AD
AD
AD
play

 

သရုပ်ဆောင် ဝေဠုကျော် ဦးဆောင်တဲ့ ဝေဠုကျော်ဖောင်ဒေးရှင်းက စစ်ကိုင်းတိုင်းဒေသကြီး ၊ကန့်ဘလူမြို့နယ် မှာ မူလတန်း ကျောင်းဆောင် ဆောက်လုပ်လှူဒါန်းခဲ့ပါတယ်။ ဝေဠုကျော်ဟာဖောင်ဒေးရှင်းက ဆောက်လုပ်လှူဒါန်းခဲ့တဲ့  ကျောင်းမှာ လိုအပ်တဲ့ ကျောင်းသုံးပစ္စည်းတွေ သွားပြီး လှူဒါန်းခဲ့သလို ကလေးတွေနဲ့ ရွာသူရွာသားများကို ဖျော်ဖြေပေးခဲ့ကြတာ တွေ့ရပါတယ်။

play

 

ချစ်စရာ အမူအရာလေးများနဲ့ ကလေးတွေ ကျောင်းသူကျောင်းသားတွေ ရွာသူရွာသားများကို ဖျေ်ာဖြေခဲ့တဲ့ ဝေဠုကျော်ရဲ့ ပုံရိပ်လေးတွေက ချစ်ဖို့ကောင်းလှတာကို တွေ့ရပါတယ်။ သူတို့ရဲ့ လှူဒါန်းမှုကိုလည်း ဝေဠုကျော် ဖောင်ဒေးရှင်းရဲ့ ဖေ့စ်ဘွတ်ပေ့ခ်ျမှာ ယခုလို ပြောပြထားတာ တွေ့ရပါတယ်။

"ကလေးဆိုးများ ကို ဆရာမ အပြစ်ပေး

(ဝေဠုကျော်ဖောင်ဒေးရှင်း မှ ဆောက်လုပ် လှူဒါန်းထားသော စစ်ကိုင်းတိုင်းဒေသကြီး ၊ကန့်ဘလူမြို့နယ်၊ရေရှင်အုပ်စု၊

စမ်းချောင်းကျေးရွာ ၊ကိုယ့်အားကိုယ့်ကိုး မူလတန်းကျောင်းဆောင် ဖွင့်ပွဲ၌ ကျောင်းသုးံပစ္စည်းများ ကူညီထောက်ပံ့ပေးပြီး

ကျောင်းသားကျောင်းသူများနှင့် ရွာသူရွာသားများအား ဖျော်ဖြေ)" ဆိုပြီး ရေးသားထားတာတွေ့ရပါတယ်။

play

 

ဝေဠုကျော်ဟာ ပရိသတ်တွေ လေးစားအားကျရတဲ့ သရုပ်ဆောင် တစ်ဦးလည်း ဖြစ်ပါတယ်။ ဝေဠုကျော်ဟာ ၂၀၀၉ခုနှစ်ကစပြီး လူမှုအကျိုးပြုအလုပ်တွေကို လုပ်ကိုင်ဖို့ ဝေဠုကျော် ဖောင်ဒေးရှင်းကို စပြီး တည်ထောင်ဖြစ်ခဲ့တာပါ။ ဝေဠုကျော်က တော့ အနုပညာအလုပ်တွေသာမက ပရဟိတအလုပ်တွေကိုပါ အားတတ်သရော ပါဝင်လှုပ်ရှားနေသူ တစ်ဦး ဖြစ်ပါတယ်။

ရခိုင်အရေးကိစ္စမှာလည်း ပါဝင်လှုပ်ရှားခဲ့သလို ယခုထက်တိုင် မောင်တောဘက်မှာ လိုအပ်တာတွေကို ကူညီလုပ်ကိုင် ပေးလျက်ရှိပါ တယ်။ ထို့အပြင် ၂၀၁၆ ခုနှစ်ရဲ့ တစ်နှစ်တာအတွင်းမှာ ကြုံတွေ့ခဲ့ရတဲ့ မြန်မာနိုင်ငံရဲ့ စစ်ဘေး၊မီးဘေး၊ရေဘေး၊မြေပြိုမှုတွေမှာ အလျင်အမြန်အကူ အညီပေးနိုင်သူ  တစ်ဦးဖြစ်တဲ့ ဝေဠုကျော်ကတော့ 7Day News Journal ရဲ့ သူရဲကောင်းဆုကို ရရှိခဲ့ပါတယ်။

play

 

၂၀၁၇ခုနှစ် ဒီဇင်ဘာ(၁၅) ရက်နေ့ကလည်း ဝေဠုကျော်ဟာ ရခိုင်ပြည်နယ်နဲ့ ရခိုင်အကျိုးစီးပွားကို စွမ်းစွမ်းတမံ ဆောင်ရွက်နိုင်ခဲ့တဲ့ အတွက် ရခိုင်ဂုဏ်ဆောင်ဆုကို ချီးမြှင့်ခြင်းခံခဲ့ရပါတယ်။ပရဟိတလုပ်ငန်းများကို စိတ်ရောကိုယ်ပါနှစ်ပြီး လုပ်ကိုင်နေတဲ့ ဝေဠုကျော်နဲ့ သူတည်ထောင်ထားတဲ့ ဖောင်ဒေးရှင်းကတော့ အခက်အခဲတွေ့နေသူပြည်သူများအတွက် အားဆေးတစ်ခွက်လို့ဆိုရမှာပါ။

ဤအကြောင်းအရာကို သင်ဘယ်လိုထင်ပါသလဲ။
AD

AD