AD
AD
AD
play

 

မေမေသက်မွန်မြင့်က အမေများနေ့မှာ သားသားလေးဆီက လက်ဆောင်ရလို့ ပျော်နေပါတယ်။ မေလ(၁၃) ရက်နေ့မှာကျရောက်တဲ့ အမေများနေ့မှာ သားလေးအားချစ်ဆီကနေ လက်ဆောင်ရခဲ့ပါတယ်။ သူ့ကို ပေးတဲ့ လက်ဆောင်က သားလေးကိုယ်တိုင် ဖန်တီးထားတဲ့ လက်ဆောင်လေးပါတဲ့။

"Happy Mother’s Day!

ဒီနှစ်တော့ သားလေး ကိုယ်တိုင် ဖန်တီးပေးတဲ့ လက်ဆောင်နဲ့ သာယာကျေနပ်..

ဆရာမလေးတွေကို ကျေးဇူးအများကြီးတင်ပါတယ်။ သူရဲကောင်းမေမေများကိုလည်း နေ့ရက်တိုင်းပဲ ပျော်ရွှင်စိတ်ချမ်းသာနိုင်ကြပါစေလို့.." ဆိုပြီး သူမရဲ့ ဖေ့စ်ဘွတ်ပေ့ခ်ျလေးမှာ တင်ထားတာ တွေ့ရပါတယ်။

play

 

သားလေးအားချစ်ကိုယ်တိုင် လုပ်ပေးတဲ့ လက်ဆောင်လေးက လည်း ချစ်ဖို့ကောင်းပါတယ်။ သက်မွန်မြင့်ဟာ သူမရဲ့ မိသားစု သားသမီးလေးတွေကို အရမ်းချစ်တတ်တဲ့မိခင်တစ်ဦးဖြစ်ပါတယ်။ အောင်မြင်တဲ့အနုပညာရှင်တစ်ယောက်ဖြစ်ပေမယ့် ရင်သွေးလေးတွေကို အနီးကပ် ပြုစုစောင့်ရှောက်ပေးနေသူလည်း ဖြစ်ပါတယ်။

အနုပညာကို ချစ်ခင်တဲ့သူမက ကလေးတွေရလာတဲ့အချိန်မှာ သူမချစ်တဲ့ အနုပညာကို ခဏတာ စွန့်လွှတ်လိုက်ရတဲ့ အချိန်တွေလည်း ရှိခဲ့ပါတယ်။ အခုဆိုလည်း ကလေးတွေကို ပြုစုရင်း သူမချစ်တဲ့ အနုပညာအလုပ်တွေကို ပြန်လည်လုပ်ကိုင်နေပြီဖြစ်ပေမယ့်လည်း ကလေးတွေနဲ့ အချိန်လုပြီး ဖြတ်သန်းနေရတဲ့သူမရဲ့ မိခင်ဘဝလေးကိုလည်း Duwun Media ကို ပြောပြခဲ့ဖူးပါတယ်။

play

 

"မိခင်ဘဝက တစ်ကယ်တော့ မလွယ်ပါဘူး။ သူတို့လေးတွေ ကိုယ်ဝန်စရှိတဲ့အချိန် လူဖြစ်ဖို့စကတည်းက ကိုယ်တွေမှာ အများကြီး ပြောင်းလဲရတာတွေ ရှိတယ်။ အနေအထိုင် အစားအသောက်၊အားလုံးပေါ့။လက်ထဲရောက်လာတော့လည်း သူတို့လေးတွေ ရှင်သန်ကြီးထွားဖို့ အများကြီး ပြုစုပျိုးထောင်ရတယ်။ ကိုယ့်ဘဝတစ်ခုလုံးကိုပေးလိုက်ရတယ် သက်မွန်ဆို အနုပညာသမားတစ်ယောက် ကလေးမွေးနေ့တဲ့ အချိန်မှာ ကိုယ်ချစ်တဲ့ အနုပညာအလုပ်ကို စွန့်လွှတ်လိုက်ရတယ်။ကိုယ်လွမ်းတယ်။ ဒါပေမယ့် မတတ်နိုင်ဘူး ကိုယ်က ကလေးလိုချင်တယ်။ ကလေးချစ်တယ်။အပျိုဘဝမှာကတည်းက အနုပညာအလုပ်လုပ်ရတာ ပင်ပန်းတာ ကလေးတွေနဲ့ဆိုတော့ မလွယ်ဘူးပါဘူး။ အချိန်တွေကလည်း ရှားတယ်။ တော်တော်တော့ ခက်ခဲတယ်ပင်ပန်းတယ်။ မိခင်ဆိုတော့လည်း ဒါတွေကဘာမှမဟုတ်သလိုပဲ ဖြစ်သွားတာပါပဲ။ သူတို့ရဲ့ ရယ်သံလေးတွေ ကြားရရင် ကိုယ်ပင်ပန်းသမျှတွေ အကုန်လုံးမေ့သွားတာပဲ။" လို့ ဆိုပါတယ်။

သက်မွန်မြင့်ဟာ လက်ရှိမှာ မိသားစုကို အချိန်ပေးရင်း သူမချစ်တဲ့အ နုပညာအလုပ်တွေကို လုပ်ကိုင်လျက်ရှိပါတယ်။ ပြီးခဲ့တဲ့ ရက်ပိုင်းလောက်ကတည်း နိုင်းနိုင်း၊ မင်းဦး၊ဘုဏ်းသိုက်တို့နဲ့အတူ စားကျက် ရုပ်ရှင်ဇာတ်ကားကြီးမှာ ပါဝင်ထားပါသေးတယ်။

play

 

၂၀၁၄ခုနှစ် ဖေဖော်ဝါရီ(၁၄) ရက်နေ့က ကိုစစ်နိုင်နဲ့ လက်ထပ်ခဲ့တဲ့ သက်မွန်မြင့်မှာယခုဆိုရင် သားလေးအားချစ်နဲ့ သမီးလေး လဝန်းမေတို့နဲ့အတူ ပျော်ရွှင်စရာကောင်းတဲ့ မိသားစုဘဝကို ပိုင်ဆိုင်ထားသူသူလည်း ဖြစ်ပါတယ်။

သက်မွန်မြင့်ကတော့ သရုပ်ဆောင်လောကမှာ ပရိသတ်အားပေးမှု ရရှိထားတဲ့ အနုပညာရှင်တစ်ဦးဖြစ်ပြီး ၂၀၁၂ခုနှစ်မှာ ဒါရိုက်တာဝိုင်း ရိုက်ကူးတဲ့ " အာဒံရယ်၊ ဧဝရယ်၊ ဒဿရယ်" ရုပ်ရှင်ဇာတ်ကားဖြင့် အကောင်းဆုံး အမျိုးသမီးဇာတ်ဆောင် ဆုကို ရရှိထားသူ တစ်ဦး ဖြစ်သလို ၂၀၁၆ခုနှစ်က ကျင်းပခဲ့တဲ့ မြန်မာ့ရုပ်ရှင်ထူးချွန် ဆုပေးပွဲမှာ "ချစ်လှစွာသောအမုန်း" ရုပ်ရှင်ဇာတ်ကားကြီးနဲ့ အမျိုးသမီးဇာတ်ဆောင်ဆုကို ရရှိထားသူ တစ်ယောက်ဖြစ်ပါတယ်။

Photo : သက်မွန်မြင့် ဖေ့စ်ဘွတ်

ဤအကြောင်းအရာကို သင်ဘယ်လိုထင်ပါသလဲ။
AD

AD