Photo: Smile Facebook

'' ဘဝမမေ့အောင် အမြဲ ကိုယ်ဘယ်ဘဝကစခဲ့တယ် ဆိုတာသိအောင်ပြန်သွားကြည့် သမီးတွေကိုရှင်းပြ လူတွေထင်နေတဲ့ အရမ်း ချမ်းသာ တယ် ဆိုတာမဖြစ်ခင် ဘယ်လိုရုန်းကန်ခဲ့ရတယ်ဆိုတာလေး ကြုံတုန်းကလေးတွေကိုပါပြော။ Showsec ဆိုတဲ့ security အလုပ်မှာ ကျမတို့ လင်မယား အတူတူလုပ်ခဲ့ဖူးတယ်'' လို့ ဆိုပါတယ်။

Photo: Smile Facebook

McDonald’s မှာ တစ်နေကုန် မတ်တပ်ရပ်၊ လူတွေ မေးသမျှ ပြန်ဖြေနေရတဲ့ ဘဝ၊ ကျောင်းတက်နေရင်းနဲ့ အချိန်ပိုင်းအလုပ်လုပ်ခဲ့ရတဲ့ ခင်ပွန်းဖြစ်သူရဲ့ အမှတ်တရတွေကိုလည်း ဆက်လက်ရေးသားခဲ့ပါသေးတယ်။

''တနေကုန် မတ်တပ်ရပ်လူတွေမေးသမျှဖြေ McDonald’s မှာ မောင် စရောက်ရောက်ချင်းကျောင်းသားဆိုတော့ဘာမှမလုပ်တတ် part time ခန့်တဲ့ဒီဆိုင်မှာလုပ်ရတယ် ကြမ်းတိုက် အမှိုက်ပြစ် အိမ်သာဆေးကအစလုပ်ရတယ်'' ဆိုပြီးတော့ သြဂုတ်လ ၃ ရက်နေ့ညနေ ၂ နာရီကျော် လောက်က စမိုင်းလ်ရဲ့ ဖေ့စ်ဘွတ်ပေါ်မှာ ရေးသားခဲ့တာဖြစ်ပါတယ်။

Photo: Smile Facebook

ခင်ပွန်းဖြစ်သူ လိမ္မာလို့ စိတ်ရောလူရော ချမ်းသာနေရတဲ့ စမိုင်းလ် 

အသက်ငယ်ငယ်ရွယ်ရွယ်နဲ့ အိမ်ထောင်ကျခဲ့ရတဲ့ သရုပ်ဆောင်စမိုင်းလ် တို့ ဇနီးမောင်နှံဟာ အင်္ဂလန်နိုင်ငံမှာနေထိုင်ရင်း ပင်ပင်ပန်းပန်း၊ ခက်ခက်ခဲခဲနဲ့ အလုပ်တွေကြိုးစားခဲ့ရတယ်လို့ Duwun Media ရဲ့ အင်တာဗျူးမှာ ဖြေဆိုခဲ့ဖူးပါတယ်။ ဒီလို ဒုက္ခတွေကြားကမှ ဘုရား၊ တရား မမေ့ခဲ့လို့ အခုလို ချမ်းသာလာရတဲ့အကြောင်းကိုလည်း ဆက်လက်ပြောပြခဲ့ပါသေးတယ်။

Photo: Smile Facebook

သရုပ်ဆောင် စမိုင်းလ် ဟာ အခုချိန်မှာ ကိုယ်ပိုင်စီးပွားရေးတွေလည်းအများကြီးပိုင်ဆိုင်ထားသလို ကိုယ်ပိုင်ရုပ်ရှင်ထုတ်လုပ်ရေး ကိုလည်း စီစဉ်ဆောင်ရွက်နေသူတစ်ဦးပါ။ အခုဆိုရင်တော့ သစ္စာရှိတတ်ပြီး နားလည်မှုအပြည့်အဝပေးထားတဲ့ ခင်ပွန်းဖြစ်သူနဲ့ အတူ ချစ်စရာကောင်း တဲ့ သမီးလေး နှစ်ယောက်ကို ပိုင်ဆိုင်ထားသူတစ်ဦးဖြစ်ပါတယ်။