AD
AD
AD
play
Photo: May Myat Noe Facebook

 

သရုပ်ဆောင် မေမြတ်နိုးက 25% ဆိုတဲ့ ရုပ်ရှင်ဇာတ်ကားကြီးထဲမှာ စီနီယာအနုပညာရှင်ကြီးတွေနဲ့ အတူ ပါဝင်သရုပ်ဆောင်နေတယ်လို့ သိရပါတယ်။ မိုးတွင်းကာလဖြစ်တဲ့အတွက် ရိုက်ဖို့ ကျန်နေသေးတဲ့ ဇာတ်ဝင်ခန်းတွေကို  ဒါရိုက်တာရဲ့ ကြိုးစားအားထုတ်မှု သရုပ်ဆောင်တွေ ရဲ့ စည်းလုံးမှုတွေနဲ့ ဆက်လက်ရိုက်ကူးဖြစ်နေတယ်လို့ မီဒီယာတွေကနေတဆင့်ပြောပြခဲ့ပါတယ်။

'' အခုလက်တလောမှာက 25% ဆိုတဲ့ရုပ်ရှင်ဇာတ်ကားကြီးရိုက်နေတယ်။ မြတ်နိုးပါတဲ့ ဇာတ်ဝင်ခန်းက ၇၅ ရာခိုင်နှုန်းလောက်ပြီးသွားပြီ။ ကျန်တဲ့ ဇာတ်ဝင်ခန်းတွေကကျတော့ အခုက မိုးရာသီလည်းဖြစ်နေတော့ အပြင်မှာရိုက်ရမယ့် ဇာတ်ဝင်ခန်းတွေက အများကြီးကျန်သေး တဲ့အတွက် အခက်အခဲတွေ အများကြီးရှိပါတယ်။ ဒါပေမယ့် ဒါရိုက်တာ ကိုသားညီကတော့ အကောင်းဆုံးကြိုးစားပြီးတော့ ရိုက်နေတယ်။ ပါဝင်ကြတဲ့ သရုပ်ဆောင်တွေကလည်း သူတို့ မအားတဲ့ကြားက အချိန်ပေးပြီးတော့ ရိုက်နေကြတယ်'' ဆိုပြီးတော့ ဇွန်လ ၁၄ ရက်နေ့က COACH ဆိုင်သစ် ဖွင့်ပွဲကို တက်ရောက်လာတဲ့ Media တွေရဲ့ အင်တာဗျူးမှာ ပြောခဲ့တာဖြစ်ပါတယ်။

play
Photo: May Myat Noe Facebook

 

25% ရုပ်ရှင်ဇာတ်ကားကြီးထဲမှာ ကာရိုက်တာ ၂ မျိုးနဲ့ ပါဝင်သရုပ်ဆောင်နေတဲ့ မေမြတ်နိုးက အခက်အခဲတွေအများကြီးရှိခဲ့ပါတယ်တဲ့။ ဒီ ကာရိုက်တာ ၂ မျိုးအတွက် ကြိုးစားရတာ ပင်ပန်းပေမယ့် ဒါရိုက်တာနဲ့အတူ ပါဝင်သရုပ်ဆောင်တဲ့ စီနီယာတွေရဲ့ သင်ကြားပေးမှု ကြောင့် အဆင်ပြေခဲ့တယ်လို့ ပြောပါတယ်။

''ဒီဇာတ်ကားထဲမှာတော့ မြတ်နိုးက ကာရိုက်တာ ၂ မျိုးပြောင်းပြရတာပေါ့နော်။ လူကတစ်ယောက်တည်းဆိုပေမယ့် ကာရိုက်တာ နှစ်ခုကို ချိန်းပြရတာဆိုတော့ အခက်အခဲလေးတွေရှိတယ်။ နည်းနည်းလေးတော့ ပင်ပန်းပါတယ်။ ဒါပေမယ့် ဒါရိုက်တာရဲ့ ကြိုးစားအားထုတ်မှုရယ်၊ ကျန်တဲ့ Support လုပ်ပေးတဲ့ သူတွေရယ် က သေချာလေး သင်ပေးတဲ့အတွက် မြတ်နိုးတော်တော်လေး သက်သာပါတယ်။  ပါဝင်ကြတဲ့ သရုပ်ဆောင်တွေကလည်း များတယ်။ ပြီးတော့ တစ်စုတစည်းတည်း ရိုက်ရမယ့် ဇာတ်ဝင်ခန်းတွေကများတော့ သေသေချာချာလေး စီစဉ်ရတယ်။ ဒီဇာတ်ကားလေးကတော့ အားလုံးရဲ့ စည်းလုံးမှုလေးကို ဖော်ပြပါတယ်'' လို့ သူကဆိုပါတယ်။

play
Photo: May Myat Noe Facebook

 

25% ရုပ်ရှင်ဇာတ်ကားကြီးကို ဒါရိုက်တာ သားညီက ပုံဖော်ရိုက်ကူးထားတာ ဖြစ်ပါတယ်။ ဒီရုပ်ရှင်ဇာတ်ကားကြီးထဲမှာ အကယ်ဒမီလူမင်း၊ နေမျိုးအောင်၊ နေဆန်း၊ ထူးခြား၊ ထက်အောင်ရှိုင်း၊ ရိုရှန်း၊ အောင်မိုးဦး၊ ကျော်နန္ဒအောင်၊ အကယ်ဒမီမေသန်းနု၊ ဆုရှိုင်း၊ ခရစ္စတီးနား၊ မေမြတ်နိုး၊ ထားထက်ထက်၊ ရွှေအိမ်စည်နဲ့ လီလီကျော်ခိုင်တို့က အဓိက ပါဝင်သရုပ်ဆောင်နေကြတယ်လို့ သိရပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD