AD
AD
AD

အမျိုးသားကဇာတ်ရုံမှာကျင်းပပြုလုပ်ခဲ့တဲ့ ရုပ်ရှင်ညီလာခံ ပွဲကို တက်ရောက်လာတဲ့ သရုပ်ဆောင်အကယ်ဒမီနေတိုးကတော့ ညီလာခံအတွင်း မှာ အနုပညာအလွှာအသီးသီးမှာရှိတဲ့ လိုအပ်ချက်တွေ အပေါ် သိမြင်ခွင့်ရတဲ့အတွက် သူ့ရင်ထဲက ခံစားချက်ကိုလည်း Duwun Media ကနေပြောပြခဲ့ပါတယ်။

play

 

'' ရုပ်ရှင်အလွှာအသီးသီးက ရုပ်ရှင်ကို စနစ်တကျတည်ဆောက်ချင်တယ်၊ သူတို့ကိုပေးတဲ့ အနုပညာအပေါ် ခံစားခွင့်၊ အနုပညာဖန်တီးမှုနဲ့ ပတ်သက်ပြီးတော့လည်း တကယ်ကိုထိထိရောက်ရောက်နဲ့ နောက်ဆုံး ပရိသတ်ဆီရောက်သွားတဲ့နောက်ဆုံးရလဒ်ဟာ ကြည့်ရှုရတဲ့ ပရိသတ် တွေရဲ့ အားရကျေနပ်မှုကို နောက်ဆုံးဦးတည်ထားတယ်။ ကျွန်တော်တို့ ညီအစ်ကိုမောင်နှမတွေ စိတ်တစ်ခုတည်း ခံစားချက်အားလုံး အတူတူ တွေ့ရတဲ့အခါကျတော့ ကျွန်တော်တို့တွေလည်း ဝမ်းသာပီတိဖြစ်ရပါတယ်''လို့ သူကဆိုပါတယ်။

play

 

သရုပ်ဆောင်အလွှာကိုယ်စားပြုအနေနဲ့ ညီလာခံကို တက်ရောက်လာတဲ့ နေတိုးကတော့ သရုပ်ဆောင်တစ်ယောက်အနေနဲ့ အကြံပြုချက်တွေ အပေါ်မှာလည်း အခုလိုပြောပြခဲ့ပါသေးတယ်။

'' အဘက်ဘက်က ပြည့်စုံအောင်ဆွေးနွေးတာပေါ့နော်။ ဒီထဲမှာမှ အပိုင်း ၂ ပိုင်းရှိပါတယ် တစ်ခုကတော့ ချက်ချင်းပြင်လို့ရတဲ့ဟာရှိသလို ဖြေးဖြေးချင်း ကျွန်တော်တို့ ကြိုးစားပြီးတော့ တည်ဆောက်သွားရမယ့် အပိုင်းတွေရှိတယ်။ အဓိက အနေနဲ့ ကျွန်တော်တို့ တိုင်ပင်ဆွေးနွေး လိုက်တဲ့အခါမှာတော့ တစ်ယောက်ရဲ့လိုအပ်ချက်တွေကို တစ်ယောက်မြင်နိုင်သွားတယ်။ အလွှာအသီးသီးမှာရှိတဲ့ လိုအပ်ချက်တွေကိုလည်း တရားဝင်မြင်သွားတယ်ပေါ့။ တကယ်ဖြစ်သင့်ဖြစ်ထိုက်တယ်၊ လုပ်သင့်လုပ်ထိုက်တဲ့ အပိုင်းလေးတွေကို ကျွန်တော်တွေ့ရပါတယ်'' လို့ အကယ်ဒမီနေတိုးက ပြောပါတယ်။

play

 

ရုပ်ရှင်ညီလာခံကနေ ရရှိလာမယ့် ရလဒ်အပေါ် အနုပညာလောကကြီးအတွက် အပြောင်းအလဲတစ်ခုဖြစ်လာစေနိုင်မယ့်အပေါ် နေတိုးရဲ့ သုံးသပ်ချက်လေးကိုလည်း အခုလိုဖွင့်ပြောပြခဲ့ပါတယ်။

'' ပြောင်းလဲတယ်ဆိုတာက ကျွန်တော်တို့ရဲ့ ဦးတည်ချက်ပေါ့နော် ရုပ်ရှင်ဆိုတာက ခေတ်အဆက်ဆက်ပျောက်ကွယ်သွားမယ့် အရာမဟုတ်ဘူး၊ ကျွန်တော်တို့ မရှိတဲ့အချိန်မှာလည်း ရုပ်ရှင်ဆိုတာ ရှိနေဦးမှာပဲ ကျွန်တော်တို့ မရှိခဲ့တဲ့ အချိန်တုန်းကလည်း ရုပ်ရှင်ဆိုတာ ရှိခဲ့တာဖြစ်တဲ့အတွက် ဒီရုပ်ရှင်ကို သယ်ဆောင်တဲ့ အချိန်အခါတစ်ခုမှာ ကျွန်တော်တို့ရဲ့ လုပ်ဆောင်ချက်တွေက တကယ်ထိထိရောက်ရောက်နဲ့ ပရိသတ်ကို အကျိုးပြု နိုင်ဖို့ လိုတယ်လေ။ အဓိက ကတော့ ရုပ်ရှင်ဆိုတဲ့ Image တစ်ခုကိုပဲ အကောင်းဆုံးဖြစ်အောင် အချိန်အခါမှာ တည်ဆောက်ကြရတာပါပဲ'' လို့ ဆိုပါတယ်။

play

 

ရုပ်ရှင်ညီလာခံကိုတော့ ဒီဇင်ဘာလ ၁၂ ရက်နေ့က အမျိုးသားကဇာတ်ရုံမှာကျင်းပပြုလုပ်ခဲ့တာဖြစ်ပါတယ်။ ဒီညီလာခံကတော့ ဆယ်စုနှစ် ပေါင်းများစွာ မကျင်းပနိုင်ခဲ့တဲ့ ညီလာခံတစ်ခုဖြစ်ပြီး ၂၀၁၇ ခုနှစ် မြန်မာနိုင်ငံရုပ်ရှင်အစည်းအရုံး ဥက္ကဌဦးဇင်ဝိုင်းလက်ထပ်မှသာ ပြန်လည် ကျင်းပခွင့်ရခဲ့တဲ့ ညီလာခံကြီးလည်းဖြစ်ပါတယ်။ ဒီ ညီလာခံကိုတော့ အနုပညာရှင်များ၊ အသိပညာရှင်များ၊ အတတ်ပညာရှင်များစွာတို့က တက်ရောက်လာကြပါတယ်။

Photo:Duwun

See More

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD