Photo: သံသာဝင်းဖေ့စ်ဘွတ်

'' အနုပညာရှင်တွေရဲ့ဘဝက Helium Balloon လိုပဲသားရေကိုလေထိုးပြီးချိန် အကြီးကြီးဖြစ်ပြီးဟိုးအမြင့်ဆုံးထိ တက်သွားကြတယ်'' ဆိုပြီးတော့ အနဂ္ဂတစ်ယောက် အနုပညာရှင်တွေ ရဲ့ ဘဝကို ပုံဖော်ရေးသားခဲ့ပါတယ်။ ဒီစာလေးကိုလည်း ဇူလိုင်လ ၂၀ ရက်နေ့ ည ၁၁ နာရီက သူ့ရဲ့ ဖေ့စ်ဘွတ်ပေါ်မှာ ဘောလုံးပုံ ဓာတ်ပုံနဲ့ အတူ စာရေးတင်ခဲ့တာဖြစ်ပါတယ်။

Photo: သံသာဝင်းဖေ့စ်ဘွတ်

အနဂ္ဂဟာ အနုပညာအလုပ်တွေနဲ့ ပတ်သက်ပြီး သီချင်းရေးတယ်၊ ဖျော်ဖြေပွဲတွေ ဆိုတယ်၊ Music Studio နဲ့ သီချင်းအသစ်တွေ ဖန်တီးလျှက်ရှိပါတယ်။ အဲ့ဒီနောက် အမြဲတမ်း နားလည်ပေးတတ်တဲ့ ဇနီးချော အဆိုတော် သံသာဝင်းရယ် ချစ်စရာကောင်းတဲ့ တစ်ဦးတည်း သော သမီးလေး ကေသရီအနဂ္ဂလေးနဲ့အတူ ပျော်စရာကောင်းတဲ့ မိသားစုဘဝလေးကို တည်ဆောက်ထားပါတယ်။

Photo: သံသာဝင်းဖေ့စ်ဘွတ်

သမီးလေးအတွက် နာမည်ပေးကင်ပွန်းတပ်ပွဲကျင်းပခဲ့တဲ့ အနဂ္ဂ နဲ့သံသာဝင်း 

အနဂ္ဂကိုတော့ Rap ဂီတအဖွဲ့ကို စတင်လိုက်တဲ့ အက်ဆစ် အဖွဲ့ကနေ ပရိသတ်တွေ စတင်အားပေးလာကြတာဖြစ်ပါတယ်။ သံသာဝင်း ကိုတော့ အသံစူးစူးလေးနဲ့ အချစ်သီချင်း အေးအေးလေးတွေကနေတဆင့် ပရိသတ်တွေအားပေးခဲ့ကြတာပါ။ သံသာဝင်းဟာ ဝါရင့်ဂီတ ပညာရှင်တစ်ဦးဖြစ်တဲ့ အဆိုတော်နွဲ့ယဉ်ဝင်းရဲ့ သမီးဖြစ်ပါတယ်။

Photo: သံသာဝင်းဖေ့စ်ဘွတ်

အဆိုတော် သံသာဝင်းဟာ ဝါရင့်ဂီတအနုပညာရှင် နွဲ့ယဉ်ဝင်းရဲ့ ဂီတမျိုးဆက်သစ် ဆိုရင်လည်း မမှားပါဘူး။ အနုပညာရှင်တွေ ဖြစ်ကြ တဲ့ အနဂ္ဂနဲ့ သံသာဝင်းတို့ ကတော့ အိမ်ထောင်ကျပြီးတဲ့ နောက်ပိုင်းမှာ မိသားစုအပေါ် အချိန်ပေးနေရတဲ့အတွက် ဂီတ အလုပ်တွေ ကို အနည်းအကျဉ်းသာ လုပ်နေတာကို တွေ့ရပါတယ်။