AD
AD
AD

ရည်မှန်းချက်လေးနဲ့ ပိုက်ဆံတွေစုနေတဲ့ ဘေဘီမောင်တစ်ယောက် မထင်မှတ်ထားတဲ့ အရေအတွက်လေးတွေကို မြင်လိုက်ရချိန် မှာ ဝမ်းသာခဲ့ရပါတယ်။ သူ့အနေနဲ့ ဇာတ်ကားရိုက်ကူးရေးတွေ နားထားပေမယ့် ၁၀ လပိုင်းက စပြီးရုပ်ရှင်ပြန်ရိုက်တော့မယ်လို့ ပြောပါတယ်။

play
Photo: Baby Maung Fb

 

သရုပ်ဆောင်ဘေဘီမောင်တစ်ယောက် အနုပညာကြေးကနေ ရရှိလာတဲ့ ပိုက်ဆံလေးတွေကို နည်းနည်းစီစုရင်း ပြည့်လာလို့ အခုတော့ စုဘူး လေး ခွဲလိုက်ရပြီတဲ့။ မထင်မှတ်ထားတဲ့ ငွေတွေ ဖြစ်လာလို့လည်း သူမ အရမ်းကိုပျော်နေတဲ့ အကြောင်းကို Duwun ပရိသတ်တွေ အတွက်  တင်ပေးလိုက်တယ်နော်။

'' ဘဝသမားဆိုတော့ပိုက်ဆံစုရတာပေါ့။  ချွေးနည်းစာလေးနဲ့စုထားတဲ့ပိုက်ဆံလေးတွေ စုဗူးလေးခွဲရတာ နှမြောပေမဲ့ ပိုက်ပိုက်တွေ အဲ့လောက်ရမယ်မှန်းမသိဘူး ပျော်တယ် ထပ်စုအုံးမယ်။ ဘာကြောင့်စုတာလဲဆိုတဲ့ရည်မှန်းချက်လေးတော့ရှိတယ် နောက်မှ ပြောပြ တော့မယ်နော်'' ဆိုပြီးတော့ ဇူလိုင်လ ၂၅ ရက်နေ့ည ၁၁ နာရီက သူ့ရဲ့ ဖေ့စ်ဘွတ်ပေါ်မှာ ရေးသားခဲ့တာဖြစ်ပါတယ်။

play
Photo: Baby Maung Fb

 

ဘေဘီမောင်ဟာ ဇွန်လ တစ်လလုံးမှာတော့ ကမ္ဘာ့ဖလားဘောလုံးပွဲသတင်းတွေကို ရုပ်သံလိုင်းကနေ အချိန်ပြည့်တင်ဆက်ပေးနေတာဖြစ် တဲ့အတွက် ဇာတ်ကားရိုက်ကူးရေးတွေ နားခဲ့တယ်လို့ သိရပါတယ်။ အဲ့ဒါကြောင့် ၁၀ လပိုင်းက စပြီး ရုပ်ရှင်ဇာတ်ကားကြီးတွေ ပြန်ရိုက်မယ် ဆိုပြီးတော့ Duwun Media ရဲ့ အင်တာဗျူးမှာ ဖြေဆိုခဲ့ပါတယ်။

'' ၁၀ လပိုင်း ကျရင်တော့ ကိုခန့်တို့နဲ့ ရုပ်ရှင်ဇာတ်ကားကြီးရိုက်ဖို့ရှိတယ်၊ ဆရာခင်စောမျိုးနဲ့လည်း ရုပ်ရှင်ဇာတ်ကားကြီးရိုက်ဖို့ ရှိသေးတယ်။ ဘေဘီက အခု MRTV-4 က ရုပ်သံဇာတ်လမ်းတွဲ လမ်းရိုက်ဖို့ရှိတယ်။''လို့ နောက်ထပ်ပြုလုပ်မယ့် အနုပညာလှုပ်ရှားမှုတွေအကြောင်းကို ပြောပြခဲ့ပါတယ်။

 

play
Photo: Baby Maung Fb

 

ဘေဘီမောင်ဟာ ပရိသတ်အခိုင်အမာရရှိနေတဲ့ အနုပညာရှင်တစ်ဦးပါ။ ဗီဒီယိုဇာတ်ကား တွေ၊ ရုပ်သံဇာတ်လမ်းတွဲတွေ နဲ့ ရုပ်ရှင်ဇာတ်ကား ကြီး တွေမှာလည်း ပါဝင်သရုပ်ဆောင်နေသူ တစ်ဦးဖြစ်ပါတယ်။  Baby & Barani Beauty & Fashion House ဆိုတဲ့ ကိုယ်ပိုင်ဖက်ရှင် ဆိုင်လေး ကိုလည်း ဖွင့်လှစ်ထားပါတယ်။

အရင်တုန်းက ဆက်စီကျကျ ဝတ်စားမှုမျိုးနဲ့ လူသိများခဲ့တဲ့ ဘေဘီမောင်ဟာ အခုချိန်မှာ သရုပ်ဆောင်တစ်ယောက် ဖြစ်နေပြီဖြစ်တဲ့အတွက် အရင်လို ခပ်ဟော့ဟော့တွေ မဝင်တော့ဘူးလို့ ပြောခဲ့ဖူးပါတယ်။ သရုပ်ဆောင်ဆိုတာ ပရိသတ်တွေရဲ့ စံပြတစ်ယောက်ဖြစ်တဲ့ အတွက် ဝတ်တာစားတာ ဆင်ဆင်ခြင်ခြင် ဝတ်တော့မယ်လို့လည်း အင်တာဗျူးတွေမှာ ဖြေကြားခဲ့ဖူးပါတယ်။

ဤအကြောင်းအရာကို သင်ဘယ်လိုထင်ပါသလဲ။
AD

AD