လူရွှင်တော် သရုပ်ဆောင် ကြာစိက မေလတုန်းကလည်း ထီတစ်ကြိမ် ပေါက်ခဲ့ဖူးပါတယ်။ ဒီနှစ်ထဲမှာ ဒုတိယတစ်ကြိမ် ထီပေါက်တာ ဖြစ်ပါတယ်။
Photo : ကြာစိ FB
လူရွှင်တော် ကြာစိက ဇူလိုင်လအစကို ကံကောင်းခြင်းတွေနဲ့ စတင်လိုက်ပါတယ်။ ကံတွေ ဆက်တိုက်ကောင်းနေတဲ့ ကြာစိကို ကြည့်ပြီး ပရိသတ်တွေလည်း အားကျလို့ နေပါတယ်။ ဇူလိုင်လအမှာ ထီပေါက်လို့ ပျော်နေတဲ့ ကြာစိက သူ့ရဲ့ ဖေ့စ်ဘွတ်မှာ ယခုလို ရေးသားထားတာတွေ့ရပါတယ်။
"ကံ...ကောင်းတယ်ပေါ့နော် ကြွားအုံးမယ်.. ၅သောင်းဆု..၆ဆု..၃သိန်းပေါက်ပြန်ပြီဝေ့.." ဆိုပြီး ပြောထားတာပါ။ ကြာစိဟာ မေလတုန်း ကလည်း ထီပေါက်ခဲ့ပါသေးတယ်။ အခုလိုပဲ ငါးသောင်းဆု (၆)ဆုပေါက်ခဲ့တာပါ။ ပရိသတ်တွေကလည်း သူထီပေါက်တယ် ဆိုတဲ့အတွက် အားလုံးဝမ်းသာလို့ နေကြပါတယ်။
Photo : ကြာစိ FB
ကြာစိဟာ သူဝါသနာပါတဲ့ အနုပညာအလုပ် တွေ လုပ်ရင်းနဲ့ ရတဲ့ ကြေးငွေးတွေနဲ့ အလှူအတန်းတွေကိုလည်း အဆက်မပြတ်ပြုလုပ်နေသူဖြစ်ပါတယ်။အဲ့ဒီအချိန်တုန်းက သူတို့ဇနီးမောင်နှံက ရှင်(၉)ပါးစာအတွက် လိုအပ်တာတွေအားလုံးကို တာဝန်ယူလှူဒါန်းခဲ့တာပါ။
Photo : ကြာစိ FB
ကြာစိတို့ ဇနီးမောင်နှံဟာ ချစ်သူသက်တမ်း(၂)နှစ်ကျော်မှာ အိမ်ထောင်ပြုခဲ့တာ ဖြစ်ပါတယ်။လွန်ခဲ့တဲ့ သုံးနှစ်ခန့်က တောင်ကြီးမြို့ ရဲ့အလှူတစ်ခုမှာ သွားရောက်ဖျော်ဖြေရာက သူမနဲ့ ကြာစိတို့ တွေ့ဆုံခဲ့တာလည်း ဖြစ်ပါတယ်။အခုဆိုရင် ကြာစိနဲ့ ဆုဟန်နီဖြိုးတို့ မှာ ရင်သွေးရတနာလေးလွယ်ထားနေရပြီလို့ သိရပါတယ်။ အဲ့ဒီရင် သွေး လေးကတော့ သားလေး ဖြစ်ပါတယ်တဲ့။
5 Star အဖွဲ့ဝင် ကြာစိကတော့ ပရိသတ်အားပေးမှု ရရှိထားတဲ့ လူရွှင်တော် သရုပ်ဆောင် တစ်ယောက်ဖြစ်ပြီး ဒီနှစ်ထဲမှာပဲ သူ့ရဲ့ ဘဝမှန်အကြောင်းကို ရေးစပ်ထားတဲ့ သီချင်းဟာလည်း ပရိသတ်တွေကြား တော်တော်ပေါက်သွားခဲ့ပါတယ်။