AD
AD
AD

အွန်လိုင်းပေါ်က မိန်းကလေးပရိသတ်တွေရဲ့ အားပေးခြင်းခံထားရတဲ့ ပိုင်အုပ်စိုးအောင်က အခုဆိုရင် ရုပ်ရှင်ဇာတ်ကားကြီးတွေ ရိုက်ကူးနေရ ပြီဖြစ်ပါတယ်။ အနုပညာအလုပ်လုပ်နေတဲ့သူဖြစ်တာကြောင့် ဘာသာရေးကိုလည်း ကြိုးကြိုးစားစား လုပ်တယ်လို့ ပြောပါတယ်။ ချစ်တဲ့ ပရိသတ်ရှိသလို မုန်းတဲ့ ပရိသတ်တွေလည်း ရှိတဲ့ သူ့ရဲ့  ခံစားချက်ကိုလည်းပြောပြခဲ့ပါတယ်။

play

 

အွန်လိုင်းပေါ်ကနေ မိန်းကလေးပရိသတ်အားပေးမှု အများကြီးရရှိထားတဲ့ ပိုင်အုပ်စိုးအောင် က အခုဆိုရင်တော့ ရုပ်ရှင်ဇာတ်ကားကြီးတွေ ရိုက်ကူးနေရပါပြီ။ သူ့အနေနဲ့ သရုပ်ဆောင် ဟဲဗီဖြိုးနဲ့အတူ ရုပ်ရှင်ဇာတ်ကားကြီးရိုက်ကူးထားတယ်လို့ သိရပါတယ်။ ဟဲဗီးဖြိုးကလည်း သူ့ရဲ့ ကာရိုက်တာနဲ့ ပတ်သက်ပြီး သေချာ သင်ကြားပေးတယ်လို့ ပြောပါတယ်။

'' အစပိုင်းကတော့ ကျွန်တော်က ရှိန်တာပေါ့နော်၊ သူက ရုပ်ရှင်ကားကြီးတွေလည်း ရိုက်နေရတဲ့ မင်းသားပဲလေ။ ဒါပေမယ့် ရိုက်နေတဲ့ အချိန် အတွင်းမှာ သူက ကျွန်တော့်ကို အများကြီးပညာတွေသင်ပေးတယ်။ သူနဲ့ ရိုက်ခဲ့ရတဲ့ ဇာတ်ဝင်ခန်းတိုင်းကတော့ အမှတ်တရ ရှိပါတယ်'' လို့ ကြွေ ရုပ်ရှင်ကားကြီးအထူးပြပွဲကို တက်ရောက်ရင်း Duwun Media ရဲ့ အင်တာဗျူးမှာ ဖြေဆိုခဲ့ပါတယ်။

play
Photo: ပိုင်အုပ်စိုးအောင်ဖေ့စ်ဘွတ်

 

အနုပညာရှင်တစ်ယောက်ဖြစ်လာဖို့ ဆိုတာ အရမ်းကို ခက်ခဲတယ်လို့ သူကဆိုပါတယ်။ အယောက် ၁၀၀ မှာ ၁၀ ယောက်လောက်က ဖြစ်ချင်တိုင်း ဖြစ်ခွင့်မရှိတဲ့အတွက်  ဘာသာရေးကိုလည်း ကြိုးကြိုးစားစားလုပ်တယ်လို့ ပြောပါတယ်။ ဘာသာရေးနဲ့ အနုပညာအလုပ်ကို တွဲလုပ်ဖြစ်တယ်လို့ ပိုင်အုပ်စိုးအောင်က ပြောပါတယ်။

'' ကျွန်တော်ကတော့ ဘုရား၊ တရားလုပ်တယ်။ တစ်ပတ်တစ်ခါ ဘုရားသွားတယ်။ ဂုဏ်တော်ကိုးပါးကိုလည်း ပုတီး တစ်ပတ်ပြည့်အောင် စိပ်တယ်။ အဓိဋ္ဌာန်လည်း ဝင်တယ်။ အနုပညာအလုပ်ဆိုတာက ၁၀၀ မှာ ၁၀ ယောက်လောက်ဖြစ်တာဆိုတော့ ကိုယ်တိုင်ကလည်း ဘာသာ တရားကိုင်းရှိုင်းမှ ဖြစ်တာလေ'' လို့ ဆိုပါတယ်။

 

play
Photo: ပိုင်အုပ်စိုးအောင်ဖေ့စ်ဘွတ်

 

ပိုင်အုပ်စိုးအောင်ဟာ မိန်းကလေးပရိသတ်အများကြီးတို့ရဲ့ ချစ်ခင်အားပေးမှုကို ပိုင်ဆိုင်ထားပေမယ့် ဝေဖန်တိုက်ခိုက်ကြတဲ့ ပရိသတ်တွေ လည်းရှိပါတယ်။ သူ့ရဲ့ ဓာတ်ပုံတွေနဲ့ ဟာသပုံတွေဖန်တီးပြီး အွန်လိုင်းပေါ်မှာ ဖြန့်ကြတဲ့ အပေါ် သူ့ရဲ့ ခံစားချက်ကို အခုလို ပြောပြခဲ့ပါတယ်။

'' အွန်လိုင်းပေါ်မှာလည်း ပရိသတ်တွေက Troll တာပေါ့နော်။ အသေအကြေကို Troll ကြတာဆိုတော့ ကြာလာတော့လည်း အရေခွံထူနေပါပြီ။ Troll တာများလာတော့လည်း ဘယ်တတ်နိုင်မလဲ မေတ္တာသုတ်ပဲ ရွတ်နေရတော့မှာပေါ့။ Uke တဲ့ ဘာတဲ့ Gay ဆိုလား ဘာလားပေါ့။ အဲ့ဒီအခါကျရင်လည်း မေတ္တာသုတ် ရွတ်တာပေါ့'' လို့ သူက ဆိုပါတယ်။

play

 

ပရိသတ်တွေ အနေနဲ့ကလည်း ပိုင်အုပ်စိုးအောင်ကို ဆက်အားပေးပါတဲ့။  သူက Gay တစ်ယောက်မဟုတ်ပါဘူးလို့လည်းပြောပါတယ်။ ပရိသတ်အားပေးရကျိုးနပ်အောင်လည်း ပိုကြိုးစားသွားမယ်။ အနုပညာအလုပ်နဲ့ ပတ်သက်လို့ အခွင့်အရေးရရင် ရရှိလာတဲ့ အခွင့်အရေးကို အကောင်းဆုံး အသုံးချပြီး ကြိုးစားသွားပါမယ်လို့ သူကပြောခဲ့ပါသေးတယ်။

Postby

 

ဤအကြောင်းအရာကို သင်ဘယ်လိုထင်ပါသလဲ။
AD

AD