အဆိုတော် နီနီခင်ဇော်ရဲ့ အောင်မြင်တဲ့ သီချင်းတစ်ပုဒ်ဖြစ်တဲ့ Stand by me ( Acoustic version ) MTV အသစ်လေးကို GBT တွေရဲ့ ချစ်ခြင်းမေတ္တာတွေ ဖွဲ့ဆိုထား တဲ့ ပုံရိပ်လေးများနဲ့ ထည့်သွင်းရိုက်ကူးထားတာဖြစ်ပါတယ်။ ဒီ MTV လေးထဲမှာ တော့ ပရိသတ်အချစ်တော် အနုပညာရှင်တွေရဲ့ စုံတွဲလေးတွေက ပါဝင်သရုပ်ဆောင်ထားတာပါ။
Photo: Ni Ni Khain Zaw Facebook
အဆိုတော် နီနီခင်ဇော်ရဲ့ အောင်မြင်တဲ့ သီချင်းတစ်ပုဒ်ဖြစ်တဲ့ Stand by me ( Acoustic version ) MTV အသစ်လေးကို သြဂုတ်လ ၁၃ ရက်နေ့ည ၈ နာရီခွဲ လောက်က ပရိသတ်နဲ့ မိတ်ဆက်လိုက်ပါတယ်။ ဒီသီချင်းအမျိုးအစားနဲ့ ဖန်တီးမှုလေးကိုတော့ LGBT တွေရဲ့ ချစ်ခြင်း မေတ္တာတွေကို ဖွဲ့ဆိုထား တဲ့ ပုံရိပ်လေးတွေ ထည့်သွင်းထားတာဖြစ်ပါတယ်။
Photo: Ni Ni Khain Zaw Facebook
Stand by me သီချင်းထဲမှာတော့ သရုပ်ဆောင် အောင်မြင့်မြတ် နဲ့ အိမီမီကို ၊ မိတ်ကပ် မေဦးနဲ့ ဟန်လင်း၊ မိတ်ကပ် မထက် နဲ့ စိုင်းတွမ်ခမ်၊ ယမင်းစုမော် နဲ့ သဲသဲ၊ ဖြိုးဖြိုးနဲ့ မျိုးဦး စတဲ့ ချစ်သူ စုံတွဲလေးတွေက ပါဝင်သရုပ်ဆောင်ထားပြီး စောစန္ဒီနိုင်နဲ့ နီနီခင်ဇော် တို့ကလည်း ပါဝင် ထားပါတယ်။ ဒီ MTV လေးကိုတော့ အဖြူရောင်ကာလာတွေ သုံးပြီး ဆန်းဆန်းပြားပြား လေးဖန်တီးထားတာကိုလည်း တွေ့ရပါတယ်။
Photo: Ni Ni Khain Zaw Facebook
အဝင်းနဲ့ ရွှေမှုံရတီ သရုပ်ဆောင်ထားတဲ့ နီနီခင်ဇော်ရဲ့ Music Video
Stand by me ရဲ့ Acoustic version အသစ်လေးကိုတော့ ပရိသတ်နဲ့ မိတ်ဆက်ပေးလိုက်တဲ့ ၁၈ နာရီအတွင်းမှာလည်း အားပေးကြည့်ရှုသူ ပရိသတ်ပေါင်း ၂သိန်း ၇ သောင်း ၄ထောင် ၂၀ ဦး ရှိခဲ့ပါတယ်။ သီချင်းပုံစံလေးကတော့ R&B Music ပုံစံလေးဖြစ်ပြီး ပရိသတ်တွေကလည်း အရမ်းကောင်းတဲ့အကြောင်း Comment တွေ ဝေဝေဆာဆာရှိခဲ့ပါတယ်။ လိင်တူချစ်သူ တွေရဲ့ ချစ်ခြင်းမေတ္တာ၊ ဆန့်ကျင်ဘက်လိင် နဲ့ ချစ်ခြင်းမေတ္တာ တို့ကို ပုံဖော်ရိုက်ကူးထားတာဖြစ်ပါတယ်။
Photo: Ni Ni Khain Zaw Facebook
နီနီခင်ဇော်ဟာ ဇွန်လ အတွင်းတုန်းကလည်း အချစ်သီချင်းအသစ်လေးတစ်ပုဒ်ဖြစ်တဲ့ '' ချစ်လျှက်နဲ့ လမ်းခွဲ'' ဆိုတဲ့ သီချင်း MTV လေးကို ပရိသတ်နဲ့ မိတ်ဆက်ပေးခဲ့ပါတယ်။ ဒီသီချင်းလေးကလည်း ပရိသတ်အကြိုက်နဲ့ ထပ်တူကျခဲ့ပြီး အောင်မြင်မှုများစွာ ရရှိခဲ့ပါတယ်။ နီနီခင်ဇော်က Melody World သီချင်းဆို ပြိုင်ပွဲကနေ စပြီး ဂီတလောကထဲကို ဝင်ရောက်လာတာဖြစ်ပါတယ်။