဒါရိုက်တာမှာ တာဝန်ရှိတယ်ဆိုတာကြောင့် ရိုက်ကွင်းပေါ်မှာလည်း ခင်ပွန်းကို သရုပ်ဆောင် တစ်ယောက်လိုသာ မြင်မိတယ်လို့ ဆိုပါတယ်။ ဒါကလည်း ဇာတ်ကားကောင်းဖို့အတွက် လောဘတစ်ခုပါလို့ ဆက်လက်ပြောပြ ထားပါတယ်။

'' အစ်မက အလုပ်လုပ်တဲ့အချိန်မှာ သူရယ်လို့ မြင်တာ မဟုတ်တော့ဘူးပေါ့နော်။ အစ်မအလုပ်လုပ်တဲ့အချိန်မှာ ကာရိုက်တာတွေအကုန်လုံး နဲ့လည်း စုံအောင်လုပ်ရတယ်။ သူ့တစ်ယောက်တည်းမဟုတ်ဘူး။ မင်းသမီးလည်းရှိတယ်။ တခြားဇာတ်ပို့တွေလည်း ရှိသေးတာဆိုတော့ သူ့အပေါ်မှာ အစ်မက အာရုံမရှိတော့ဘူး၊ ရုပ်ရှင်ဘက်ကိုပဲ အာရုံက ပိုရောက်သွားတယ်'' လို့ ဆိုပါတယ်။

Photo: ဇဏ်ခီဖေ့စ်ဘွတ်

ဇဏ်ခီနဲ့ ခရစ္စတီးနားခီတို့ရဲ့ အိမ်ထောင်ရေးက အခုဆိုရင် ၁၂ နှစ်ကျော်လာပြီ ဖြစ်ပါတယ်။ သူတို့ ဇနီးမောင်နှံ နှစ်ယောက်ဟာ ဘယ်နေရာ သွား သွား တပူးပူး တတွဲတွဲရှိပြီး ချစ်ချစ်ခင်ခင်နဲ့ ပျော်စရာကောင်းတဲ့ မိသားစုလေး လည်း ဖြစ်ပါတယ်။ ဇဏ်ခီတို့မိသားစုလေးဟာ အလှူ အတန်းတွေလည်း မကြာခဏလုပ်ဖြစ်သလို အလုပ်ကိစ္စနဲ့ ခရီးတွေလည်း ထွက်ဖြစ်နေပါတယ်။