သရုပ်ဆောင် နေဆန်းရဲ့ ဇနီးနဲ့ သမီးလေးတို့ကတော့ စစ်ကိုင်းတိုင်း ဒေသကြီး ပုလဲမြို့နယ်နဲ့ ယင်းမာမြို့နယ်အတွင်းမှာရှိတဲ့ အလောင်းတော် ကဿဖ ပင်မလမ်းဖြစ်တဲ့ ရွှေဆံပင် လမ်းတံတားလမ်း အတွက် ရွှေဆံပင်ကျောင်းထိုင်ဆရာတော်ကို ရာသက်ပန် ဆံပင်အလှူအဖြစ် ဇွန်လ ၂၄ ရက်နေ့ မှာပဲ လှူဒါန်းခဲ့ကြတယ်လို့ သိရပါတယ်။
'' ရွှေဆံပင် လမ်းတံတား ရာသက်ပန် အလှူ သမီးလေး နေနုအလင်း နဲ့ ကျမ တို့ရဲ့ ဆံပင်ကို ကုသိုလ်စိတ်အားထက်သန်စွာ လှူဒါန်းခဲ့လို့ ဝမ်းသာပီတိ'' ဆိုပြီးတော့ သရုပ်ဆောင်နေဆန်းရဲ့ ဇနီးဖြစ်သူ ချောစု ရဲ့ ဖေ့စ်ဘွတ်အကောင့်မှာ ဇွန်လ ၂၄ ရက်နေ့ ဒီနေ့ ၁၁နာရီ ၅၅ မိနစ်က အမှတ်တရ ဓာတ်ပုံလေးတွေနဲ့ တကွ တင်ခဲ့တာဖြစ်ပါတယ်။
ဇနီး၊ သားသား၊ မီးမီးတို့ရဲ့ အချစ်တွေနဲ့ မွေးနေ့ကို ဖြတ်သန်းလိုက်တဲ့ နေဆန်း
သရုပ်ဆောင်နေဆန်းနဲ့ သူ့ရဲ့ ဇနီးဖြစ်သူတို့ဟာ ကိုယ်ပိုင်စီးပွားရေးတစ်ခုဖြစ်တဲ့ ချစ်တီး ထမင်းဆိုင်ကိုလည်း ဖွင့်လှစ်ထားပါတယ်။ စားသုံးသူ တွေလာရောက်အားပေးမှုကြောင့်လည်း အောင်မြင်လျှက်ရှိတယ်လို့ သိရပါတယ်။ အခုချိန်မှာလည်း အနုပညာအလုပ်တွေမှာ တစ်ဖက် တစ်လမ်းကနေ အားဖြည့်ကူညီပေးတတ်သူ ဇနီးချောရယ်၊ သားတစ်ယောက်၊ သမီးတစ်ယောက် တို့ကို ပိုင်ဆိုင်ထားတဲ့ ဖခင်တစ်ယောက် ဖြစ်ပါတယ်။ သူတို့ မိသားစုလေးကိုလည်း ပရိသတ်တွေက ချစ်ခင်အားပေးလျှက်ရှိကြပါတယ်။
သရုပ်ဆောင်နေဆန်းဟာ အနုပညာလောကမှာ ရပ်တည်လာတာ ဆယ်စုနှစ်တစ်စု ကျော်ခဲ့ပြီး ယနေ့အထိ နာမည်ရနေတဲ့ သရုပ်ဆောင်တတ်တစ်ယောက်လည်း ဖြစ်ပါတယ်။ ငယ်စဉ်က နှုတ်ခမ်းနီမလေးတွေရဲ့ အသည်းစွဲမင်းသားတစ်လက် ဖြစ်ခဲ့တဲ့ နေဆန်းဟာ အသက် ၄၀ ကျော် ၅၀ နားကပ်တဲ့အချိန်မှာလည်း ကျရာဇာတ်ရုပ်မှာ ပါဝင်သရုပ်ဆောင်ရင်း အနုပညာသမားအစစ်အမှန်ဖြစ်ကြောင်း ပြသနေသူလည်း ဖြစ်ပါတယ်။