AD
AD
AD

မ နဲ့ မောင် စုံတွဲလေးဖြစ်တဲ့ G-Fatt နဲ့ အဆိုတော် နန်းဆုရတီစိုး တို့ရဲ့ အချစ်ရေးကတော့ နားလည်မှုအပြည့်ပေးပြီး ငြိမ်းငြိမ်း ချမ်းချမ်း ပါပဲ လို့ ဆိုပါတယ်။ နှစ်ယောက်စလုံးကလည်း အဆိုတော်တွေဖြစ်တာကြောင့် သီချင်းတွေ ပုံဖော်တဲ့အခါမှာလည်း တိုင်ပင်ဖြစ်ကြပါတယ်တဲ့။

play
Photo: နန်းဆုရတီစိုးဖေ့စ်ဘွတ်

 

အဆိုတော် G-Fatt နဲ့ အဆိုတော် နန်းဆုရတီစိုး တို့ စုံတွဲလေးက ပရိသတ်အားကျရတဲ့ စုံတွဲ တစ်တွဲဆိုရင်လည်း မမှားပါဘူး။ ပြီးတော့ သူတို့ စုံတွဲလေးက မ နဲ့မောင် စုံတွဲလေး ဖြစ်ပါတယ်။ နှစ်ယောက်စလုံးကလည်း အနုပညာရှင်တွေ ဖြစ်တာကြောင့် တစ်ယောက်နဲ့တစ်ယောက် လိုအပ်တာတွေကို ဖြည့်ဆည်းပေးလေ့ရှိတယ်လို့ G-Fatt က မီဒီယာတွေကနေတဆင့်ပြောပြလာပါတယ်။

'' ကျွန်တော်တို့က မ တွေ မောင် တွေတောင် မခေါ်ဖြစ်ပါဘူးခင်ဗျာ။ ဒီအတိုင်းပါပဲ အေးအေးချမ်းချမ်း ငြိမ်းငြိမ်းချမ်းချမ်း ပျော်ပျော်ရွှင်ရွှင်ပါ ပဲ။ ကိုယ်လုပ်ချင်တဲ့အလုပ်၊ ကိုယ်ဝါသနာပါတဲ့ အလုပ်တွေကို ဘယ်နေရာမှာ ဘာလိုအပ်နေသလဲ ဖြည့်ဆည်းပေးသလို၊ သူလုပ်ချင်တဲ့ အလုပ် တွေမှာ ကိုယ်ဘယ်နေရာက ပါဝင်ပေးလို့ရမလဲ ဆိုတာကို ဖြည့်ဆည်းပေးကြပါတယ်'' လို့ ဆိုပါတယ်။

play
Photo: ဂျီဖတ်ဖေ့စ်ဘွတ်Photo: ဂျီဖတ်ဖေ့စ်ဘွတ်

 

G-Fatt နဲ့ နန်းဆုရတီစိုးတို့ က တစ်ယောက်နဲ့ တစ်ယောက် ခရီးတွေ အတူတူသွားပြီး ပျော်ပျော်ပါးပါး အလှဓာတ်ပုံရိုက်ပြီး အွန်လိုင်း စာမျက်နှာပေါ် တင်လေ့ရှိပါတယ်။ ဒါကလည်း သူတို့ နှစ်ယောက်စလုံးအတွက်တော့ ဝါသနာတစ်ခုပါလို့ ဆိုပါတယ်။

'' ခရီးသွားဖြစ်ကြတာ များတယ်၊  အဲ့ဒီအတွက်လည်း အမှတ်တရတွေ အများကြီးဖြစ်တယ်။ ပြီးတော့ နှစ်ယောက်စလုံးကလည်း ခရီးသွားရတာ ဝါသနာလည်းပါတယ်၊ ကြိုက်လည်း ကြိုက်ကြတယ်'' ဆိုပြီးတော့ G-Fatt ( One Man Showအတွက် စာနယ်ဇင်းမိတ်ဆက်)ပွဲမှာ ဖြေဆိုခဲ့တာပါ။

play
Photo: ဂျီဖတ်ဖေ့စ်ဘွတ်

 

ဝါသနာအတူ၊ အကြိုက်တူကြတဲ့ G-Fatt နဲ့ နန်းဆုရတီစိုး တို့ စုံတွဲလေးက တစ်ယောက်နဲ့ တစ်ယောက် နားလည်မှုတွေနဲ့ လက်တွဲလာခဲ့ ကြ တယ်လို့ သိရပါတယ်။ တစ်ယောက်နဲ့ တစ်ယောက်ကလည်း ဂီတသမားတွေ ဖြစ်တာကြောင့် သီချင်းတွေ ပုံဖော်တိုင်းမှာ တစ်ယောက်နဲ့ တစ်ယောက် အကြံပြုလေ့ရှိကြပါတယ်။

'' ကံစပ်တယ်လို့လည်း ပြောလို့ရတာပေါ့။ သူလည်း သီချင်းတွေ သွင်းတဲ့အချိန်မှာရော ကိုယ်စိတ်တိုင်းအကျဆုံးဖြစ်အောင် ကြိုးစားပေးတယ်။ ဒါကတော့ သူ့ကြိုးစားမှုလည်း ပါပါတယ်။ ကျွန်တော်ကလည်း သေသေချာချာ ဖန်တီးပေးဖြစ်ပါတယ်'' လို့ G- Fatt က ဆက်လက်ပြောပြထား ပါတယ်။

play
Photo: နန်းဆုရတီစိုးဖေ့စ်ဘွတ်

 

G Fatt ရဲ့ တစ်ကိုယ်တော်ဖျော်ဖြေပွဲကို နိုဝင်ဘာလ ၁၁ ရက်နေ့ ည ၆ နာရီ အချိန် ကန်တော်ကြီး မျှော်စင်ကျွန်းမှာ ကျင်းပပြုလုပ်သွားမယ် လို့ သိရပါတယ်။ G Fattဟာ ဂီတလောကထဲမှာ လူငယ်ကောင်မလေးတွေရဲ့ အားပေးမှု အခိုင်အမာရရှိထားသူ တစ်ဦးဖြစ်ပါတယ်။ လက်ရှိမှာ ရှိုးပွဲတွေ ဆက်တိုက်ဆိုဖြစ်နေတဲ့ G Fatt က တစ်ကိုယ်တော် အခွေဖြစ်တဲ့ 120/B ဆိုတဲ့ အခွေကို နောက်ဆုံးထွက်ရှိထားပါတယ်။

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD