မြန်မာနိုင်ငံရဲ့ ပထမဆုံးသိပ္ပံ ရုပ်ရှင်ကားဖြစ်တဲ့ Dimensions ရုပ်ရှင်ဇာတ်ကားကြီးကို စင်ကာပူနိုင်ငံမှာ သွားရောက်ပြသမယ့် အကြောင်း  ကို ဇူလိုင်လ ၂၇ ရက်နေ့မနက်ပိုင်းက Junction City မှာရှိတဲ့ Gloria Jean's Coffee ဆိုင်မှာ စာနယ်ဇင်းအသိပေးပွဲ ပြုလုပ်ခဲ့ပါတယ်။ Dimensions ရုပ်ရှင်ဇာတ်ကားကြီးရိုက်ကူးတုန်းက အားထုတ်ကြိုးပမ်းခဲ့ရတာတွေကို နိုရာကိုက Duwun Media ကနေပြောပြလာပါတယ်။

''တချို့ဇာတ်ကားတွေဆိုရင် ၇ ရက်နဲ့ရိုက်တဲ့ ဇာတ်ကား၊ ၁၂ ရက်နဲ့ရိုက်လို့ပြီးတဲ့ ဇာတ်ကားတွေလည်းရှိတယ်။ အစ်မတို့ ထုတ်လုပ်ရေး က ကျတော့ မရိုက်ခင် ကြိုတင်ပြင်ဆင်မှုတွေက အရမ်း ကြာတယ်၊ ပြီးတော့ ၁၅ ရက်၊ ရက် ၂၀ လောက်ကြာရမယ့် ဇာတ်ကားက ၃ လလောက် ကြာသွားတယ်ဆိုတော့ စားရိတ်က ၃ ဆ လောက်ကျသွားတယ်၊ နိုရာတို့က ထုတ်လုပ်ရေးစားရိတ်ကို များများသုံးဖြစ်တယ်'' လို့ ဆိုပါတယ်။

'' စင်ကာပူနိုင်ငံကနေ စပြီးတော့ ကျွန်တော်တို့ လမ်းပွင့်သွားတာပေါ့။ နောက်ပိုင်းကျရင်တော့ International ဘက်အထိရောက်နိုင်ဖို့ ကြိုးစား သွားမယ်။ ဒါပေမယ့် ကျွန်တော်တို့ အများကြီး ကြိုးစားဖို့တော့ လိုအပ်ပါသေးတယ်။ ဖြစ်နိုင်ရင်တော့ အိမ်နီးချင်းနိုင်ငံတွေမှာ ကျွန်တော်တို့ မြန်မာနိုင်ငံသားတွေရှိမယ့် နေရာတွေကို သွားပြနိုင်ဖို့ ရည်ရွယ်ထားတယ်'' လို့ သူကပြောပါတယ်။

Dimensions ရုပ်ရှင်ကို ၇၅ ရာခိုင်နှုန်း သဘောကျမိတယ်ဆိုတဲ့ မထက် 

စင်ကာပူနိုင်ငံမှာ ရုံတင်ပြသခွင့်ရလိုက်တဲ့ Dimensions ရုပ်ရှင်ဇာတ်ကားကြီးအတွက် အဲလစ်အုန်းကတော့ ပျော်ရွှင်မှုထက် ဂုဏ်ယူတဲ့ စိတ်က ပိုများနေပါတယ်။ ဒီရုပ်ရှင်ဇာတ်ကားထဲမှာတော့ မင်းသားကို အရမ်းဂရုစိုက်တတ်တဲ့ ဒေါက်တာမလေး တစ်ယောက်နေရာကနေ ပါဝင်သရုပ် ဆောင်ထားတာဖြစ်ပါတယ်။

'' ဒီဇာတ်ကားကို မြန်မာနိုင်ငံမှာ ရုံတင်ကတည်း ကအရမ်းကြီးကို ပီတိဖြစ်ပြီးတော့ ပျော်နေတယ်။ အဲ့ဒီပီတိနဲ့တင် အဲလစ်ရဲ့ ရင်ထဲမှာ လုံလောက်နေပြီ။ ဒါပေမယ့် စင်ကာပူနိုင်ငံမှာလည်း ပြသခွင့်ရတော့မှာဆိုတော့ ပိုပြီးပျော်လာတယ်။ ဘာပဲဖြစ်ဖြစ် ကိုယ့်ရဲ့ ရင်ခုန်သံတွေက တစပြီးတစ များလာတာ ပြီးတော့ ဂုဏ်ယူတယ်'' လို့ အဲလစ်အုန်းက ပြောပါတယ်။

Dimensions ရုပ်ရှင်ဇာတ်ကားကို Bonanza production က ထုတ်လုပ်ကာ ဒါရိုက်တာ ဉာဏ်ထင်က ရိုက်ကူးပြီး ခါရာ၊ အဲလစ်အုန်း၊ ဂျာဆိုင်းအိန်၊ မင်းမြတ်စိုးစံ၊ ဦးဝင်းမြိုင်၊ ကောင်းစစ်သွေး၊ ဆုရွှေရည်ထူး၊ သီဟ၊ ဟန်ထူးနိုင်နဲ့ ရဲမွန်တို့က ပါဝင်သရုပ်ဆောင်ထားတာပါ။ ဒီဇာတ်ကားကို စင်္ကာပူနိုင်ငံမှာရှိတဲ့ Carnivla  အဆင့်မြင့်ရုပ်ရှင်ရုံတွေမှာ သြဂုတ်လ ၉ ရက်နေ့ကနေ ၁၂ ရက်နေ့ အထိ ရုံတင်ပြသသွား မှာဖြစ်ပါတယ်။