AD
AD
AD
play

 

အဆိုတော်မျိုးကြီးက ရန်ကုန်ပရိသတ်တွေ စောင့်မျှော်နေကြတဲ့ IC Show ပွဲကြီးကို ပြုလုပ်မယ်လို့ ဆိုပါတယ်။ ရှိုးပွဲပြုလုပ်မယ့် အချိန်နဲ့ နေရာလည်း အတည်ပြုပြီးသွားပါပြီ။

'' ဇွန် ၁၆ ရက်နေ့မှာ ကျွန်တော်တို့ IC Show ပွဲရှိပါတယ်။ မင်းဓမ္မလမ်း MEP မှာလုပ်မှာပါ။ ဒီပွဲကတော့ မိုးရာသီလည်း ဖြစ်တဲ့အတွက် Indoor ပေါ့နော်။ Indoor ဆိုတော် တစ်မျိုးလေး ပျော်စရာကောင်းမှာပါ။ ရန်ကုန်မှာ မလုပ်ဖြစ်တာ တော်တော်ကြာသွားပြီ။ နယ်မှာ လုပ်ဖြစ်တာက များနေတယ်။ ရန်ကုန်က ပရိသတ်တွေနဲ့ မတွေ့တာကြာတော့လည်း လွမ်းနေပြီ။ ကျွန်တော်တို့ အနေနဲ့ RC ခေါင်းစဉ်အောက်ကပဲ လုပ်မှာပါ။ RC IC ပေါ့'' လို့ မျိုးကြီးက မေလ ၃၀ ရက်နေ့မှာ OPPO F7 & F7 Youth မိတ်ဆက်ပွဲကို တက်ရောက်လာရင်းနဲ့ မီဒီယာတွေကို ဖြေကြားခဲ့ပါတယ်။

play

 

IC Show ပွဲတချို့မှာတော့ မျိုးဆက်သစ် ဂီတဝါသနာရှင်တွေကို ထည့်သွင်းသီဆိုလေ့ရှိပြီး အများအားဖြင့်တော့ IC အဖွဲ့ချည်းပဲ သီးသန့် သီဆိုလေ့ရှိတယ်လို့ ဆိုပါတယ်။

'' တစ်ကိုယ်တော်ကတော့ မလုပ်ဖြစ်သေးဘူး လိုပါသေးတယ်။ နည်းနည်းတော့ ကြာဦးမယ်။ တစ်ခါတလေ မျိုးဆက်သစ်တွေနဲ့လည်း ကျွန်တော်တို့ ပရိသတ်တွေ ရိုးအီမသွားအောင် ကျွန်တော်တို့ ပွဲတိုင်းမှာလည်း မျိုးဆက်သစ်တွေက မပါဖြစ်ဘူးလေ။ မျိုးဆက်သစ် တွေ ပါတော့လည်း ပျော်စရာကောင်းပါတယ်။ ကလေးတွေက ဆိုနိုင်၊ တီးနိုင်ကြတယ်'' လို့ ဆိုပါတယ်။

play

 

အဆိုတော်မျိုးကြီးရဲ့ တေးသီချင်းတွေကတော့ လူငယ်တွေကြားမှာ ရေပန်းစားလျှက်ရှိပါတယ်။ '' မင်းရှိတဲ့ မြို့ ၊ ယူလိုက်၊ အရင်းနှီးဆုံး'' စတဲ့ သီချင်းတွေကလည်း လူငယ်ပရိသတ်တွေရဲ့ ခံစားချက်နဲ့ ထပ်တူကျခဲ့တဲ့ သီချင်းတွေလည်းဖြစ်ပါတယ်။ မျိုးကြီးဟာ Iron Cross Music Band (IC) ရဲ့ အဖွဲ့ ဝင်တစ်ဦးဖြစ်ပါတယ်။ IC ဟာလည်း မြန်မာနိုင်ငံရဲ့ ဂီတလောကမှာ ဒီနေ့အချိန်ထိ ပရိသတ်အားပေးမှု အများဆုံး နေရာမှာရှိနေတုန်းပါပဲ။

ဤအကြောင်းအရာကို သင်ဘယ်လိုထင်ပါသလဲ။
AD

AD