Photo : ပန်းချီစိုးမိုး FB

စိုးပြည့်သဇင် သီလရှင်ဝတ်တဲ့ ဇာတ်ဝင်ခန်း ဓာတ်ပုံလေးတွေကို ဒါရိုက်တာ ပန်းချီစိုးမိုးရဲ့ ဖေ့စ်ဘွတ်ပေ့ချ်မှာ တင်ထားရင်း ယခုလို ပြောပြထားပါသေးတယ်။

Photo : ပန်းချီစိုးမိုး FB

"ကမ္မဖလ ရုပ်ရှင်ကားကြီးအတွက် စိုးပြည့်သဇင်က တကယ်သီလရှင်ဝတ်ပြီး ကတုံးအစစ်တုံးတာပါ ( ပထမက ကတုံးအတုနဲ့ ရိုက်ထား ပါတယ်။ ကတုံးအတုက သိသာနေလို့ ဆရာကတုံး အစစ်တုံးချင်လား သမီး သီလရှင်ဝတ်လိုက်မယ်  ကတုံးအစစ်တုံးလိုက်မယ် ) ဆိုပြီး သီလရှင် အစစ်ဝတ်တာပါ" ဆိုပြီး ဇူလိုင် (၂၄) ရက်နေ့က ရေးသားထားတာတွေ့ရပါတယ်။

Photo : ပန်းချီစိုးမိုး FB

ပထမပိုင်းမှာ စိုးပြည့်သဇင်အနေနဲ့ ကတုံးအတုနဲ့ ရိုက်ထားခဲ့တာ ရှိပေမယ့်လည်း သူမကြောင့် ဇာတ်အိမ်ကောင်းတဲ့ ဇာတ်ကားတစ်ကားကို ထိခိုက်မှာ စိုးတဲ့အတွက် ကတုံးအစစ်တုံးပြီး သီလရှင် ဝတ်မှာ ဖြစ်တယ်လို့ အင်တာဗျူး တော်တော်များများ မှာ ဖြေဆိုပေးခဲ့ပါတယ်။ အဲ့ဒါကြောင့်လည်း သူမရဲ့ ဆံပင်အရှည်ကို ယောကျ်ားကေ ညှပ်ခဲ့တာ ဖြစ်တယ်လို့ သိရပါတယ်။

Photo : ပန်းချီစိုးမိုး FB

စာရေးဆရာကြီး တင့်တယ်ရဲ့ ကမ္မဖလ ဝတ္ထုကို ဒါရိုက်တာ ပန်းချီစိုးမိုးက ပြန်လည်ရိုက်ကူးတာ  ဖြစ်ပြီး သရုပ်ဆောင်ပြေတီဦး၊သူထူးစံ၊ စိုးရန်အောင်၊ မိုးဟေကို၊ အေးမြတ်သူ၊ စိုးပြည့်သဇင်၊ မေပန်းချီတို့က ပါဝင်ထားတယ်လို့ သိရပါတယ်။

အသက်(၂၅)နှစ်အရွယ် အနုပညာရှင်မလေး စိုးပြည့်ဟာ အသက်(၁၈)နှစ်အရွယ်နဲ့ အကယ်ဒမီရရှိခဲ့သူဖြစ်ပါတယ်။သူအကယ်ဒမီ ရရှိခဲ့တဲ့ ဇာတ်ကားကတော့ "မိုးညအိမ်မက်မြူ" ရုပ်ရှင်ဇာတ်ကားဖြစ်ပါတယ်။

Photo : စိုးပြည့်သဇင် FB

စိုးပြည့်သဇင်ကတော့ သရုပ်ဆောင်ပိုင်းမှာသာမက အဆိုပိုင်းမှာလည်း ပရိသတ်အားပေးမှု ရရှိထားသူ တစ်ယောက်ဖြစ်ပါတယ်။ သီချင်းပိုင်း နဲ့ ပတ်သက်ပြီး ချစ်သူရွေးမယ် တေးစီးရီးနဲ့ အချစ်ကို ရှာဖွေတွေ့ရှိခြင်း ဆိုတဲ့ တေးစီးရီးများကို ထွက်ရှိထားသူ တစ်ဦး ဖြစ်ပါတယ်။