Photo : ခိုင်နှင်းဝေ FB

ကိုရန်လေးဟာ သူမအတွက် ကျေးဇူးရှင် တစ်ယောက်ဖြစ်သလို ကလေးများစွာရဲ့ အသက်၊ လူနာပေါင်းများစွာကို ကယ်တင်မယ့်သူလဲ ဖြစ်သွားပြီလို့ ခိုင်နှင်းဝေက ပြောပါတယ်။

Photo : ခိုင်နှင်းဝေ FB

"အကို ကိုရန်လေးက သမီးအမှန်တကယ် လုပ်နေတဲ့သူတယောက်ဖြစ်လို့ သမီးလိုချင်တဲ့ လူနာတင်ကား အကို မတည်အလှူ လုပ်ပေးမယ်တဲ့။ အကိုက မတည်အလှူရှင်အဖြစ် ငွေကျပ် သိန်း (၇၀) လှူပေးတယ်။ ဘဝမှာ အပျော်ဆုံးနေ့များထဲကတစ်ရက်ပါပဲ။လူနာတင် ယာဉ်ဖြစ်မြောက် ဖို့ အကိုက မတည်ပေးလိုက်ပါပြီရှင်" လို့ သူမရဲ့ ဖေ့စ်ဘွတ်စာမျက်နှာမှာ ဇူလိုင်(၁၉) ရက်နေ့က ရေးသားထားပါတယ်။

သူမအတွက် ဘဝရဲ့ အပျော်ဆုံးနေ့များထဲက တစ်ရက်ဖြစ်တယ်တဲ့။ လူနာတင်ကား အမြန်ဝယ်နိုင်ဖို့အတွက် သဘင်အစည်းအရုံး ဥက္ကဌ ဖိုးချစ်က ဆက်ပြီး ကူညီပေးသွားမှာ ဖြစ်တဲ့အတွက် ထပ်ပြီး ဝမ်းသာရပါတယ်လို့ သူမရဲ့ ဖေ့စ်ဘွတ်မှာ ဆက်လက်ပြောပြထားပါတယ်။ လူနာတင်ကားဖြစ်မြောက်အတွက်ကိုလည်း ခိုင်နှင်းဝေအနေနဲ့ အလှူရှင်များကို ဖိတ်ခေါ်ထားပါသေးတယ်။

Photo : ခိုင်နှင်းဝေ FB

ခိုင်နှင်းဝေက လူနာတင်ကားဝယ်ဖို့ ကြိုးစားခဲ့ပေမယ့်လည်း လှူဒါန်းတဲ့ ငွေကြေးတွေ အားလုံးကို ချက်ချင်းလှူပေးနေတာကြောင့် လူနာ တင်ကား ဝယ်ဖို့ မတတ်နိုင်ခဲ့ပါဘူး။ ခိုင်နှင်းဝေကို လူနာတင်ကားလှူမယ်ဆိုပြီး သူမရဲ့ မာန်မာတွေ သိက္ခာတွေ ဆော်ကား ခံခဲ့ရဖူး သလို မိန်းကလေး ဆိုပြီ အထင်အမြင်သေးပြီး ငါးစာချတာတွေလည်း ခံခဲ့ရဖူးတယ်လို့ သူမက ပြောပါတယ်။

အခုတော့ သူမရဲ့ သစ္စာတရားမှန်ကန်မှုကြောင့် ဘုရားက ပေးတဲ့ မှန်ကန်တဲ့ စေတနာရှင်ကို တွေ့ခဲ့တာလို့ ဆိုပါတယ်။သူမအတွက်ကော သူမရဲ့ ပရဟိတအသင်းအတွက်ပါ ပရိသတ်တွေက ဝမ်းသာလို့နေကြပါတယ်။

Photo : ခိုင်နှင်းဝေ FB

ခိုင်နှင်းဝေဟာ ပရဟိတအလုပ်တွေနဲ့ ပတ်သက်လာရင် စွမ်းစွမ်းတမံဆောင်ရွက်နေသူတစ်ဦးပါ။ United Act ရဲ့ ကလေး သူငယ် လူကုန်ကူးမှု တားဆီးရေးဆိုင်ရာ အထူးသံတမန် ခန့်အပ်ခြင်း ခံရတဲ့ ခိုင်နှင်းဝေက အမျိုးသမီးတွေနဲ့ ကလေးတွေအတွက် အားတက်သရော ပါဝင်ကူညီ ဆောင်ရွက်ပေးနေသူ ဖြစ်ပါတယ်။

သရုပ်ဆောင်အကယ်ဒမီရန်အောင်ကတော့ သရုပ်ဆောင် ဘက်မှာလည်း အရည်အချင်းပြည့်ဝပြီး အကယ်ဒမီဆုတွေလည်း အများကြီး ပိုင်ဆိုင်ထားတဲ့ ဝါရင့်အနုပညာရှင် တစ်ယောက် ဖြစ်ပါတယ်။သူ့အနေနဲ့ ဂီတဘက်မှာလည်း အောင်မြင်မှုတွေရရှိထားတဲ့ အနုပညာရှင် တစ်ယောက် ဖြစ်ပါတယ်။